Dasara - ಹಬ್ಬದ ಸೀಸನ್‌ನಲ್ಲಿ ಹೆಚ್ಚಿದ ಮನೆ ಖರೀದಿ

ಬೆಂಗಳೂರು: ಭಾರತೀಯರು ಹಬ್ಬದ ಸೀಸನ್‌ನಲ್ಲಿಮನೆ ಖರೀದಿ, ರಿಯಲ್‌ ಎಸ್ಟೇಟ್‌ ಉದ್ಯಮದಲ್ಲಿಹಣ ಹೂಡಿಕೆ ಮಾಡಲು ಹೆಚ್ಚು ಉತ್ಸಾಹ ತೋರುತ್ತಾರೆ. ಈ ಸಮಯ ಅತ್ಯಂತ ಮಂಗಳಕರವಾಗಿರುವ ಕಾರಣ ಚಿನ್ನ, ಕಾರು, ಆಸ್ತಿ ಖರೀದಿಗೆ ಹೆಚ್ಚು ಸೂಕ್ತವೆನ್ನಲಾಗುತ್ತದೆ. ಆದ್ದರಿಂದ ದಸರಾದಿಂದ ಆರಂಭವಾಗಿ ದೀಪಾವಳಿವರೆಗೆ ರಿಯಲ್‌ ಎಸ್ಟೇಟ್‌ ಕ್ಷೇತ್ರದಲ್ಲಿಹೆಚ್ಚು ಮಂದಿ ಹಣ ಹೂಡಿಕೆ ಮಾಡುವ ಟ್ರೆಂಡ್‌ ಕಂಡುಬಂದಿದೆ.

ಶುಭಾರಂಭ

ಹಬ್ಬದ ಸಮಯದಲ್ಲಿಖರೀದಿಯ ವಿಷಯದಲ್ಲಿಭಾರತೀಯರು ಯಾವಾಗಲೂ ಒಂದು ಹೆಜ್ಜೆ ಮುಂದಿರುತ್ತಾರೆ. ಪ್ರಸ್ತುತ ಹಣದುಬ್ಬರದ ಕಾರಣದಿಂದ ರಿಯಲ್‌ ಎಸ್ಟೇಟ್‌ ಉದ್ಯಮಕ್ಕೂ ಬೆಲೆ ಏರಿಕೆಯ ಬಿಸಿ ತಟ್ಟಿದ್ದು, ಇದು ಗ್ರಾಹಕರ ಮೇಲೆ ನಕಾರಾತ್ಮಕ ಪರಿಣಾಮ ಬೀರಿದೆ. ಈ ನಡುವೆಯೂ ಮನೆ ಕೊಳ್ಳುವವರ ಸಂಖ್ಯೆ ಏರಿಕೆಯಾಗುತ್ತಿದೆ. ಖರೀದಿದಾರರಿಗೆ ಬೆಲೆ ಏರಿಕೆಯ ಪ್ರತಿಕೂಲ ಪರಿಣಾಮಗಳನ್ನು ತಗ್ಗಿಸುವ ನಿಟ್ಟಿನಲ್ಲಿಯೂ ಹಬ್ಬಗಳ ಸೀಸನ್‌ ಪ್ರಾಮುಖ್ಯತೆ ಪಡೆಯುತ್ತದೆ. ಯಾಕೆಂದರೆ ಈ ಸೀಸನ್‌ ಜನರಲ್ಲಿಹೆಚ್ಚು ಧನಾತ್ಮಕ ಭಾವನೆಗಳನ್ನು ಮೂಡಿಸುತ್ತದೆ. ಈ ಸಮಯದಲ್ಲಿಖರೀದಿ ಮಾಡುವುದು ಅದೃಷ್ಟ, ಆರೋಗ್ಯ ಮತ್ತು ಸಂಪತ್ತನ್ನು ಹೆಚ್ಚಿಸಿಕೊಳ್ಳುವುದು, ಸಕಾರಾತ್ಮಕತೆಯ ಜತೆಗೆ ಸಂತೋಷವನ್ನು ನೀಡುತ್ತದೆ ಎನ್ನಲಾಗಿದೆ. ಯಾವುದೇ ಶುಭಾರಂಭಕ್ಕೂ ಹಬ್ಬದ ಸೀಸನ್‌ ಉತ್ತಮ ಸಮಯ. ಆದ್ದರಿಂದ ಮನೆ, ಆಸ್ತಿ ಕೊಳ್ಳುವವರಿಗೂ ಇದು ಉತ್ತಮ ಆರಂಭವಾಗಿದೆ.

