ಶೀಘ್ರದಲ್ಲೇ 10ರ ಹೊಸ ನೋಟ್‌

ಮುಂಬಯಿ: 500, 1000ರೂ. ಮುಖ ಬೆಲೆಯ ನೋಟುಗಳನ್ನು ನಿಷೇಧಿಸಿದ ಬಳಿಕ 10ರ ನೋಟಿನಲ್ಲೂ ಬದಲಾವಣೆ ತರಲು ಭಾರತೀಯ ರಿಸರ್ವ್‌ ಬ್ಯಾಂಕ್‌ ಮುಂದಾಗಿದೆ.

ಹೊಸ 10ರೂ. ನೋಟ್‌ನಲ್ಲಿ ಹೆಚ್ಚಿನ ಸುರಕ್ಷತಾ ಕ್ರಮಗಳಿರಲಿವೆ ಎಂದು ಆರ್‌ಬಿಐ ತಿಳಿಸಿದೆ.

ಈ ಕುರಿತು ಪ್ರಕಟಣೆ ಹೊರಡಿಸಿರುವ ಆರ್‌ಬಿಐ ಮಹಾತ್ಮಾ ಗಾಂಧಿ ಚಿತ್ರ ಸರಣಿಯ 2005ರ ನೋಟುಗಳ ಮೇಲೆ ಎರಡೂ ಕಡೆ ನಂಬರಿನ ಬಳಿ `L’ ಎಂದು ಮುದ್ರಿಸಲಾಗುತ್ತದೆ. ನೋಟಿನ ಹಿಂಬದಿ 2017 ಎಂದು ಮುದ್ರಣದ ವರ್ಷವನ್ನು ಪ್ರಿಂಟ್‌ ಮಾಡಲಾಗುತ್ತದೆ.

ನೋಟಿನ ಎರಡೂ ಬದಿಯ ಸಂಖ್ಯೆಗಳ ಗಾತ್ರ ಎಡಿದಿಂದ ಬಲಕ್ಕೆ ಹೆಚ್ಚುತ್ತಾ ಹೋಗುತ್ತದೆ. ಅಲ್ಲದೇ ನೋಟಿನಲ್ಲಿ ರಿಸರ್ವ್ ಬ್ಯಾಂಕ್ ಗವರ್ನರ್ ಊರ್ಜಿತ್ ಪಟೇಲ್ ಅವರ ಸಹಿಯೂ ಇರಲಿದೆ.

ಸದ್ಯ ಚಲಾವಣೆಯಲ್ಲಿರುವ 10 ರೂ. ಮುಖಬೆಲೆಯ ನೋಟುಗಳು ಚಲಾವಣೆಯಲ್ಲಿರುತ್ತದೆ ಎಂದೂ ಪ್ರಕಟಣೆ ತಿಳಿಸಿದೆ.