ಸೆ.1ರಿಂದ ಥರ್ಡ್‌ ಪಾರ್ಟಿ ವಿಮೆ ಕಡ್ಡಾಯ

ಹೊಸದಿಲ್ಲಿ : ಐಆರ್‌ಡಿಎ ವಾಹನಗಳಿಗೆ ಥರ್ಡ್‌ ಪಾರ್ಟಿ ವಿಮೆಯನ್ನು ಸೆ.1ರಿಂದ ಕಡ್ಡಾಯಗೊಳಿಸಿದೆ. ಸುಪ್ರೀಂಕೋರ್ಟ್‌ ಆದೇಶದ ಅನ್ವಯ ಐಆರ್‌ಡಿಎ ಈ ಕ್ರಮ ತೆಗೆದುಕೊಂಡಿದೆ. ಇದರ ಪರಿಣಾಮ ಕಾರು, ಬೈಕ್‌ ಇತ್ಯಾದಿಗಳ ಖರೀದಿ ತುಟ್ಟಿಯಾಗುವ ನಿರೀಕ್ಷೆ ಇದೆ. 1,000 ಸಿಸಿಗಿಂತ ಕಡಿಮೆ ಸಾಮರ್ಥ್ಯ‌ದ ಎಂಜಿನ್‌ ಇರುವ ಕಾರುಗಳಿಗೆ ಥರ್ಡ್‌ ಪಾರ್ಟಿ ಇನ್ಷೂರೆನ್ಸ್‌ ಬೆಲೆ 5,286 ರೂ. ಆಗುತ್ತದೆ. 75 ಸಿಸಿಗಿಂತ ಕಡಿಮೆ ಸಾಮರ್ಥ್ಯ‌ದ ಎಂಜಿನ್‌ ಇರುವ ದ್ವಿಚಕ್ರವಾಹನಕ್ಕೆ 5 ವರ್ಷಗಳ ಥರ್ಡ್‌ ಪಾಟಿ ವಿಮೆ ವೆಚ್ಚ 1,045 ರೂ. ಹಾಗೂ 150 ಸಿಸಿ ಒಳಗಿನ ದ್ವಿಚಕ್ರವಾಹನಗಳಿಗೆ 3,285 ರೂ. ಆಗುತ್ತದೆ. 350 ಸಿಸಗಿಂತ ಹೆಚ್ಚಿದ್ದರೆ ವಿಮೆ ಖರ್ಚು 13,034 ರೂ. ಆಗಲಿದೆ.

ಮೋಟಾರು ವಾಹನ ಕಾಯಿದೆ ಅನ್ವಯ ಥರ್ಡ್‌ ಪಾರ್ಟಿ ವಿಮೆ ಕಡ್ಡಾಯವಾಗಿದೆ. ಎಲ್ಲ ಸಾಮಾನ್ಯ ವಿಮೆ ಕಂಪನಿಗಳು ಹೊಸ ಕಾರುಗಳಿಗೆ 3 ವರ್ಷಗಳ ಅವಧಿಯ ಥರ್ಡ್‌ ಪಾರ್ಟಿ ವಿಮೆ ಹಾಗೂ ದ್ವಿ ಚಕ್ರವಾಹನಗಳಿಗೆ 5 ವರ್ಷದ ವಿಮೆ ಕೊಡಬೇಕು.