ಅಮೇಜಾನ್‌ಗೆ ಸ್ಪರ್ಧೆ ಒಡ್ಡಲು ರಿಲಯನ್ಸ್‌ ರೆಡಿ: $ 132 ಮಿಲಿಯನ್‌ ಕೊಟ್ಟು ರೋಬೋಟಿಕ್‌ ಕಂಪನಿ ಖರೀದಿಸಿದ ಅಂಬಾನಿ

ಮುಂಬಯಿ:ಆನ್‌ಲೈನ್ ಶಾಪಿಂಗ್ ದೈತ್ಯ ಅಮೇಜಾನ್‌ ಡಾಟ್‌ ಕಾಮ್‌ಗೆ ತೀವ್ರ ಸ್ಪರ್ಧೆ ಒಡ್ಡುತ್ತಿರುವ ಮುಕೇಶ್‌ ಅಂಬಾನಿ ನೇತೃತ್ವದ ರಿಲಯನ್ಸ್‌ ಇಂಡಸ್ಟ್ರೀಸ್‌ , ತನ್ನ ಕಾರ್ಯಾಚರಣೆಯನ್ನು ಮತ್ತಷ್ಟು ಯಾಂತ್ರೀಕೃತಗೊಳಿಸಲು ಮುಂದಾಗಿದೆ. ಅದಕ್ಕಾಗಿ ರೋಬೋಟಿಕ್ಸ್‌ ಕಂಪನಿಯೊಂದನ್ನು ಖರೀದಿ ಮಾಡಲು ಮುಂದಾಗಿದೆ.

ಭಾರತೀಯ ಮೂಲದ ರೋಬೋಟಿಕ್‌ ಟೆಕ್ನಾಲಜಿ ಕಂಪನಿ ಅಡ್ವರ್ಬ್‌ ಟೆಕ್ನಾಲಜೀಸ್‌ (Addverb Technologies) ಖರೀದಿಗೆ ರಿಲಯನ್ಸ್‌ ಇಡಂಸ್ಟ್ರೀಸ್‌ ಲಿಮಿಟೆಡ್‌ (Reliance Industries Limited) ಮುಂದಾಗಿದ್ದು ಇದಕ್ಕಾಗಿ 132 ಮಿಲಿಯನ್‌ ಡಾಲರ್ ರುಪಾಯಿ ವೆಚ್ಚ ಮಾಡಿದೆ.

ತನ್ನ ಇ- ಕಾಮರ್ಸ್‌ ಉಗ್ರಾಣಗಳನ್ನು ಹಾಗೂ ಶಕ್ತಿ ಉತ್ಪಾದನೆಯನ್ನು ಬಲಗೊಳಿಸಲೋಸುಗ ರಿಲಯನ್ಸ್‌ ಈ ರೋಬೋಟಿಕ್ಸ್‌ ಸಂಸ್ಥೆಯನ್ನು ಖರೀದಿ ಮಾಡಲು ಮುಂದಾಗಿದೆ. ಅಡ್ವರ್ಬ್‌ ಸಂಸ್ಥೆಯನ್ನು ರಿಲಯನ್ಸ್‌ಗೆ ಮಾರಾಟ ಮಾಡುವುದಾಗಿ ಖುದ್ದು ಸಂಸ್ಥೆಯ ಸಹ ಸಂಸ್ಥಾಪಕ ಹಾಗೂ ಮುಖ್ಯ ಕಾರ್ಯ ನಿರ್ವಹಣಾ ಅಧಿಕಾರಿ ಸಂಗೀತ್‌ ಕುಮಾರ್ ತಿಳಿಸಿದ್ದಾರೆ.

ಬೆಂಗಳೂರು ಮೂಲದ Dunzoದ ಶೇ.25 ರಷ್ಟು ಶೇರು ಖರೀದಿ ಮಾಡಿದ ರಿಲಾಯನ್ಸ್ ರಿಟೇಲ್
ಈಗಾಗಲೇ ರಿಲಯನ್ಸ್‌ನ ದಿನಸಿ ಶಾಪಿಂಗ್‌ ಆ್ಯಪ್ ಜಿಯೋ ಮಾರ್ಟ್‌, ಫ್ಯಾಷನ್‌ ರಿಟೈಲರ್ ಆ್ಯಪ್ ಆಜಿಯೋ ಹಾಗೂ ಆನ್ಲೈನ್‌ ಔಷಧ ಡೆಲಿವರಿ ಆ್ಯಪ್ ನೆಟ್‌ಮೆಡ್ಸ್‌ನಲ್ಲಿ ಅಡ್ವರ್ಬ್‌ನ ಪೂರ್ಣ ಅಟೋಮೇಟೆಡ್‌, ಸೆಮಿ ಅಟೋಮೇಟೆಡ್‌ ತಂತ್ರಜ್ಞಾನಗಳನ್ನು ಬಳಸಿ ಡೆಲಿವರಿ, ಪಿಕಪ್‌ ಮುಂತಾದ ಕೆಲಸಗಳನ್ನು ಮಾಡಲಾಗುತ್ತಿದೆ. ಈಗ ಕಂಪನಿಯನ್ನೇ ಖರೀದಿ ಮಾಡಿ ತನ್ನೆಲ್ಲಾ ಕೆಲಸಗಳನ್ನು ತಂತ್ರಜ್ಞಾನ ಮೂಲಕ ಮತ್ತಷ್ಟು ವೇಗ ಹಾಗೂ ತ್ವರಿತವಾಗಿ ಮಾಡಲು ರಿಲಯನ್ಸ್‌ ಮುಂದಾಗಿದೆ.

