7.27 ಲಕ್ಷ ಕೋಟಿ ರೂಪಾಯಿಗೆ ಎನ್‌ಪಿಎ ಇಳಿಕೆ

ಹೊಸದಿಲ್ಲಿ: ಸರಕಾರಿ ಸ್ವಾಮ್ಯದ ಬ್ಯಾಂಕ್‌ಗಳಲ್ಲಿವಸೂಲಾಗದಿರುವ ಸಾಲದ ಪ್ರಮಾಣ(ಎನ್‌ಪಿಎ) ಕಡಿಮೆಯಾಗುತ್ತಿದ್ದು, 2019ರ ಸೆಪ್ಟೆಂಬರ್‌ ಅಂತ್ಯಕ್ಕೆ 7.27 ಲಕ್ಷ ಕೋಟಿ ರೂ.ಗೆ ಇಳಿಕೆಯಾಗಿದೆ ಎಂದು ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್‌ ಹೇಳಿದ್ದಾರೆ.

2018ರ ಮಾರ್ಚ್ ಅಂತ್ಯಕ್ಕೆ ಒಟ್ಟು ಎನ್‌ಪಿಎ 8.96 ಲಕ್ಷ ಕೋಟಿ ರೂ. ಇತ್ತು. ''ಸರಕಾರಿ ಸ್ವಾಮ್ಯದ ಬ್ಯಾಂಕ್‌ಗಳ ಆರೋಗ್ಯ ವೃದ್ಧಿಸುವ ನಿಟ್ಟಿನಲ್ಲಿಸರಕಾರ ಕ್ರಮ ಕೈಗೊಂಡಿದ್ದು ಅವು ಫಲ ನೀಡುತ್ತಿವೆ. ಈ ಬ್ಯಾಂಕ್‌ಗಳ ಆಡಳಿತ ಸುಧಾರಣೆ, ಸಾಲ ವಸೂಲಾತಿ, ತಂತ್ರಜ್ಞಾನಗಳ ಉನ್ನತೀಕರಣ ಸೇರಿದಂತೆ ಎಲ್ಲನಿಟ್ಟಿನಲ್ಲೂ ಸರಕಾರವು ನಿಗಾ ವಹಿಸಿದೆ. ದಿವಾಳಿ ಪ್ರಕ್ರಿಯೆ ಕಾಯ್ದೆ ಜಾರಿ ಸೇರಿದಂತೆ ನಾನಾ ಕ್ರಮಗಳ ಮೂಲಕ ಬ್ಯಾಂಕ್‌ಗಳ ಸುಧಾರಣೆಗೆ ಒತ್ತು ನೀಡಲಾಗಿದೆ'' ಎಂದು ಸಚಿವರು ಹೇಳಿದ್ದಾರೆ.

ಹದಿನೆಂಟು ಸಾರ್ವಜನಿಕ ವಲಯದ ಬ್ಯಾಂಕ್‌ಗಳ ಪೈಕಿ, ಹನ್ನೆರಡು ಬ್ಯಾಂಕ್‌ಗಳು ಕೇವಲ ಒಂದೂವರೆ ವರ್ಷಗಳಲ್ಲಿ2.03 ಲಕ್ಷ ಕೋಟಿ ರೂ. ಎನ್‌ಪಿಎ ವಸೂಲಿ ಮಾಡಿವೆ. ಪ್ರಸಕ್ತ ಹಣಕಾಸು ವರ್ಷದ ಮೊದಲಾರ್ಧದಲ್ಲಿಹೆಚ್ಚಿನ ಲಾಭ ದಾಖಲಿಸಿವೆ ಎಂದು ನಿರ್ಮಲಾ ಸೀತಾರಾಮನ್‌ ವಿವರಿಸಿ­ದ್ದಾರೆ.