ಧಾರ್ಮಿಕ ಕ್ಷೇತ್ರಗಳಲ್ಲಿ ನೀಡುವ ಪ್ರಸಾದಕ್ಕಿಲ್ಲ ಜಿಎಸ್‍ಟಿ

ಹೊಸದಿಲ್ಲಿ: ಅನ್ನಕ್ಷೇತ್ರಗಳಲ್ಲಿ ನೀಡುವ ಪ್ರಸಾದಗಳಿಗೆ ಯಾವುದೇ ರೀತಿಯ ಸರಕು ಮತ್ತು ಸೇವಾ ತೆರಿಗೆ (ಜಿಎಸ್‌ಟಿ) ಅನ್ವಯಿಸುವುದಿಲ್ಲ ಎಂದು ಕೇಂದ್ರ ಹಣಕಾಸು ಸಚಿವಾಲಯ ತಿಳಿಸಿದೆ. ಧಾರ್ಮಿಕ ಕ್ಷೇತ್ರಗಳಲ್ಲಿ ನೀಡುವ ಪ್ರಸಾದಕ್ಕೂ ಜಿಎಸ್‌ಟಿ ತೆರಿಗೆ ಅನ್ವಯಿಸುತ್ತದೆ ಎಂಬ ಸುದ್ದಿಯ ಹಿನ್ನೆಲೆಯಲ್ಲಿ ಸಚಿವಾಲಯ ಈ ಸ್ಪಷ್ಟೀಕರಣ ನೀಡಿದೆ.

ವಿವಿಧ ಧರ್ಮಗಳಿಗೆ ಸಂಬಂಧಿಸಿದ ಧಾರ್ಮಿಕ ಸಂಸ್ಥೆಗಳು ಕಳುಹಿಸಿರುವ ಅನ್ನದಾನಕ್ಕೆ ಯಾವುದೇ ರೀತಿಯ ತೆರಿಗೆ ಇರಲ್ಲ ಎಂದು ತಿಳಿಸಿದೆ. ಅದೇ ರೀತಿ ವಿವಿಧ ದೇವಾಲಯ, ಚರ್ಚ್‌, ಮಸೀದಿ, ಗುರುದ್ವಾರ, ದರ್ಗಾಗಳಲ್ಲಿ ನೀಡುವ, ಬೇರೆಡೆಗೆ ರವಾನಿಸುವ ಪ್ರಸಾದಕ್ಕೂ ಯಾವುದೇ ರೀತಿಯ ಜಿಎಸ್‌ಟಿ ಅನ್ವಯಿಸುವುದಿಲ್ಲ ಎಂದು ತಿಳಿಸಿದೆ.

ಆದರೆ ಪ್ರಸಾದ ತಯಾರಿಸಲು ಬೇಕಾಗುವ ಸಕ್ಕರೆ, ಎಣ್ಣೆ, ತುಪ್ಪ, ಬೆಣ್ಣೆಯಂತಹ ವಸ್ತುಗಳಿಗೆ ಯಥಾವಿಧಿಯಾಗಿ ಜಿಎಸ್‌ಟಿ ತೆರಿಗೆ ಅನ್ವಯಿಸುತ್ತದೆಂದು ತಿಳಿಸಿದೆ. ಅಂತಿಮವಾಗಿ ಅದರ ಬಳಕೆ ಆಧಾರವಾಗಿ ತೆರಿಗೆ ದರವನ್ನು ನಿರ್ಧರಿಸುವುದು ಸಾಧ್ಯವಾಗುತ್ತದೆ ಎಂದಿದೆ ಸಚಿವಾಲಯ.

The free food supplied by religious institutions does not attract any Goods and Services Tax but the inputs required to make it, including sugar, vegetable oil and ghee are subject to GST, the government said on Tuesday.