ಐದನೇ ವರ್ಷ ಮೋದಿ ಸರಕಾರಕ್ಕೆ ತೈಲ ದರದ ಸವಾಲು

ಮುಂಬಯಿ: ಕಳೆದ ನಾಲ್ಕು ವರ್ಷಗಳಲ್ಲಿ ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಎನ್‌ಡಿಎ ಸರಕಾರಕ್ಕೆ ಉತ್ತಮ ಮುಂಗಾರು ಮಳೆ ಹಾಗೂ ತೈಲ ದರ ಇಳಿಕೆಯ ಅನುಕೂಲಕರ ವಾತಾವರಣ ಇತ್ತು. ಆದರೆ ಐದನೇ ವರ್ಷ ತೈಲ ದರ ಏರಿಕೆಯ ಸವಾಲು ಸೃಷ್ಟಿಯಾಗಿದೆ ಎಂದು ರೇಟಿಂಗ್‌ ಏಜೆನ್ಸಿ ಕ್ರಿಸಿಲ್‌ ತಿಳಿಸಿದೆ.

ಕಳೆದ ನಾಲ್ಕು ವರ್ಷಗಳಲ್ಲಿ ಮಹತ್ವದ ಆರ್ಥಿಕ ಸುಧಾರಣಾ ಪ್ರಕ್ರಿಯೆಗಳು ನಡೆದಿವೆ. ಸಮಗ್ರ ಆರ್ಥಿಕ ಪರಿಸ್ಥಿತಿಯ ಸುಧಾರಣೆಗೆ ಕೇಂದ್ರ ಸರಕಾರ ಹಲವು ಕ್ರಮಗಳನ್ನು ತೆಗೆದುಕೊಂಡಿದೆ. ಹೀಗಿದ್ದರೂ, ಐದನೇ ವರ್ಷ ತೈಲ ದರ ಏರಿಕೆಯು ಸವಾಲಾಗಿ ಪರಿಣಮಿಸುವ ನಿರೀಕ್ಷೆ ಇದೆ ಎಂದು ಕ್ರಿಸಿಲ್‌ನ ಮುಖ್ಯ ಆರ್ಥಿಕ ತಜ್ಞ ಧರ್ಮಕೀರ್ತಿ ಜೋಶಿ ತಿಳಿಸಿದ್ದಾರೆ.