Mysuru Dasara | ಯುವ ದಸರಾದಲ್ಲಿ ಕನ್ನಿಕಾ ಕಪೂರ್ ಗಾಯನ ಝಲಕ್: ಕುಣಿದು ಕುಪ್ಪಳಿಸಿದ ಫ್ಯಾನ್ಸ್
ಆಕರ್ಷಕ ಕೊಡುಗೆ

ಹಬ್ಬದ ಸಮಯದಲ್ಲಿಗ್ರಾಹಕರಿಗೆ ಉತ್ತಮ ಆಫರ್‌ ನೀಡುವ ಮೂಲಕ ಅವರನ್ನು ಆಕರ್ಷಿಸುವ ಕೆಲಸವನ್ನು ಅನೇಕ ಸಂಸ್ಥೆಗಳು ಮಾಡುತ್ತವೆ. ರಿಯಲ್‌ ಎಸ್ಟೇಟ್‌ ಕ್ಷೇತ್ರವೂ ಇದಕ್ಕೆ ಹೊರತಾಗಿಲ್ಲ. ಮನೆ ಖರೀದಿ ಮಾಡಲು ಬಯಸುವವರಿಗೂ ಫೆಸ್ಟಿವಲ್‌ ಸೀಸನ್‌ನಲ್ಲಿತರಹೇವಾರಿ ಆಫರ್‌ಗಳನ್ನು ನೀಡಲಾಗುತ್ತದೆ. ಜನರು ವಿಶೇಷ ರಿಯಾಯಿತಿಗಳನ್ನು ಪಡೆದುಕೊಳ್ಳುವ ಜತೆಗೆ ಈ ಸಮಯದಲ್ಲಿಬ್ಯಾಂಕ್‌ಗಳು ಸಹ ಕಡಿಮೆ ಬಡ್ಡಿದರದ ಸಾಲಗಳನ್ನು ನೀಡಲು ಮುಂದಾಗುತ್ತವೆ.

ಬೋನಸ್‌ ಭಾಗ್ಯ

ಹಬ್ಬದ ಸೀಸನ್‌ಗಳಲ್ಲಿ ಅನೇಕ ಕಂಪೆನಿಗಳು ತಮ್ಮ ಉದ್ಯೋಗಿಗಳಿಗೆ ಬೋನಸ್‌, ಸಂಬಳ ಏರಿಕೆ ಇತ್ಯಾದಿಗಳನ್ನು ಮಾಡುವ ಮೂಲಕ ಅವರ ಆರ್ಥಿಕ ಮಟ್ಟ ಚೇತರಿಕೆ ಕಾಣುವಂತೆ ಮಾಡುತ್ತವೆ. ಹೆಚ್ಚಿನ ಕಾರ್ಪೊರೇಟ್‌ ಉದ್ಯಮಗಳಲ್ಲಿಹಬ್ಬದ ಸಂದರ್ಭದಲ್ಲಿಯೇ ಸಂಬಳ ಏರಿಕೆ ಪ್ರಕ್ರಿಯೆ ನಡೆಯುತ್ತದೆ. ಇದು ಕೂಡ ಜನರಿಗೆ ರಿಯಲ್‌ ಎಸ್ಟೇಟ್‌ನಲ್ಲಿಹೂಡಿಕೆ ಮಾಡಲು ಸಹಾಯವಾಗುತ್ತದೆ. ಕೊರೊನಾ ಸಾಂಕ್ರಾಮಿಕದ ನಂತರ ಮನೆ ಖರೀದಿಗೆ ಹೆಚ್ಚಿನ ಜನರು ಒಲವು ತೋರುತ್ತಿದ್ದಾರೆ. ಕೊರೊನಾ ಸಂದರ್ಭದಲ್ಲಿಕೂಡಿಟ್ಟ ಹಣ, ಮಾಡಿದ ಯೋಜನೆಗಳು ಸಹ ಈ ನಿಟ್ಟಿನಲ್ಲಿಕೆಲಸ ಮಾಡಿವೆ ಎಂದು ವಿಶ್ಲೇಷಿಸಲಾಗುತ್ತಿದೆ.