ಪೆಟ್ರೋಲ್‌ ಬಂಕ್‌ಗಳು ಭಾನುವಾರ ರಜೆ?

ಹೊಸದಿಲ್ಲಿ: ಕಮಿಷನ್‌ ಹೆಚ್ಚಳ ಬೇಡಿಕೆಯನ್ನು ಈಡೇರಿಸದಿದ್ದರೆ ಮೇ 10ರಿಂದ ದೇಶಾದ್ಯಂತ ಪ್ರತಿ ಭಾನುವಾರಗಳಂದು ಪೆಟ್ರೋಲ್‌ ಬಂಕ್‌ಗಳನ್ನು ಮುಚ್ಚುವುದಾಗಿ ಡೀಲರ್‌ಗಳು ಸರಕಾರಕ್ಕೆ ಖಡಕ್‌ ಎಚ್ಚರಿಕೆ ನೀಡಿದ್ದಾರೆ.

ಮೇ 10ರಂದು ‘ನೋ ಪರ್ಚೇಸ್‌ ಡೇ’ ಆಚರಿಸುವ ಮೂಲಕ ತೈಲ ಕಂಪನಿಗಳಿಂದ ಪೆಟ್ರೋಲ್‌ ಖರೀದಿಸದಿರಲು ನಿರ್ಧರಿಸಿದ್ದಾರೆ. ಅಲ್ಲದೆ, ಮೇ 10ರ ಬಳಿಕ ಕೇವಲ 8 ಗಂಟೆಗಳ ಕಾಲ ಮಾತ್ರ ಕಾರ್ಯನಿರ್ವಹಿಸುವುದಾಗಿ ಡೀಲರ್‌ಗಳು ಎಚ್ಚರಿಸಿದ್ದಾರೆ. ‘‘ಕಳೆದ ಜನವರಿಯಲ್ಲಿ ಡೀಲರ್‌ ಕಮಿಷನ್‌ ಹೆಚ್ಚಳ ಭರವಸೆ ನೀಡಿದ ಬಳಿಕ ಮುಷ್ಕರ ವಾಪಸ್‌ ಪಡೆದಿದ್ದೆವು. ಆದರೆ ನಾಲ್ಕು ತಿಂಗಳು ಕಳೆದರೂ ತೈಲ ಕಂಪನಿಗಳು ಈ ಕುರಿತು ಕ್ರಮ ಕೈಗೊಳ್ಳದಿರುವುದರಿಂದ ಈ ನಿರ್ಧಾರ ಕೈಗೊಳ್ಳಲಾಗಿದೆ,’’ ಎಂದು ಪೆಟ್ರೋಲ್‌ ಡೀಲರುಗಳ ಸಂಘ ಹೇಳಿದೆ.