ಆಧಾರ್‌ ಲಿಂಕ್‌ ಆಗಿಲ್ಲವೇ? ಹಾಗಿದ್ದರೆ ನಿಮ್ಮ 'ಪ್ಯಾನ್' ನಿಷ್ಕ್ರಿಯಗೊಳ್ಳಲಿದೆ!

ಆದಾಯ ತೆರಿಗೆ ಅಂಕಿ- ಅಂಶಗಳ ಪ್ರಕಾರ 2020ರ ಜನವರಿ 27ರವರೆಗೆ 30.75 ಕೋಟಿಗೂ ಹೆಚ್ಚು ಪ್ಯಾನ್‌ ಕಾರ್ಡ್‌ಗಳು ಆಧಾರ್‌ಗೆ ಲಿಂಕ್‌ ಆಗಿವೆ. ಈ ಪೈಕಿ 17.58 ಕೋಟಿ ಪ್ಯಾನ್‌ ಕಾರ್ಡ್‌ಗಳು 12 ಸಂಖ್ಯೆಗಳ ಬಯೋಮೆಟ್ರಿಕ್‌ ಸಂಖ್ಯೆಗೆ ಲಿಂಕ್‌ ಆಗಬೇಕಿದೆ.

- 2020ರ ಏಪ್ರಿಲ್‌ 1ರಿಂದ ಆದಾಯ ತೆರಿಗೆ ರಿಟರ್ನ್‌ ಸಲ್ಲಿಕೆಗೆ ಪ್ಯಾನ್‌ ಮತ್ತು ಆಧಾರ್‌ ಲಿಂಕಿಂಗ್‌ ಕಡ್ಡಾಯವಾಗಿದೆ.

-ಡಿಸೆಂಬರ್‌ 31ರೊಳಗೆ ಲಿಂಕ್‌ ಮಾಡದಿದ್ದರೆ, ಪ್ರಸಕ್ತ ಕಾನೂನು ನಿಯಮಾವಳಿ ಪ್ರಕಾರ ಪ್ಯಾನ್‌ ನಿಷ್ಕ್ರಿಯವಾಗುತ್ತದೆ.

• - ಆದಾಯ ತೆರಿಗೆ ಇ-ಫೈಲಿಂಗ್‌ ವೆಬ್‌ಸೈಟ್‌ನಲ್ಲಿಈಗಾಗಲೇ ನೀವು ಬಳಕೆದಾರರಾಗಿ ರಿಜಿಸ್ಟರ್‌ ಆಗಿದ್ದರೆ, ಐಟಿಆರ್‌ ಸಲ್ಲಿಸಿದ್ದರೆ ಈಗಾಗಲೇ ಲಿಂಕ್‌ ಮಾಡಿರಬಹುದು. ತೆರಿಗೆ ಇಲಾಖೆಯ ಬಳಿ ಎರಡರ ಮಾಹಿತಿ ಇದ್ದರೆ ಲಿಂಕ್‌ ಆಗಿರಬಹುದು. www.incometaxindiaefiling.gov.in ವೆಬ್‌ಸೈಟಿಗೆ ಲಾಗಿನ್‌ ಆಗಿ ಪರಿಶೀಲಿಸಿ.
• - ಇ-ಫೈಲಿಂಗ್‌ ವೆಬ್‌ಸೈಟ್‌ನಲ್ಲಿರಿಜಿಸ್ಟರ್‌ ಆಗಿರದಿದ್ದರೆ, ಅದೇ ವೆಬ್‌ಸೈಟ್‌ನಲ್ಲಿ' ಲಿಂಕ್‌ ಆಧಾರ್‌' ಮೇಲೆ ಕ್ಲಿಕ್ಕಿಸಿ. ನಿಗದಿತ ನಮೂನೆಯ ಅರ್ಜಿಯಲ್ಲಿವಿವರಗಳನ್ನು ಭರ್ತಿಗೊಳಿಸಿ ಲಿಂಕ್‌ ಮಾಡಬಹುದು.
• -ಆಧಾರ್‌ ಕಾರ್ಡ್‌ನಲ್ಲಿ ಜನ್ಮದಿನದ ವರ್ಷ ಮಾತ್ರ ಇದ್ದರೆ, ಐ ಹೇವ್‌ ಒನ್ಲಿ ಯಿಯರ್‌ ಆಫ್‌ ಬರ್ತ್‌ ಇನ್‌ ಆಧಾರ್‌ ಕಾರ್ಡ್‌' ಎಂಬ ಆಯ್ಕೆಯನ್ನು ಒತ್ತಿ.
• -ಕೊನಗೆ ಕ್ಯಾಪ್ಚಾ ಕೋಡ್‌ ಎಂಟರ್‌ ಮಾಡಿ. ಸಬ್‌ಮಿಟ್‌ ಒತ್ತಿ. ಅಲ್ಲಿಗೆ ಪ್ರಕ್ರಿಯೆ ಮುಕ್ತಾಯ.

ಸಿಬಿಡಿಟಿಯು ನಿಮ್ಮ ಪ್ಯಾನ್‌ ಮತ್ತು ಆಧಾರ್‌ ಮಿಸ್‌ ಮ್ಯಾಚ್‌ ಆಗುವುದಿದ್ದರೆ ಇತರ ವಿಧಾನವನ್ನೂ ಸೂಚಿಸಿದೆ. ನೀವು ಪ್ಯಾನ್‌ ಸರ್ವೀಸ್‌ ಪ್ರೊವೈಡರ್‌ ಬಳಿ ತೆರಳಿ (ಎನ್‌ಎಸ್‌ಡಿಎಲ್‌ ಅಥವಾ ಯುಟಿಐಐಎಸ್‌ಎಲ್‌) ಸಂಬಂಧಿಸಿದ ಪ್ಯಾನ್‌-ಆಧಾರ್‌ ದಾಖಲಾತಿಯ ಪ್ರತಿಗಳನ್ನು ಸಲ್ಲಿಸಿ ಲಿಂಕ್‌ ಕಲ್ಪಿಸಬಹುದು. ಪ್ಯಾನ್‌ ವಿವರ ಬದಲಾವಣೆಗೆ 110 ರೂ. ಶುಲ್ಕ ಇರುತ್ತದೆ. ಆಧಾರ್‌ ವಿವರ ಪರಿಷ್ಕರಣೆಗೆ 25 ರೂ. ಶುಲ್ಕ ಇರುತ್ತದೆ.