ಮುಂಬೈ ಷೇರುಪೇಟೆಯಲ್ಲಿ ಗೂಳಿ ಗುಟುರು! 40,345 ಅಂಕ ತಲುಪಿದ 'ಸೆನ್ಸೆಕ್ಸ್' ಸಾರ್ವಕಾಲಿಕ ದಾಖಲೆ

ಮುಂಬಯಿ: ಷೇರುಪೇಟೆಯಲ್ಲಿ ಗೂಳಿ ಆರ್ಭಟ ಜೋರಾಗಿದೆ. 40 ಸಾವಿರ ಅಂಕಗಳ ಗಡಿದಾಟಿರುವ ಸೆನ್ಸೆಕ್ಸ್‌, 40,345 ಅಂಕಗಳನ್ನು ತಲುಪಿ ಸಾರ್ವಕಾಲಿಕ ದಾಖಲೆ ಮೆರೆದಿದೆ. ಮಾರುಕಟ್ಟೆಯಲ್ಲಿ ಇನ್‌ಫೋಸಿಸ್ ಹಾಗೂ ಎಸ್‌ಬಿಐ ಷೇರುಗಳ ಆರ್ಭಟ ಜೋರಾಗಿದೆ.

ಕೇಂದ್ರದಿಂದ ದಸರಾ ಬಂಪರ್ ಆಫರ್! ಕಾರ್, ಬೈಕ್, ಫ್ಲಾಟ್ ಖರೀದಿಸಬೇಕಾ? ಗೃಹ, ವಾಹನ ಸಾಲ ಅಗ್ಗ

ಆರ್ಥಿಕ ಹಿಂಜರಿತ ಭೀತಿ ಹಿನ್ನೆಲೆಯಲ್ಲಿ ಕೇಂದ್ರ ಸರ್ಕಾರ ಘೋಷಿಸಿರುವ ಹತ್ತು ಹಲವು ತೆರಿಗೆ ಕಡಿತಗಳು, ತೆರಿಗೆ ಸುಧಾರಣಾ ಕ್ರಮಗಳು, ಉತ್ತೇಜನ ಪ್ಯಾಕೇಜ್‌ಗಳು ಷೇರು ಮಾರುಕಟ್ಟೆಯ ದಾಖಲೆ ಬೆಳವಣಿಗೆಗೆ ಪ್ರಮುಖ ಕಾರಣವಾಗಿವೆ. ಜೊತೆಯಲ್ಲೇ ಅತ್ಯಧಿಕ ಪ್ರಮಾಣದಲ್ಲಿ ವಿದೇಶಗಳಿಂದ ಹರಿದುಬರುತ್ತಿರುವ ನಿಧಿ, ದೇಶೀಯ ಹೂಡಿಕೆದಾರರ ಆತ್ಮಸ್ಥೈರ್ಯ ಹಿಗ್ಗಿಸುತ್ತಿದೆ.

ದಿನದ ಆರಂಭದಲ್ಲೇ ಮುಂಬಯಿ ಷೇರುಪೇಟೆಯಲ್ಲಿ ಸೆನ್ಸೆಕ್ಸ್‌ 293 ಅಂಕಗಳನ್ನು ಏರಿಕೆ ದಾಖಲಿಸಿತು. ಇನ್‌ಫೋಸಿಸ್, ಎಸ್‌ಬಿಐ, ಹೆಚ್‌ಡಿಎಫ್‌ಸಿ ಹಾಗೂ ಟಿಸಿಎಸ್ ಷೇರುಗಳು ಭಾರೀ ಬೇಡಿಕೆ ಗಿಟ್ಟಿಸಿಕೊಂಡವು. ಟಾಟಾ ಮೋಟಾರ್ಸ್‌, ಯೆಸ್‌ ಬ್ಯಾಂಕ್, ಸನ್ ಫಾರ್ಮಾ ಷೇರುಗಳೂ ಶೇ. 4.35ರಷ್ಟು ದಾಖಲೆ ಏರಿಕೆ ಕಂಡವು. ಆದ್ರೆ, ಎಂ ಅಂಡ್ ಎಂ, ಟಾಟಾ ಸ್ಟೀಲ್, ಟೆಕ್ ಎಂ, ಪವರ್ ಗ್ರಿಡ್ ಹಾಗೂ ಆಕ್ಸಿಸ್ ಬ್ಯಾಂಕ್ ಷೇರುಗಳು ಶೇ. 1.09ರಷ್ಟು ಕುಸಿತ ಕಂಡವು.

ಮುಂಬಯಿ ಷೇರುಪೇಟೆಯಲ್ಲಿ ದಾಖಲೆಯ ಏರಿಕೆ ದಾಖಲಾಗುತ್ತಿದ್ದಂತೆಯೇ, ಸಾಮಾಜಿಕ ಜಾಲತಾಣಗಳಲ್ಲೂ ಮೋದಿ, ಪರ ವಿರೋಧಿ ನೆಟ್ಟಿಗರ ಗುದ್ದಾಟ ಶುರುವಾಯ್ತು. ಷೇರುಪೇಟೆಯೂ ಮೋದಿ ಮಯವಾಗಿದೆ ಅನ್ನೋ ಟ್ವೀಟ್‌ಗಳು ಶುರುವಾದವು.

ಕಾರ್ಪೋರೇಟ್ ತೆರಿಗೆ ಇಳಿಕೆ ನಿರ್ಧಾರ ಐತಿಹಾಸಿಕ-ಪಿಎಂ ಮೋದಿ ಬಣ್ಣನೆ