ಟೊಮೇಟೊ ದರ ಏರಿಕೆಗೆ ಏನು ಕಾರಣ?
ರಾಜಧಾನಿ ದಿಲ್ಲಿ ಮತ್ತು ಇತರೆ ಮೆಟ್ರೊ ನಗರಗಳಲ್ಲಿ ಟೊಮೇಟೊ ದರ ಕೆ.ಜಿಗೆ ನೂರು ರೂಪಾಯಿ ಮುಟ್ಟಿದೆ. ಸಗಟು ಮಾರುಕಟ್ಟೆಯಲ್ಲಿಯೇ 70 ರೂ. ಇದೆ. ಬೆಂಗಳೂರಿನ ಚಿಲ್ಲರೆ ಮಾರುಕಟ್ಟೆಯಲ್ಲಿ ರೂ. 70-80ರ ಆಜುಬಾಜಿನಲ್ಲಿದೆ. ಅಂದಹಾಗೇ ಟೊಮೇಟೊ ದರ ಇಷ್ಟೊಂದು ದೊಡ್ಡ ಪ್ರಮಾಣದಲ್ಲಿ ಏರಿದ್ದು ಏಕೆ? ಇದಕ್ಕೆ, ರೈತರು ಪರ್ಯಾಯ ಬೆಳೆಗಳಿಗೆ ವರ್ಗವಾಗಿದ್ದೇ ಪ್ರಮುಖ ಕಾರಣ.
ಹೊಸದಿಲ್ಲಿ ರಾಜಧಾನಿ ದಿಲ್ಲಿ ಮತ್ತು ಇತರೆ ಮೆಟ್ರೊ ನಗರಗಳಲ್ಲಿ ಟೊಮೇಟೊ ದರ ಕೆ.ಜಿಗೆ ನೂರು ರೂಪಾಯಿ ಮುಟ್ಟಿದೆ. ಸಗಟು ಮಾರುಕಟ್ಟೆಯಲ್ಲಿಯೇ 70 ರೂ. ಇದೆ. ಬೆಂಗಳೂರಿನ ಚಿಲ್ಲರೆ ಮಾರುಕಟ್ಟೆಯಲ್ಲಿ ರೂ. 70-80ರ ಆಜುಬಾಜಿನಲ್ಲಿದೆ. ಅಂದಹಾಗೇ ಟೊಮೇಟೊ ದರ ಇಷ್ಟೊಂದು ದೊಡ್ಡ ಪ್ರಮಾಣದಲ್ಲಿ ಏರಿದ್ದು ಏಕೆ? ಇದಕ್ಕೆ, ರೈತರು ಪರ್ಯಾಯ ಬೆಳೆಗಳಿಗೆ ವರ್ಗವಾಗಿದ್ದೇ ಪ್ರಮುಖ ಕಾರಣ.
''ಕಳೆದ ಕೆಲವು ತಿಂಗಳಿನ ಹಿಂದೆ ಟೊಮೇಟೊ ಪ್ರತಿ ಕೆ.ಜಿಗೆ 3ರಿಂದ 4 ರೂ.ಗೆ ಕುಸಿದಿದ್ದರಿಂದ ರೈತರು ಕಂಗಾಲಾಗಿದ್ದರು. ದರ ಕುಸಿತದಿಂದ ನಷ್ಟಗೊಂಡ ಬೆಳೆಗಾರರು ಪರಾರಯಯ ಬೆಳೆಗಳಿಗೆ ಮೊರೆ ಹೋದರು. ಈ ಪರಿಣಾಮ, ಟೊಮೇಟೊ ಉತ್ಪಾದನೆ ಕಡಿಮೆಯಾಗಿದ್ದು, ಬೇಡಿಕೆ ಏರಿಕೆಯಾಗಿದೆ,'' ಎನ್ನುತ್ತಾರೆ ದಿಲ್ಲಿಯ ಟೊಮೇಟೊ ಮಾರಾಟಗಾರರ ಸಂಘದ ಉಪಾಧ್ಯಕ್ಷ ಸುಭಾಷ್ ಚುಘ್.
ಗ್ರಾಹಕ ವ್ಯವಹಾರಗಳ ಸಚಿವಾಲಯದ ಮಾಹಿತಿ ಪ್ರಕಾರ -ಕಳೆದ 8 ತಿಂಗಳ ಹಿಂದೆ ಟೊಮೇಟೊ ದರ ಸಗಟು ಮಾರುಕಟ್ಟೆಯಲ್ಲಿ 10 ರೂ.ಗಳ ಒಳಗಿತ್ತು. ರೀಟೇಲ್ ದರ 25 ರೂ.ಒಳಗಿತ್ತು. ರೈತರು ಪಾಪ ಎರಡು ಮೂರು ತಿಂಗಳು ಕೆ.ಜಿಗೆ 3 ರೂ.ಪಡೆದಿದ್ದರು. ಮಾರುಕಟ್ಟೆಗೆ ಟೊಮೇಟೊ ಸಾಗಣೆ ಮಾಡಿದ ಕೂಲಿ ಸಹ ಸಿಗದಂಥ ಸ್ಥಿತಿ ನಿರ್ಮಾಣವಾಗಿತ್ತು. ಜೂನ್ನಿಂದ ಈಚೆಗೆ ಟೊಮೇಟೊ ದರದಲ್ಲಿ ನಾಲ್ಕು ಪಟ್ಟು ಹೆಚ್ಚಳವಾಗಿದೆ.
''ದಿಲ್ಲಿಯಲ್ಲಿ ಪ್ರತಿ ದಿನ 50-60 ಟ್ರಕ್ಗಳಷ್ಟು ಟೊಮೇಟೊಗೆ ಬೇಡಿಕೆ ಇದೆ. ಆದರೆ, 15-20 ಟ್ರಕ್ಗಳಷ್ಟೇ ಲಭ್ಯ. ಹೀಗಾಗಿ ಟೊಮೇಟೊ ದರ ಏರಿಕೆಯಾಗುತ್ತಿದೆ,'' ಎನ್ನುತ್ತಾರೆ ವರ್ತಕರು.
ಗ್ರಾಹಕ ವ್ಯವಹಾರಗಳ ಸಚಿವಾಲಯದ ಮಾಹಿತಿ ಪ್ರಕಾರ ದೇಶದ ಪ್ರಮುಖ ನಗರಗಳಲ್ಲಿ ಟೊಮೇಟೊ 80 ರಿಂದ 95 ರೂ. ತನಕ ಮಾರಾಟವಾಗಿದೆ. ಟೊಮೇಟೊ ಬೆಳೆಯುವ ಪ್ರಮುಖ ರಾಜ್ಯಗಳಾಗಿ ಕರ್ನಾಟಕ, ಆಂಧ್ರ ಪ್ರದೇಶ, ತೆಲಂಗಾಣ, ಮಧ್ಯ ಪ್ರದೇಶ, ಪ.ಬಂಗಾಳ, ಒಡಿಶಾ ಗುರ್ತಿಸಿಕೊಂಡಿದ್ದು, ದೇಶದ ಇತರೆ ಪ್ರದೇಶಗಳಿಗೆ ಪೂರೈಕೆ ಕುಸಿದಿದೆ. 1.8 ಕೋಟಿ ಟನ್ ಟೊಮೇಟೊವನ್ನು ದೇಶದಲ್ಲಿ ಬೆಳೆಯಲಾಗುತ್ತದೆ.