ತೆರಿಗೆ ರಿಫಂಡ್‌ಗೆ ಪ್ಯಾನ್‌ ಮತ್ತು ಬ್ಯಾಂಕ್‌ ಖಾತೆಗೆ ಲಿಂಕ್‌ ಅಗತ್ಯ

ಹೊಸದಿಲ್ಲಿ: ಆದಾಯ ತೆರಿಗೆ ಇಲಾಖೆಯು 2019ರ ಮಾರ್ಚ್‌ 1ರಿಂದ ಆನ್‌ಲೈನ್‌ ಮೂಲಕ ಮಾತ್ರ (ಇ-ರಿಫಂಡ್‌) ತೆರಿಗೆದಾರರಿಗೆ ರಿಫಂಡ್‌ ಸಲ್ಲಿಸಲಿದೆ. ಆದ್ದರಿಂದ ತೆರಿಗೆದಾರರು ಬ್ಯಾಂಕ್‌ ಖಾತೆಗೆ ಪ್ಯಾನ್‌ ಸಂಖ್ಯೆಯನ್ನು ಲಿಂಕ್‌ ಮಾಡುವುದು ಅಗತ್ಯ ಎಂದು ತಿಳಿಸಿದೆ.

ಆದಾಯ ತೆರಿಗೆ ಇಲಾಖೆ ಇದುವರೆಗೆ ತೆರಿಗೆದಾರರ ಬ್ಯಾಂಕ್‌ ಖಾತೆಗೆ ಅಥವಾ ಚೆಕ್‌ ಮೂಲಕ ರಿಫಂಡ್‌ ಸಲ್ಲಿಸುತ್ತಿತ್ತು. ಇದು ಯಾವ ವರ್ಗದ ತೆರಿಗೆದಾರರು ಎಂಬುದನ್ನು ಅವಲಂಬಿಸಿತ್ತು. ಆದರೆ ಮಾರ್ಚ್‌ 1ರಿಂದ ಇ-ರಿಫಂಡ್‌ ಮಾತ್ರ ಮಾಡುವುದಾಗಿ ತಿಳಿಸಿದೆ.

ತೆರಿಗೆದಾರರಿಗೆ ನೇರ ಹಾಗೂ ಸುರಕ್ಷಿತ ವಿಧಾನದಲ್ಲಿ ರಿಫಂಡ್‌ ಸಲ್ಲಿಸುವ ದೃಷ್ಟಿಯಿಂದ ಈ ಕ್ರಮ ತೆಗೆದುಕೊಳ್ಳಲಾಗುತ್ತಿದೆ ಎಂದು ಇಲಾಖೆ ತಿಳಿಸಿದೆ.

ಬ್ಯಾಂಕ್‌ ಖಾತೆಯು ಉಳಿಯಾಯ ಖಾತೆ, ಚಾಲ್ತಿ ಖಾತೆಯಾಗಿದ್ದರೂ ಆಗುತ್ತದೆ.