ಎಲ್ಲ ನಾಣ್ಯಗಳನ್ನು ಸ್ವೀಕರಿಸಲು ಬ್ಯಾಂಕ್‌ಗಳಿಗೆ ಆರ್‌ಬಿಐ ಸೂಚನೆ

ಮುಂಬಯಿ: ಎಲ್ಲಾ ರೀತಿಯ ಮುಖಬೆಲೆಯ ನಾಣ್ಯವನ್ನು ಸ್ವೀಕರಿಸುವಂತೆ ಎಲ್ಲಾ ಶಾಖೆಗಳಿಗೆ ಸೂಚನೆ ನೀಡುವಂತೆ ಬ್ಯಾಂಕುಗಳಿಗೆ ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್‌ಬಿಐ) ಆದೇಶ ನೀಡಿದೆ.

ಅನೇಕ ಬ್ಯಾಂಕುಗಳ ಶಾಖೆಗಳು ನಾಣ್ಯಗಳನ್ನು ಸ್ವೀಕರಿಸದಿರುವ ಬಗ್ಗೆ ದೂರುಗಳು ಬಂದ ನಂತರ ಆರ್‌ಬಿಐ ಈ ಸಲಹೆ ನೀಡಿದೆ.

ಬ್ಯಾಂಕ್‌ನ ಕೌಂಟರ್‌ಗಳಲ್ಲಿ ಹಣ ಪಾವತಿಸುವಾಗ ಎಲ್ಲಾ ಮುಖಬೆಲೆಯ ನಾಣ್ಯವನ್ನು ಸ್ವೀಕರಿಸಲು, ಇದರ ಅನುಸರಣೆಯನ್ನು ಖಚಿತಪಡಿಸಲು ಎಲ್ಲಾ ಬ್ಯಾಂಕುಗಳಿಗೆ ಆರ್‌ಬಿಐ ಸಲಹೆ ನೀಡಿದೆ.