ಪುಣೆ: ಆರ್‌ಬಿಐ, ಇಪಿಎಫ್‌ಒ, ಡಿಆರ್‌ಡಿಒ ಸೇರಿದಂತೆ ಪ್ರಮುಖ ಸರಕಾರಿ ಸಂಸ್ಥೆಗಳು ಮತ್ತು ಖಾಸಗಿ ಕಂಪನಿಗಳೂ ಸೇರಿದಂತೆ ಸುಮಾರು 6000 ಸಂಸ್ಥೆಗಳ ಮಾಹಿತಿಗೆ ಹ್ಯಾಕರ್‌ಗಳು ಕನ್ನ ಹಾಕಿದ್ದಾರೆ ಎಂದು ಸೈಬರ್‌ ಭದ್ರತೆಗೆ ಸಂಬಂಧಿಸಿದ ಸೀಕ್ರೈಟ್‌ ಸೈಬರ್‌ ಇಂಟಲಿಜೆನ್ಸ್‌ ಲ್ಯಾಬ್ಸ್‌ ಸಂಶಯ ವ್ಯಕ್ತಪಡಿಸಿದೆ.
ತನ್ನ ಪಾಲುದಾರ ಸಂಸ್ಥೆ ಸೀಕ್ಯೂಟ್ರೀ ಇನ್ಫೊ ಸರ್ವಿಸಸ್‌ ಜತೆ ತನಿಖೆ ಕೈಗೊಂಡಿದ್ದ ಪುಣೆ ಮೂಲದ ಸೀಕ್ರೈಟ್‌ ಸೈಬರ್‌ ಲ್ಯಾಬ್ಸ್‌, ತನ್ನಲ್ಲಿರುವ ಮಾಹಿತಿಯನ್ನು ಹಂಚಿಕೊಂಡಿದೆ. ಕದ್ದಿರುವ ಮಾಹಿತಿಯನ್ನು ಮಾರಾಟ ಮಾಡುವುದಾಗಿ ಡಾರ್ಕ್‌ನೆಟ್‌ನಲ್ಲಿ ಈ ಹ್ಯಾಕರ್‌ ಜಾಹೀರಾತುಗಳನ್ನು ಪ್ರಕಟಿಸಿದ್ದು, ಅದನ್ನು ಪತ್ತೆ ಹಚ್ಚಿರುವುದಾಗಿ ಈ ಸಂಸ್ಥೆ ಹೇಳಿಕೊಂಡಿದೆ.
ಸರಕಾರದ ಯುಐಡಿಎಐ, ಬಿಎಸ್‌ಇ, ಫ್ಲಿಪ್‌ಕಾರ್ಟ್‌, ಭಾರತೀಯ ಅಂತರ್ಜಾಲ ರಿಜಿಸ್ಟ್ರಿ(ಐಆರ್‌ಇಎನ್‌ಎನ್‌) ಮತ್ತಿತರ ಸಂಸ್ಥೆಗಳ ಡೇಟಾ ಅಪಾಯದಲ್ಲಿದೆ ಎಂದು ಹೇಳಲಾಗಿದೆ.