ಚಿಲ್ಲರೆ ಹಣದುಬ್ಬರ ಶೇ.5.5 ಏರಿಕೆ : ಆಹಾರ ಪದಾರ್ಥಗಳ ದರ ಶೇ.10 ಜಿಗಿತ

ಹೊಸದಿಲ್ಲಿ: ಆಹಾರ ಪದಾರ್ಥಗಳ ದರ ಏರಿಕೆ ಹಿನ್ನೆಲೆಯಲ್ಲಿ ನವೆಂಬರ್‌ನಲ್ಲಿ ಚಿಲ್ಲರೆ ಹಣದುಬ್ಬರವು ಶೇ.5.54ಕ್ಕೆ ಏರಿಕೆಯಾಗಿದೆ. ಕಳೆದ ಮೂರು ವರ್ಷಗಳಲ್ಲಿಇದು ಗರಿಷ್ಠ ಮಟ್ಟವಾಗಿದೆ. ಕಳೆದ ಅಕ್ಟೋಬರ್‌ನಲ್ಲಿಶೇ.4.62ರಷ್ಟಿತ್ತು.

ಗ್ರಾಹಕ ದರ ಸೂಚ್ಯಂಕ(ಸಿಪಿಐ) ಆಧಾರಿತ ಚಿಲ್ಲರೆ ಹಣದುಬ್ಬರವು 2018ರ ನವೆಂಬರ್‌ನಲ್ಲಿ ಶೇ.2.33ರಷ್ಟಿತ್ತು. ಅದಕ್ಕೆ ಹೋಲಿಸಿದರೆ ಈ ವರ್ಷದ ಇದೇ ಅವಧಿಯಲ್ಲಿ ಹಣದುಬ್ಬರ ಎರಡು ಪಟ್ಟಿಗೂ ಅಧಿಕ ಮಟ್ಟಕ್ಕೆ ಏರಿಕೆಯಾಗಿದೆ.

ರಾಷ್ಟ್ರೀಯ ಅಂಕಿಅಂಶಗಳ ಕಾರ್ಯಾಲಯ(ಎನ್‌ಎಸ್‌ಒ) ಗುರುವಾರ ಬಿಡುಗಡೆ ಮಾಡಿರುವ ವರದಿ ಪ್ರಕಾರ, ನವೆಂಬರ್‌ನಲ್ಲಿಆಹಾರ ಹಣದುಬ್ಬರವು ಶೆ.10.1ಕ್ಕೆ ಹೆಚ್ಚಳವಾಗಿದೆ. ಕಳೆದ ಅಕ್ಟೋಬರ್‌ನಲ್ಲಿಶೇ.7.89ರಷ್ಟು, ಕಳೆದ ವರ್ಷದ ನವೆಂಬರ್‌ನಲ್ಲಿಮೈನಸ್‌ ಶೇ.2.61ರಷ್ಟಿತ್ತು.

ಈರುಳ್ಳಿ ಬೆಳೆದು 90 ಲಕ್ಷ ರೂ. ಆದಾಯ ಗಳಿಸಿದ ದುರ್ಗದ ರೈತ

ಅತಿ ಹೆಚ್ಚಿನ ಅಂದರೆ ಶೇ.6.07ರ ಚಿಲ್ಲರೆ ಹಣದುಬ್ಬರ 2016ರ ಜುಲೈನಲ್ಲಿಕಂಡು ಬಂದಿತ್ತು. ಶೇ.4ರ ಹಣದುಬ್ಬರದ ಗುರಿಯನ್ನು ಕಾಯ್ದುಗೊಳ್ಳುವಂತೆ ಕೇಂದ್ರ ಸರಕಾರಕ್ಕೆ ಭಾರತೀಯ ರಿಸವ್‌ರ್‍ ಬ್ಯಾಂಕ್‌(ಆರ್‌ಬಿಐ) ಸೂಚನೆ ನೀಡಿತ್ತು. ವಿತ್ತೀಯ ಕೊರತೆಯ ಗುರಿ ಸಾಧಿಸಲು ಹಣದುಬ್ಬರವು ನಿಯಂತ್ರಣದಲ್ಲಿರಬೇಕಾಗುತ್ತದೆ.