20,000 ಕೋಟಿ ರೂ. ವಹಿವಾಟು ಗುರಿ: ಪತಂಜಲಿ ದಾಪುಗಾಲು

ಹೊಸದಿಲ್ಲಿ: ಪತಂಜಲಿ ಆಯುರ್ವೇದ ಸಮೂಹವು ಮಹತ್ತ್ವಾಕಾಂಕ್ಷೆಯ 20,000 ಕೋಟಿ ರೂ. ವಹಿವಾಟು ಗುರಿ ಸಾಧಿಸಲು ಶತ ಪ್ರಯತ್ನ ಮಾಡುತ್ತಿದೆ ಎಂದು ಯೋಗ ಗುರು ಬಾಬಾ ರಾಮ್‌ದೇವ್‌ ಹೇಳಿದ್ದಾರೆ.

ಪತಂಜಲಿ ಈಗಾಗಲೇ ವಾರ್ಷಿಕ 10,000 ಕೋಟಿ ರೂ. ವಹಿವಾಟಿನ ಗುರಿ ಮೀರಿ ಮುನ್ನಡೆಯುತ್ತಿದೆ. ಕೇವಲ 6 ವರ್ಷಗಳ ಹಿಂದೆ ಕಂಪನಿ ವಾರ್ಷಿಕ 500 ಕೋಟಿ ರೂ. ವಹಿವಾಟು ನಡೆಸುತ್ತಿತ್ತು. ಮುಂದಿನ ಹಂತದಲ್ಲಿ ಮತ್ತಷ್ಟು ಅಭಿವೃದ್ಧಿ ಸಾಧಿಸಲಿದೆ ಎಂದು ಬಾಬಾ ರಾಮ್‌ದೇವ್‌ ತಿಳಿಸಿದ್ದಾರೆ.

ಮುಂದಿನ 3-5 ವರ್ಷಗಳಲ್ಲಿ ಪತಂಜಲಿ ಸಮೂಹ ಭಾರತೀಯ ಗ್ರಾಹಕ (ಎಫ್‌ಎಂಸಿಜಿ) ಮಾರುಕಟ್ಟೆಯಲ್ಲಿ ಶೇ.25-50 ಪಾಲನ್ನು ತನ್ನದಾಗಿಸಲಿದೆ. ವಾರ್ಷಿಕ 20ರಿಂದ 25 ಸಾವಿರ ಕೋಟಿ ವಹಿವಾಟು ದಾಖಲಿಸಲಿದೆ ಎಂದು ರಾಮ್‌ದೇವ್‌ ಹೇಳಿದ್ದಾರೆ. ಪತಂಜಲಿ 2016-17ರಲ್ಲಿ 10,000 ಕೋಟಿ ರೂ. ವಹಿವಾಟು ನಡೆಸಿತ್ತು. 2017-18ರಲ್ಲಿ ಕೂಡ ಅಷ್ಟೇ ವಹಿವಾಟು ನಡೆಸಿದೆ. ದಶಕದ ಹಿಂದೆ ಸಣ್ಣ ಫಾರ್ಮಸಿಯಾಗಿದ್ದ ಪತಂಜಲಿ ಈಗ ಎಫ್‌ಎಂಸಿಜಿ ವಲಯದ ದಿಗ್ಗಜ ಕಂಪನಿಗಳಲ್ಲೊಂದಾಗಿದೆ.