ವಸೂಲಾಗದ ಸಾಲ ಗಣನೀಯ ಇಳಿಕೆ

ಮುಂಬಯಿ : ಬ್ಯಾಂಕಿಂಗ್‌ ವಲಯದಲ್ಲಿ ವಸೂಲಾಗದ ಸಾಲದ ಪ್ರಮಾಣದಲ್ಲಿ ಗಣನೀಯ ಇಳಿಕೆಯಾಗುತ್ತಿದ್ದು, ಶೇ.9.3ಕ್ಕೆ ತಗ್ಗಿದೆ ಎಂದು ರಿಸರ್ವ್‌ ಬ್ಯಾಂಕ್‌ ಆಫ್‌ ಇಂಡಿಯಾದ ವರದಿ ಗುರುವಾರ ತಿಳಿಸಿದೆ.

ಇತ್ತೀಚಿನ ಎನ್‌ಬಿಎಫ್‌ಸಿ ಬಿಕ್ಕಟ್ಟಿನ ಹೊರತಾಗಿಯೂ, ಒಟ್ಟಾರೆಯಾಗಿ ವಸೂಲಾಗದ ಸಾಲ (ಎನ್‌ಪಿಎ) ಗಣನೀಯವಾಗಿ ಇಳಿಯುತ್ತಿರುವುದನ್ನು ವರದಿ ಬಿಂಬಿಸಿದೆ.

2019ರ ಮಾರ್ಚ್‌ ಅಂತ್ಯಕ್ಕೆ ಎನ್‌ಪಿಎ ಪ್ರಮಾಣ ಶೇ.9.3ರಷ್ಟಿತ್ತು. ಕಳೆದ ವರ್ಷ ಇದೇ ಅವಧಿಯಲ್ಲಿ ಶೇ.11.2ರಷ್ಟಿತ್ತು ಎಂದು ವರದಿ ತಿಳಿಸಿದೆ. 2020ರ ಮಾರ್ಚ್‌ ವೇಳೆಗೆ ಎನ್‌ಪಿಎ ಶೇ.9ಕ್ಕೆ ಇಳಿಯುವ ನಿರೀಕ್ಷೆ ಇದೆ. ಸಾರ್ವಜನಿಕ ಬ್ಯಾಂಕ್‌ಗಳ ಎನ್‌ಪಿಎ 2020ರ ವೇಳೆಗೆ ಶೇ.12ಕ್ಕೆ ಇಳಿಕೆಯಾಗುವ ಅಂದಾಜಿದೆ. ಹೀಗಿದ್ದರೂ, ಜಾಗತಿಕ ಆರ್ಥಿಕತೆಯ ಬಿಕ್ಕಟ್ಟಿನ ಪರಿಣಾಮ ಸವಾಲು ಮುಂದುವರಿದಿದೆ ಎಂದು ವರದಿ ವಿವರಿಸಿದೆ.