6 ಕೋಟಿ ರೈತರ ಖಾತೆಗೆ 12,000 ಕೋಟಿ ರೂ. ನೇರ ಜಮೆ, ಹೊಸ ದಾಖಲೆ: ನರೇಂದ್ರ ಮೋದಿ

ಗಾಂಧಿನಗರ: 12,000 ಕೋಟಿ ರೂ.ಗಳನ್ನು ರಾಷ್ಟ್ರದ 6 ಕೋಟಿ ರೈತರ ಖಾತೆಗೆ ನೇರವಾಗಿ ಜಮೆ ಮಾಡುವ ಮೂಲಕ ಕೇಂದ್ರ ಸರಕಾರ ಹೊಸ ದಾಖಲೆ ಮಾಡಿದೆ ಎಂದು ಪ್ರಧಾನಿ ನರೇಂದ್ರ ಮೋದಿ ಹೇಳಿದರು.

ಗುಜರಾತ್‌ನಲ್ಲಿ ನಡೆದ 3ನೇ ಗ್ಲೋಬಲ್‌ ಪೊಟಾಟೊ ಕಾಂಕ್ಲೇವ್‌ (ಜಾಗತಿಕ ಆಲೂಗೆಡ್ಡೆ ಬೆಳೆಗಾರರ ಸಮ್ಮೇಳನ)ವನ್ನು ಉದ್ದೇಶಿಸಿ ವಿಡಿಯೋ ಕಾನ್ಫರೆನ್ಸ್‌ ಮೂಲಕ ಮಾತನಾಡಿದ ಪ್ರಧಾನಿ ನರೇಂದ್ರ ಮೋದಿ, ರೈತರ ಪರಿಶ್ರಮ ಮತ್ತು ಸರಕಾರದ ಉಪಯುಕ್ತ ಯೋಜನೆಗಳಿಂದ ಉತ್ತಮ ಆಹಾರ ಧಾನ್ಯಗಳು ಮತ್ತು ಆಹಾರ ಉತ್ಪನ್ನಗಳನ್ನು ಉತ್ಪಾದಿಸುವ ಟಾಪ್‌ ಮೂರು ರಾಷ್ಟ್ರಗಳ ಪೈಕಿ ಭಾರತ ಒಂದಾಗಿದೆ. 2022ರ ವೇಳೆ ರೈತರ ಆದಾಯ ದುಪ್ಪಟ್ಟುಗೊಳಿಸುವ ನಿಟ್ಟಿನಲ್ಲಿ ಸಾಕಷ್ಟು ಪ್ರಯತ್ನಗಳು ಮತ್ತು ಕ್ರಮಗಳನ್ನು ಕೈಗೊಳ್ಳಲಾಗಿದೆ'' ಎಂದರು.

''ರೈತರ ಪರಿಶ್ರಮ ಮತ್ತು ಸರಕಾರದ ಯೋಜನೆಗಳು ಜೊತೆಯಾಗಿ ಕೆಲಸ ಮಾಡುತ್ತಿರುವುದರಿಂದ ಈ ಸಾಧನೆಯನ್ನು ಮಾಡಲು ಸಾಧ್ಯವಾಗಿದೆ. ಈ ತಿಂಗಳ ಆರಂಭದಲ್ಲಿ ರೂ. 12,000 ಕೋಟಿ ಹಣವನ್ನು 6 ಕೋಟಿ ರೈತರ ಖಾತೆಗಳಿಗೆ ನೇರವಾಗಿ ಜಮೆ ಮಾಡುವ ಮೂಲಕ ಹೊಸ ದಾಖಲೆ ಸೃಷ್ಟಿಯಾಗಿದೆ'' ಎಂದು ಪಿಎಂ ಮೋದಿ ಹೇಳಿದರು.

'ವಿಕ ಸೂಪರ್‌ ಸ್ಟಾರ್‌ ರೈತ' ಸಾಮಾಜಿಕ ಬದ್ಧತೆಗೆ ಹಿಡಿದ ಕನ್ನಡಿ: ಬಿಎಸ್‌ ಯಡಿಯೂರಪ್ಪ ಶ್ಲಾಘನೆ