ರೆಪೋ ದರವನ್ನು ಶೇ.4ಕ್ಕೆ ಇಳಿಸಿದ ಆರ್‌ಬಿಐ: ಚೇತರಿಕೆ ಕಂಡ ಷೇರು ಮಾರುಕಟ್ಟೆ

ಹೊಸದಿಲ್ಲಿ: ಕೊರೊನಾ ಲಾಕ್‌ಡೌನ್‌ನಿಂದ ಸೊರಗಿರುವ ಮಾರುಕಟ್ಟೆಗೆ ಚೈತನ್ಯ ನೀಡಲು ಭಾರತೀಯ ರಿಸರ್ವ್‌ ಬ್ಯಾಂಕ್‌ ಟಾನಿಕ್‌ ನೀಡಿದೆ. ರೆಪೋ ದರದಲ್ಲಿ ಭಾರೀ ಕಡಿತ ಘೋಷಿಸಿದೆ. ಶೇ. 4.4ರಷ್ಟಿದ್ದ ರೆಪೋದರವನ್ನು ಶೇ.4ಕ್ಕೆ ಇಳಿಕೆ ಮಾಡಿದೆ. ರಿಸರ್ವ್‌ ರೆಪೋ ದರದಲ್ಲೂ ಕಡಿತ ಮಾಡಿದ್ದು ಶೇ.3.35ಕ್ಕೆ ಇಳಿಕೆ ಮಾಡಿದೆ.

ಶುಕ್ರವಾರ ಬೆಳಗ್ಗೆ 10 ಗಂಟೆಗೆ ಆರ್‌ಬಿಐ ಗವರ್ನರ್‌ ಶಕ್ತಿಕಾಂತ್ ದಾಸ್‌ ಅವರು ಸುದ್ದಿಗೋಷ್ಟಿಯಲ್ಲಿ ಮಾತನಾಡಿ ರೆಪೋ ದರ ಕಡಿತ ಘೋಷಿಸಿದ್ದಾರೆ.

ಈ ಬೆನ್ನಲ್ಲೇ ಬಡಡ್ಡಿ ದರದಲ್ಲಿ ಭಾರೀ ಕಡಿತವಾಗಲಿದೆ. ಗೃಹ ಸಾಲ, ವಾಹನ ಸಾಲ ಹಾಗೂ ವೈಯಕ್ತಿಕ ಸಾಲಗಳ ಮೇಲಿನ ಬಡ್ಡಿದರದಲ್ಲೂ ಇಳಿಕೆಯಾಗಲಿದೆ. ಸಾಲ ಪಡೆಯಲು ಇದು ಸಕಾಲವಾಗಿದೆ. ಆರ್ಬಿಐ ರೆಪೋ ರೇಟ್‌ನಲ್ಲಿ ಕಡಿ ಘೋಷಿಸುತ್ತಿದ್ದಂತೆಯೇ ಶುಕ್ರವಾರದ ಚಿನಿವಾರ ಪೇಟಿಯಲ್ಲಿ ಚೇತರಿಕೆ ಕಂಡಿದೆ.

ಮತ್ತೆ ಮೂರು ತಿಂಗಳು ಇಎಂಐ ಪಾವತಿ ಮುಂದೂಡಿಕೆ: ಜೂನ್‌ 1ರಿಂದ ಆಗಸ್ಟ್‌ 31ರವರೆಗೆ ಮೂರು ತಿಂಗಳ ಕಾಲ ಇಎಂಐ ಪಾವತಿಯನ್ನುಅವಧಿಯನ್ನು ವಿಸ್ತರಿಸಿದೆ