ಕೊರೊನಾ ಎಫೆಕ್ಟ್‌: ಪೆಟ್ರೋಲ್, ಡೀಸೆಲ್ ಬೇಡಿಕೆ ಶೇ.66, ಎಟಿಎಫ್‌ ಬಳಕೆ ಶೇ.90 ಕುಸಿತ

ಹೊಸದಿಲ್ಲಿ: ಕೊರೊನಾ ಲಾಕ್‌ಡೌನ್‌ ಪರಿಣಾಮ ಏಪ್ರಿಲ್‌ನಲ್ಲಿ ಪೆಟ್ರೋಲ್ ಮತ್ತು ಡೀಸೆಲ್ ಬೇಡಿಕೆ ಶೇ.66 ರಷ್ಟು ಕುಸಿತ ಕಂಡಿದೆ. ವಿಮಾನಕ್ಕೆ ಬಳಸುವ ಇಂಧನ (ಎಟಿಎಫ್) ಬೇಡಿಕೆ ಶೇ. 90 ರಷ್ಟು ಕುಸಿದಿದೆ. ವಿಮಾನಯಾನ ಸಂಸ್ಥೆಗಳು ಹಾರಾಟ ನಿಲ್ಲಿಸಿರುವುದೇ ಕಾರಣ ಎಂದು ವಿಮಾನಯಾನ ಸಂಸ್ಥೆಗಳು ಅಭಿಪ್ರಾಯಪಟ್ಟಿವೆ.

2019 ರ ಏಪ್ರಿಲ್‌ನಲ್ಲಿ ಭಾರತದಲ್ಲಿ 2.4 ಮಿಲಿಯನ್ ಟನ್ ಪೆಟ್ರೋಲ್ ಮತ್ತು 7.3 ಮಿಲಿಯನ್ ಟನ್ ಡೀಸೆಲ್ ಬಳಕೆಯಾಗಿತ್ತು. ಕಳೆದ ವರ್ಷ ಇದೇ ಸಮಯದಲ್ಲಿ 6,45,000 ಟನ್ ಎಟಿಎಫ್ ಬಳಸಲಾಗಿದೆ. ಆದರೆ 2020ರ ಏಪ್ರಿಲ್‌ನಲ್ಲ ಪ್ರಯಾಣಿಕರು ಕಡಿಮೆಯಾದ ಕಾರಣ, ವಿಮಾನ ಇಂಧನ ಪೂರ್ಣ ಕುಸಿತ ಕಂಡಿದೆ.

ಡೀಸೆಲ್, ಪೆಟ್ರೋಲ್ ಮತ್ತು ಎಟಿಎಫ್ ಬೇಡಿಕೆ ಕುಸಿದಿದ್ದರಿಂದ ದೇಶದ ಪೆಟ್ರೋಲಿಯಂ ಉತ್ಪನ್ನ ಬಳಕೆ ಮಾರ್ಚ್‌ನಲ್ಲಿ ಶೇ 17.79 ರಷ್ಟು ಇಳಿಕೆ ಕಂಡಿದ್ದು, 16.08 ಮಿಲಿಯನ್ ಟನ್‌ಗೆ ಕುಸಿದಿದೆ ಎಂದು ಅಧಿಕೃತ ಅಂಕಿ ಅಂಶಗಳು ತಿಳಿಸಿವೆ.

ಮತ್ತಷ್ಟು ಕುಸಿದ ಕಚ್ಚಾ ತೈಲ ಬೆಲೆ: ಯಥಾಸ್ಥಿತಿ ಕಾಯ್ದುಕೊಂಡ ಪೆಟ್ರೋಲ್‌, ಡೀಸೆಲ್‌ ಬೆಲೆ

ದೇಶದಲ್ಲಿ ಹೆಚ್ಚು ಬಳಕೆಯಾಗುವ ಇಂಧನ ಡೀಸೆಲ್, ಬೇಡಿಕೆಯ ಒಪ್ಪಂದವನ್ನು ಶೇಕಡಾ 24.23 ರಷ್ಟು ಇಳಿಸಿ 5.65 ದಶಲಕ್ಷ ಟನ್‌ಗಳಿಗೆ ತಲುಪಿದೆ. ಡೀಸೆಲ್ ಬಳಕೆಯಲ್ಲಿ ಇದು ಅತಿದೊಡ್ಡ ಕುಸಿತವಾಗಿದೆ. ಲಾಕ್ಡೌನ್‌ ಕಾರಣ ಹೆಚ್ಚಿನ ಟ್ರಕ್‌ಗಳು ರಸ್ತೆಗಿಳಿದಿಲ್ಲ. ರೈಲ್ವೆ ಇಲಾಖೆಯೂ ರೈಲುಗಳನ್ನು ಬಂದ್‌ ಮಾಡಿರುವುದು ದೇಶದಲ್ಲಿ ತೈಲ ಬೇಡಿಕೆ ಇಳಿಕೆಗೆ ಕಾರಣವಾಗಿದೆ.

ಕೊರೊನಾ ನಡುವೆಯೂ ಭರ್ಜರಿ ಲಾಭ ಗಳಿಸಿದ ರಾಧಾಕಿಶನ್‌ ದಮಾನಿ!