ವೊಡಾಫೋನ್‌ ಶ್ವಾನದ ಮೇಲೆ ಪೇಟಾ ಕಣ್ಣು

ಹೊಸದಿಲ್ಲಿ: ''ನೀವು ಎಲ್ಲಿಗೆ ಹೋಗುವಿರೋ, ಅಲ್ಲಿಗೆ ನಿಮ್ಮನ್ನು ಹಿಂಬಾಲಿಸುತ್ತೇವೆ'' ಅನ್ನುವುದು ವೊಡಾಫೋನ್‌ ಮೊಬೈಲ್‌ ನೆಟ್‌ವರ್ಕ್‌ನ ಸ್ಲೋಗನ್‌. ಈ ಜಾಹೀರಾತಿನಲ್ಲಿ ಶ್ವಾನಗಳನ್ನು ಬಳಕೆ ಮಾಡಲಾಗಿದ್ದು, ಪ್ರಾಣಿ ದಯಾ ಸಂಘಟನೆಯಾದ ಪೇಟಾ ತೀವ್ರ ಆಕ್ಷೇಪ ವ್ಯಕ್ತಪಡಿಸಿದೆ.

30 ಪಗ್ಸ್‌ಗಳನ್ನು(ಶ್ವಾನದ ಒಂದು ತಳಿ) ಬಳಸಿ ಇತ್ತೀಚೆಗೆ ವೊಡಾಫೋನ್‌ ಒಂದು ಜಾಹೀರಾತನ್ನು ಮಾಡಿತ್ತು. ''ಇಂಥ ಜಾಹೀರಾತುಗಳು ಸಲ್ಲದು. ಪಗ್ಸ್‌ಗಳು ಸಾಮಾನ್ಯ ನಾಯಿಗಳಂತೆ ಇರುವುದಿಲ್ಲ. ಇವು ಅತ್ಯಂತ ಸೂಕ್ಷ್ಮವಾಗಿದ್ದು ಚಿತ್ರೀಕರಣದಲ್ಲಿ ಬಳಕೆಯಾಗುವ ಪ್ರಖರ ಬೆಳಕು, ಗದ್ದಲ ಹಾಗೂ ಲೆಕ್ಕವಿಲ್ಲದಷ್ಟು ರೀಟೇಕ್‌ಗಳಿಂದ ಸೊರಗುತ್ತವೆ. ಅವುಗಳ ಉಸಿರಾಟಕ್ಕೂ ತೊಡಕಾಗುತ್ತದೆ,'' ಎಂದು ವೊಡಾಫೋನ್‌ ಕಂಪನಿಗೆ ಬರೆದ ಪತ್ರದಲ್ಲಿ ಪೇಟಾ ಅಭಿಪ್ರಾಯಪಟ್ಟಿದೆ.