ದಾಖಲೆ ದರಕ್ಕೆ ಜಿಗಿದ ಚಿನ್ನ

ಹೊಸದಿಲ್ಲಿ: ರಾಜಧಾನಿ ದಿಲ್ಲಿಯಲ್ಲಿ ಚಿನ್ನದ ದರವು 10 ಗ್ರಾಮ್‌ಗೆ 35,970 ರೂ.ಗೆ ಮುಟ್ಟಿದ್ದು, ಸೋಮವಾರ ಸಾರ್ವಕಾಲಿಕ ದಾಖಲೆಯ ಮಟ್ಟಕ್ಕೆ ಏರಿಕೆಯಾಗಿದೆ. ಬೆಂಗಳೂರಿನಲ್ಲಿ 24 ಕ್ಯಾರಟ್‌ ಚಿನ್ನದ ದರವು 35,410 ರೂ. ಇದೆ.

ಜಾಗತಿಕ ಪ್ರಭಾವಗಳು ಮತ್ತು ಆಭರಣ ವರ್ತಕರ ಖರೀದಿ ಪ್ರಕ್ರಿಯೆ ಮುಂದುವರಿದಿದ್ದು, ಸೋಮವಾರ ಚಿನ್ನದ ದರವು 100 ರೂ. ಏರಿಕೆಯಾಗಿ ದಾಖಲೆ ಮಟ್ಟವನ್ನು ಮುಟ್ಟಿತು. ಶನಿವಾರವು ಚಿನ್ನದ ದರವು 80 ರೂ. ಇಳಿಕೆಯಾಗಿ 35,870 ರೂ.ಗೆ ಕುಸಿದಿತ್ತು. ದಿಲ್ಲಿಯಲ್ಲಿ ಬೆಳ್ಳಿ ದರವು ಕೆ.ಜಿಗೆ 260 ರೂ. ಏರಿಕೆಯಾಗಿದ್ದು 41,960 ರೂ.ಗೆ ತಲುಪಿದೆ.