ಪೆಟ್ರೋಲ್‌ ದರ 14 ದಿನಗಳಲ್ಲಿ 2 ರೂ. ಇಳಿಕೆ

ಹೊಸದಿಲ್ಲಿ: ಕಳೆದ 14 ದಿನಗಳಿಂದ ಪೆಟ್ರೋಲ್‌ ದರದಲ್ಲಿ ಪ್ರತಿ ಲೀಟರ್‌ಗೆ 2 ರೂ. ಹಾಗೂ ಡೀಸೆಲ್‌ಗೆ 1.5 ರೂ. ಇಳಿಕೆಯಾಗಿದೆ.

ಪೆಟ್ರೋಲ್‌ ದರ ಮಂಗಳವಾರ 15 ಪೈಸೆ ಇಳಿಕೆಯಾಗಿದೆ. ಬೆಂಗಳೂರಿನಲ್ಲಿ ಪ್ರತಿ ಲೀಟರ್‌ ಪೆಟ್ರೋಲ್‌ ದರ 77.67 ರೂ. ಹಾಗೂ ಡೀಸೆಲ್‌ ದರ ಲೀಟರ್‌ಗೆ 69.02 ರೂ. ಇತ್ತು.

ಎಲ್ಲ ಮೆಟ್ರೋ ನಗರಗಳಲ್ಲೂ ತೈಲ ದರಗಳು ಇಳಿಕೆಯಾಗಿವೆ. ದಿಲ್ಲಿಯಲ್ಲಿ ಪೆಟ್ರೋಲ್‌ ದರ 76.43 ರೂ.ಗೆ ಇಳಿದಿದ್ದು, ಮೇ 29ಕ್ಕೆ ಹೋಲಿಸಿದರೆ 2 ರೂ. ಇಳಿದಿದೆ. (78.43 ರೂ.) ಪೆಟ್ರೋಲ್‌ ದರವು ಕೋಲ್ಕೊತಾದಲ್ಲಿ 79.10 ರೂ, ಮುಂಬಯಿನಲ್ಲಿ 84.26 ರೂ, ಚೆನ್ನೈನಲ್ಲಿ 79.33 ರೂ.ಗೆ ಇಳಿದಿದೆ. ಒಪೆಕ್‌ ರಾಷ್ಟ್ರಗಳು ತೈಲೋತ್ಪಾದನೆ ಹೆಚ್ಚಿಸಲು ತೀರ್ಮಾನಿಸಿದ್ದು, ಸಕಾರಾತ್ಮಕ ಪ್ರಭಾವ ಬೀರಿದೆ. ಒಪೆಕ್‌ ಉತ್ಪಾದನೆ ಹೆಚ್ಚಿಸಲು ಆರಂಭಿಸಿದ ಬೆನ್ನಲ್ಲೇ ಅಮೆರಿಕದಲ್ಲಿ ತೈಲೋತ್ಪಾದನೆ ಮಂದಗತಿಗೆ ತಿರುಗಿದೆ.