ಮನೆ ಖರೀದಿದಾರರಿಗೆ ಸಿಹಿ ಸುದ್ದಿ: ನಿರ್ಮಾಣ ಹಂತದ ಕಟ್ಟಡ ಮೇಲಿನ ಜಿಎಸ್‌ಟಿ ಶೇ.5 ಇಳಿಕೆ

ಹೊಸದಿಲ್ಲಿ: ಮನೆ ಖರೀದಿಸಲು ಮುಂದಾಗುವ ಗ್ರಾಹಕರಿಗೆ ಶುಭ ಸುದ್ದಿ.

ಭಾನುವಾರ ನಡೆದ ಜಿಎಸ್‌ಟಿ ಮಂಡಳಿ ಸಭೆಯಲ್ಲಿ ನಿರ್ಮಾಣ ಹಂತದಲ್ಲಿರುವ ಮನೆಗಳಿಗೆ ಅಥವಾ ರೆಡಿ-ಟೂ-ಮೂವ್‌ ಫ್ಲಾಟ್‌ಗಳಿಗೆ ವಿಧಿಸುವ ತೆರಿಗೆಯನ್ನು ಇನ್‌ಫುಟ್‌ ಟ್ಯಾಕ್ಸ್‌ ಕ್ರೆಡಿಟ್‌ ಇಲ್ಲದೆಯೇ ಈಗಿನ ಶೇ.12ರಿಂದ ಶೇ.5ಕ್ಕೆ ಇಳಿಕೆ ಮಾಡಲಾಗಿದೆ. ಅಲ್ಲದೇ, ಅಗ್ಗದ ಮನೆಗಳಿಗೆ ವಿಧಿಸಲಾಗುತ್ತಿದ್ದ ಜಿಎಸ್‌ಟಿಯನ್ನು ಶೇ.8ರಿಂದ ಕೇವಲ ಶೇ.1ಕ್ಕೆ ಇಳಿಕೆ ಮಾಡಲಾಗಿದೆ.

2019ರ ಏಪ್ರಿಲ್‌ 1ರಿಂದ ಹೊಸ ದರಗಳು ಅನ್ವಯವಾಗುತ್ತವೆ. ಹಣಕಾಸು ಸಚಿವ ಅರುಣ್‌ ಜೇಟ್ಲಿ ನೇತೃತ್ವದಲ್ಲಿ ನಡೆದ ಜಿಎಸ್‌ಟಿ ಮಂಡಳಿಯ 33ನೇ ಸಭೆಯಲ್ಲಿ ರಿಯಲ್‌ ಎಸ್ಟೇಟ್‌ಗೆ ಸಂಬಂಧಿಸಿದಂತೆ ಮಹತ್ವದ ತೀರ್ಮಾನ ಕೈಗೊಳ್ಳಲಾಗಿದ್ದು,ಅಪಾರ್ಟ್‌ಮೆಂಟ್‌ ಮತ್ತು ಮನೆಗಳನ್ನು ಖರೀದಿ ಮಾಡುವ ಜನರಿಗೆ ಸಾಕಷ್ಟು ಹಣ ಉಳಿತಾಯವಾಗಲಿದೆ.

ಆದಾಗ್ಯೂ, ಪ್ರಸ್ತುತ ಮಾರಾಟದ ವೇಳೆ ಕಂಪ್ಲಿಶನ್‌ ಸರ್ಟಿಫಿಕೇಟ್‌ ವಿತರಣೆಯಾಗಿದ್ದರೆ, ಅಂಥ ಪ್ರಾಪರ್ಟಿಗಳ ಖರೀದಿದಾರರಿಗೆ ಜಿಎಸ್‌ಟಿ ಅನ್ವಯವಾಗುವುದಿಲ್ಲ. ನಿರ್ಮಾಣ ಹಂತದಲ್ಲಿರುವ ವಸತಿ ಪ್ರಾಪರ್ಟಿಗಳ ಮೇಲಿನ ಜಿಎಸ್‌ಟಿ ದರವನ್ನು ಈಗಿನ ಶೇ.12ರಿಂದ ಶೇ.5ಕ್ಕೆ ತಗ್ಗಿಸಲು ರಾಜ್ಯ ಸಚಿವರುಗಳ ಸಮಿತಿ ಇತ್ತೀಚೆಗೆ ಒಲವು ವ್ಯಕ್ತಪಡಿಸಿತ್ತು.

