ಎಟಿಎಂಗಳನ್ನು ಮುಚ್ಚುವ ಆಲೋಚನೆ ಇಲ್ಲ: ಕೇಂದ್ರ

ಎಟಿಎಂಗಳ ಹೊರತಾಗಿ ದೇಶಾದ್ಯಂತ ಬ್ಯಾಂಕ್‌ ಶಾಖೆಗಳು, ವ್ಯವಹಾರ ಪ್ರತಿನಿಧಿಗಳಿಗೆ ಮೈಕ್ರೋ ಎಟಿಎಂಗಳನ್ನು ಒದಗಿಸಲಾಗಿದೆ ಎಂದು ಕೇಂದ್ರ ಹಣಕಾಸು ಖಾತೆ ಸಚಿವ ಶಿವಪ್ರತಾಪ್‌ ಶುಕ್ಲಾ ಹೇಳಿದ್ದಾರೆ. ಜತೆಗೆ, ಸೆಪ್ಟೆಂಬರ್ 30ರ ರವರೆಗೆ 2.21 ಲಕ್ಷ ಎಟಿಎಂಗಳನ್ನು ನಿಯೋಜಿಸಲಾಗಿದೆ ಎಂದು ನಿಗದಿತ ವಾಣಿಜ್ಯ ಬ್ಯಾಂಕುಗಳು, ಸಣ್ಣ ಹಣಕಾಸು ಬ್ಯಾಂಕುಗಳು, ಪಾವತಿ ಬ್ಯಾಂಕುಗಳು ಮತ್ತು ಬಿಳಿ ಲೇಬಲ್ ಎಟಿಎಂ ನಿರ್ವಾಹಕರು ವರದಿ ನೀಡಿದ್ದಾರೆ.

Vijaya Karnataka 15 Dec 2018, 10:34 am

ಹೊಸದಿಲ್ಲಿ: ಸಾರ್ವಜನಿಕ ವಲಯದ ಬ್ಯಾಂಕ್‌ಗಳು ಎಟಿಎಂಗಳನ್ನು ಮುಚ್ಚುವುದಿಲ್ಲ. ಇಂಥ ಆಲೋಚನೆಯನ್ನು ಬ್ಯಾಂಕ್‌ಗಳು ಹೊಂದಿಲ್ಲ ಎಂದು ಹಣಕಾಸು ಖಾತೆ ಸಚಿವ ಶಿವಪ್ರತಾಪ್‌ ಶುಕ್ಲಾ ಹೇಳಿದ್ದಾರೆ.

''ನಿರ್ವಹಣೆ ವೆಚ್ಚಗಳ ಏರಿಕೆಯಿಂದಾಗಿ ಎಟಿಎಂ ಉದ್ಯಮ ಸಂಕಷ್ಟದಲ್ಲಿದ್ದು, ಮುಂದಿನ ವರ್ಷದ ಮಾರ್ಚ್‌ ಹೊತ್ತಿಗೆ ದೇಶದಲ್ಲಿರುವ 2.38 ಲಕ್ಷ ಎಟಿಎಂಗಳಲ್ಲಿ ಅರ್ಧದಷ್ಟು ಬಂದ್‌ ಆಗಲಿವೆ'' ಎಂದು ಎಟಿಎಂ ಉದ್ಯಮದ ಒಕ್ಕೂಟ (ಸಿಎಟಿಎಂಐ) ಇತ್ತೀಚೆಗೆ ಎಚ್ಚರಿಸಿತ್ತು. ಈ ಬಗ್ಗೆ ಸಂಸತ್ತಿಗೆ ಶುಕ್ರವಾರ ಪ್ರತಿಕ್ರಯಿಸಿದ ಶುಕ್ಲಾ, ಎಟಿಎಂಗಳ ವ್ಯವಹಾರ ಮುಂದುವರಿಯಲಿದೆ ಎಂದಿದ್ದಾರೆ.

ಎಟಿಎಂಗಳನ್ನು ಮುಚ್ಚುವ ಆಲೋಚನೆ ಇಲ್ಲ: ಕೇಂದ್ರ

ಮುಂದಿನ ಲೇಖನ