ಭಾರತೀಯ ಇ-ಕಾಮರ್ಸ್‌ ಮಾರುಕಟ್ಟೆಯಲ್ಲಿ ದೈತ್ಯವಾಗಿ ಬೆಳೆದು ನಿಂತಿರುವ ಅಮೇಜಾನ್‌ ಡಾಟ್‌ ಕಾಂ ವಿರುದ್ಧ ಪಾರುಪತ್ಯ ಸಾಧಿಸುವ ಸಲುವಾಗಿ ರಿಲಯನ್ಸ್‌ ಈ ರೊಬೋಟಿಕ್‌ ಕಂಪನಿಯನ್ನು ಖರೀದಿ ಮಾಡಲು ಮುಂದಾಗಿದೆ.

ಅಮೇಜಾನ್‌ ಈಗಾಗಲೇ ತನ್ನ ಆನ್‌ಲೈನ್‌ ಮಾರ್ಕೆಟಿಂಗ್‌ನಲ್ಲಿ ರೋಬೊಟಿಕ್‌ ತಂತ್ರಜ್ಞಾನವನ್ನು ಬಳಸಿ, ಆರ್ಡರ್‌ ತೆಗೆದುಕೊಳ್ಳುವುದು,ಪ್ಯಾಕಿಂಗ್‌, ಡೆಲಿವರಿ ಮುಂತಾದವುಗಳನ್ನು ವೇಗವಾಗಿ ಮಾಡುತ್ತಿದೆ.

100 ಮಿಲಿಯನ್‌ ಡಾಲರ್‌ ಕೊಟ್ಟು ಅಮೆರಿಕದ ಪ್ರಸಿದ್ಧ ಪಂಚತಾರಾ ಹೋಟೆಲ್‌ ಖರೀದಿಸಿದ ರಿಲಾಯನ್ಸ್‌!
ರಿಲಯನ್ಸ್‌ ತನ್ನ ಡಿಜಿಟಲ್‌ ಉಗ್ರಾಣದಲ್ಲಿ ಅಟೋಮ್ಯಾಟಿಕ್‌ ತಂತ್ರಜ್ಞಾನ ಹಾಗೂ ಮುಂದಿನ ಎರಡು ವರ್ಷದಲ್ಲಿ ದೇಶದ ವಿವಿಧ ಭಾಗಗಳಲ್ಲಿ ಇನ್ನಷ್ಟು ಉಗ್ರಾಣಗಳನ್ನು ಸ್ಥಾಪಿಸುವ ಉದ್ದೇಶದಿಂದ ಈ ಸಂಸ್ಥೆಯನ್ನು ರಿಲಯನ್ಸ್‌ ಖರೀದಿ ಮಾಡಿದೆ.

ಅಡ್ವರ್ಬ್‌ನ ರೊಬೋಟ್‌ ಯಂತ್ರಗಳು ಗುಜರಾತ್‌ನ ಜಾಮ್‌ನಗರದಲ್ಲಿರುವ ರಿಲಯನ್ಸ್‌ನ ತೈಲ ಸಂಸ್ಕರಣಾ ಘಟಕದಲ್ಲಿ ತೈಲ ಹಾಗೂ ಅನಿಲ ಪ್ಯಾಕ್‌ ಮಾಡಲು ಬಳಸಲಾಗುತ್ತಿದೆ. ಅಲ್ಲದೇ ರಿಲಯನ್ಸ್‌ನ ಸೋಲಾರ್‌ ಕಾರ್ಖಾನೆಗಲ್ಲಿ, ಹಸಿರು ಶಕ್ತಿ ಉತ್ಪಾದನ ಕೇಂದ್ರಗಳಲ್ಲಿಯೂ ರೋಬೋಟಿಕ್‌ ತಂತ್ರಜ್ಞಾನ ಅಳವಡಿಸುವ ಸಲುವಾಗಿ ಅಡ್ವರ್ಬ್‌ ಕೆಲಸ ಮಾಡುತ್ತಿದೆ.

ಇದೇ ವೇಳೆ ಮುಂದಿನ ಎರಡು ವರ್ಷದಲ್ಲಿ 5 ಜಿ ಆಧಾರಿತ ರೋಬೋಟಿಕ್‌ ತಂತ್ರಜ್ಞಾನ ಬಳಸಿ ರೋಬೋಟಿಕ್ಸ್‌ ಹಾಗೂ ಬ್ಯಾಟರಿ ಸಿಸ್ಟಂ ತಯಾರಿಸುವುದಾಗಿ ಅಡ್ವರ್ಬ್‌ನ ಸಹ ಸಂಸ್ಥಾಪಕ ಸಂಗೀತ್‌ ಕುಮಾರ್‌ ಹೇಳಿದ್ದಾರೆ.