ಯಾವುದು ಅಗ್ಗದ ಮನೆ?

ಅಗ್ಗದ ಮನೆ ಕ್ಯಾಟಗರಿಯ ಪ್ರಾಬರ್ಟಿಗಳಿಗೆ ಜಿಎಸ್‌ಟಿಯನ್ನು ಶೇ.1ಕ್ಕೆ ತಗ್ಗಿಸಲಾಗಿದೆ. ಜೊತೆಗೆ ಈ ಕ್ಯಾಟಗರಿಯ ಮಿತಿಯನ್ನು ವಿಸ್ತರಿಸಲಾಗಿದ್ದು, 45 ಲಕ್ಷ ರೂ. ವರೆಗಿನ ಮನೆಗಳು ಈ ವ್ಯಾಪ್ತಿಗೆ ಬರುತ್ತವೆ. ಅಲ್ಲದೇ, ಮೆಟ್ರೊ ನಗರಗಳಲ್ಲಿ ಈ ಮನೆಗಳ ವಿಸ್ತೀರ್ಣ 60 ಚದರ ಮೀಟರ್‌, ಮೆಟ್ರೋಯೇತರ ನಗರಗಳಲ್ಲಿ 60 ಚದರ ಮೀಟರ್‌ ವಿಸ್ತೀರ್ಣದ ಮಿತಿ ಇದೆ.

ಲಾಟರಿ ಮೇಲಿನ ಜಿಎಸ್‌ಟಿಯನ್ನು ಶೇ.18 ಅಥವಾ ಶೇ.28ಕ್ಕೆ ಏಕರೂಪಗೊಳಿಸುವ ನಿರೀಕ್ಷೆ ಇತ್ತು. ಪ್ರಸ್ತುತ ರಾಜ್ಯಗಳು ಸಂಘಟಿಸುವ ಲಾಟರಿಗಳಿಗೆ ಶೇ.12ರ ಜಿಎಸ್‌ಟಿ, ರಾಜ್ಯದ ಮಾನ್ಯತೆಯುಳ್ಳ ಲಾಟರಿಗಳಿಗೆ ಶೇ.28ರ ತೆರಿಗೆ ಇದೆ. ಆದರೆ, ಈ ವಿಷಯಗಳನ್ನು ಮುಂದಿನ ಸಭೆಯಲ್ಲಿ ಚರ್ಚಿಸುವುದಾಗಿ ಅರುಣ್‌ ಜೇಟ್ಲಿ ಹೇಳಿದ್ದಾರೆ.



ಭಾನುವಾರ ನಡೆದ ಜಿಎಸ್‌ಟಿ ಮಂಡಳಿಯ ಸಭೆಯಲ್ಲಿ ಈ ಕುರಿತು ನಿರ್ಧಾರ ಕೈಗೊಳ್ಳಲಾಗಿದೆ.

ನಂತರ ಈ ಕುರಿತು ಮಾಹಿತಿ ನೀಡಿದ ಅರುಣ್‌ ಜೇಟ್ಲಿ, ಕೈಗೆಟಕುವ ಮನೆಗಳ ಮೇಲಿನ ಜಿಎಸ್‌ಟಿಯನ್ನು ಶೇಕಡ 8 ರಿಂದ ಶೇ.1ಕ್ಕೆ ಇಳಿಸಲಾಗಿದೆ.

ಏಪ್ರಿಲ್‌ 1, 2019ರಿಂದ ಹೊಸ ದರಗಳು ಜಾರಿಗೆ ಬರಲಿವೆ.