ಆರ್‌ಬಿಐ ರೆಪೋ ದರ ಕಡಿತ: ಉದ್ಯಮ ವಲಯಕ್ಕೆ ಹರ್ಷ

ಹೊಸದಿಲ್ಲಿ: ಗುರುವಾರ ಸಭೆ ಸೇರಿದ್ದ ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾದ ಹಣಕಾಸು ಪಾಲಿಸಿ ಸಮಿತಿ ರೆಪೋ ದರದಲ್ಲಿ 25 ಅಂಶ ಕಡಿತ ಮಾಡಿದೆ.

ಪ್ರಸಕ್ತ ಹಣಕಾಸು ವರ್ಷದಲ್ಲಿ ಇದು ಎರಡನೇ ಬಾರಿ ಆರ್‌ಬಿಐ ರೆಪೋ ದರ ಕಡಿತವಾಗಿದ್ದು, ಉದ್ಯಮವಲಯಕ್ಕೆ ನೆರವಾಗಲಿದೆ.

ಗುರುವಾರ 25 ಮೂಲಾಂಶ ದರ ಕಡಿತ ಬಳಿಕ ಆರ್‌ಬಿಐ ಪ್ರಸಕ್ತ ರೆಪೋ ದರ ಶೇ. 5.75 ಆಗಿದ್ದು, ಸತತ ರೆಪೋ ದರ ಇಳಿಕೆ ಕ್ರಮವನ್ನು ಉದ್ಯಮ ವಲಯ ಸ್ವಾಗತಿಸಿದೆ.

25 ಅಂಶ ರೆಪೋ ದರ ಕಡಿತ ಮಾಡುವ ನಿರ್ಧಾರಕ್ಕೆ ಆರ್‌ಬಿಐ ಪಾಲಿಸಿ ಸಮಿತಿಯ ಆರು ಮಂದಿ ಕೂಡ ಒಪ್ಪಿಗೆ ಸೂಚಿಸಿ ಮತಚಲಾಯಿಸಿದ್ದಾರೆ.

ಗುರುವಾರ ಆರ್‌ಬಿಐ ಹಣಕಾಸು ರೂಪಕ ಸಮಿತಿ ಸಭೆ ಸೇರುವ ಹಿನ್ನೆಲೆಯಲ್ಲಿ ರೆಪೋ ದರ ಬದಲಾವಣೆ ನಿರೀಕ್ಷಿಸಲಾಗಿತ್ತು. ಅದರಂತೆ ದರ ಇಳಿಕೆಯಾಗಿರುವುದು ಉದ್ಯಮ ರಂಗಕ್ಕೆ ಹೆಚ್ಚು ಸೂಕ್ತವಾಗಲಿದೆ.

ಜತೆಗೆ ಆರ್ಟಿಜಿಎಸ್ ಮತ್ತು ಎನ್ಇಎಫ್ಟಿ ಶುಲ್ಕವನ್ನೂ ರದ್ದುಪಡಿಸಲು ಆರ್ಬಿಐ ನಿರ್ಧರಿಸಿದೆ. ಕಳೆದ ನಾಲ್ಕು ತಿಂಗಳಿನಲ್ಲಿ ಆರ್‌ಬಿಐ ಮೂರು ಬಾರಿ ರೆಪೋ ದರ ಕಡಿತ ಮಾಡಿದ್ದು, ಗೃಹ, ವಾಹನ ಸಹಿತ ವಿವಿಧ ಸಾಲಗಳ ಮೇಲಿನ ಬಡ್ಡಿದರ ಇಳಿಕೆ ನಿರೀಕ್ಷಿಸಲಾಗಿದೆ.