ಪ್ರಾಥಮಿಕ ಬ್ಯಾಂಕ್‌ ಖಾತೆ: ವಿತ್‌ ಡ್ರಾವಲ್ಸ್‌ ಬಗ್ಗೆ ಇರಲಿ ಎಚ್ಚರ

ಹೊಸದಿಲ್ಲಿ : ಜನ ಸಾಮಾನ್ಯರಿಗೂ ಬ್ಯಾಂಕಿಂಗ್‌ ಸೇವೆಯನ್ನು ಕಲ್ಪಿಸಲು ಪ್ರಾಥಮಿಕ ಉಳಿತಾಯ ಬ್ಯಾಂಕ್‌ ಖಾತೆಗಳ(ಬಿಎಸ್‌ಬಿಡಿಎ) ಸೌಲಭ್ಯ ಜಾರಿಯಲ್ಲಿದೆ. ಇಂಥ ಖಾತೆಗಳಲ್ಲಿ ತಿಂಗಳಿಗೆ 4 ಸಲ ಹಣ ಹಿಂತೆಗೆದುಕೊಳ್ಳಬಹುದು. 4ಕ್ಕಿಂತ ಹೆಚ್ಚು ವಿತ್‌ಡ್ರಾವಲ್ಸ್‌ ಮೇಲೆ ಭಾರಿ ದಂಡವನ್ನು ಬ್ಯಾಂಕ್‌ಗಳು ವಿಧಿಸುತ್ತಿವೆ ಎಂದು ವರದಿಯಾಗಿದೆ.

ಬಿಎಸ್‌ಬಿಡಿಎ ಖಾತೆಗಳಲ್ಲಿ ಬಳಕೆದಾರರು ಯಾವುದೇ ಕನಿಷ್ಠ ಬ್ಯಾಲೆನ್ಸ್‌ ಇಡಬೇಕಾಗಿರುವುದಿಲ್ಲ. ಇತರ ಸಾಮಾನ್ಯ ಖಾತೆಗಳಿಗೆ ಇರುತ್ತದೆ. ಹೀಗಿದ್ದರೂ ಬಿಎಸ್‌ಬಿಡಿಎ ಖಾತೆಗಳ ಮಹತ್ವದ ಅಂಶವೇನೆಂದರೆ ತಿಂಗಳಿಗೆ 4ಕ್ಕಿಂತ ಹೆಚ್ಚು ವಿತ್‌ ಡ್ರಾವಲ್ಸ್‌ ಮಾಡಬಾರದು. ಆದರೆ ಖಾತೆಗೆ ಠೇವಣಿ ಇಡಲು ಅಂತ ನಿಬಂಧನೆ ಇಲ್ಲ. ಎಷ್ಟು ಬೇಕಾದರೂ ಠೇವಣಿ ಇಡಬಹುದು. ಹೀಗಿದ್ದರೂ ಬ್ಯಾಂಕ್‌ಗಳು 4ಕ್ಕಿಂತ ಹೆಚ್ಚು ಸಲ ವಿತ್‌ ಡ್ರಾವಲ್ಸ್‌ ಮೇಲೆ ಭಾರಿ ದಂಡ ವಿಧಿಸುವುದು ಸಮಂಜಸವಲ್ಲ ಎಂದು ಐಐಟಿ ಬಾಂಬೆಯ ಪ್ರೊಫೆಸರ್‌ ಆಶಿಷ್‌ ದಾಸ್‌ ತಮ್ಮ ವರದಿಯಲ್ಲಿ ತಿಳಿಸಿದ್ದಾರೆ.