200.ರೂ ಹೊಸ ನೋಟು ಸೆಪ್ಟಂಬರ್‌ನಲ್ಲಿ ಚಲಾವಣೆಗೆ

ಮುಂಬಯಿ: ಇತಿಹಾಸದಲ್ಲಿ ಇದೇ ಮೊದಲ ಬಾರಿಗೆ ಭಾರತದಲ್ಲಿ 200 ರೂಪಾಯಿ ನೋಟು ಚಲಾವಣೆಗೆ ತರಲು ತೀರ್ಮಾನಿಸಿರುವ ಭಾರತೀಯ ರಿಸರ್ವ್‌ ಬ್ಯಾಂಕ್‌, ಸೆಪ್ಟಂಬರ್‌ ಮೊದಲ ವಾರದಲ್ಲಿ ಈ ನೋಟುಗಳನ್ನು ಚಲಾವಣೆಗೆ ಬಿಡಲಿದೆ.

ನಕಲಿ ನೋಟುಗಳ ಹಾವಳಿ ತಡೆಯುವ ನಿಟ್ಟಿನಲ್ಲಿ ರಿಸರ್ವ್ ಚಲಾವಣೆಗೆ ತರಲು ಮುಂದಾಗಿದ್ದು, ಆಗಸ್ಟ್ ತಿಂಗಳಾಂತ್ಯಕ್ಕೆ ಅಥವಾ ಸಪ್ಟೆಂಬರ್ ಮೊದಲ ವಾರ ಈ ನೋಟುಗಳು ಚಲಾವಣೆಗೆ ಬರುವ ಸಾಧ್ಯತೆ ಇದೆ. ಇತ್ತೀಚೆಗಷ್ಟೇ ಆರ್‌ಬಿಐ 50ರೂ ನೋಟನ್ನು ಸಹ ಪರಿಚಯಿಸಿತ್ತು.

'100 ಮತ್ತು 500 ರೂ.ಗಳ ಮಧ್ಯೆ ಯಾವುದೇ ಮುಖಬೆಲೆಯ ನೋಟುಗಳು ಲಭ್ಯವಿಲ್ಲದ ಕಾರಣ 200 ರೂಪಾಯಿ ನೋಟುಗಳನ್ನು ಚಲಾವಣೆಗೆ ತರಲಾಗುತ್ತಿದೆ, ಇದು ಹೆಚ್ಚು ಜನಪ್ರಿಯವಾಗಬಹುದು ಎಂದ ಊಹಿಸಲಾಗಿದ್ದು ಹೀಗಾಗಿ ಈ ನೋಟಿಗಳನ್ನು ಚಲಾವಣೆಗೆ ತರಬೇಕಾದರೆ ಎಲ್ಲರಿಗೂ ದೊರಕುವಂತೆ ಪ್ಲಾನ್‌ ಮಾಡಲಾಗುತ್ತಿದೆ' ಎಂದು ಮೂಲಗಳು ತಿಳಿಸಿವೆ.

ಈಗಾಗಲೇ 50 ಕೋಟಿಗೂ ಅಧಿಕ ನೂತನ 200 ರೂ. ನೋಟುಗಳನ್ನು ಮುದ್ರಿಸಲಾಗಿದ್ದು, ಕಾಳ ದಂಧೆಯನ್ನು ತಪ್ಪಿಸಲು ಸೂಕ್ತ ಕ್ರಮಗಳನ್ನು ಸಹ ತೆಗೆದುಕೊಳ್ಳಲಾಗಿದ ಎಂದು ಹೇಳಲಾಗುತ್ತಿದೆ.

500 ಹಾಗೂ 1000 ಮುಖ ಬೆಲೆಯ ನೋಟುಗಳ ಮೇಲೆ ನಿಷೇಧ ಹೇರಿದ ಬಳಿಕ ನೂತನ 2000 ರೂ. ಮುಖ ಬೆಲೆಯ ನೋಟುಗಳನ್ನು ಮಾರುಕಟ್ಟೆಗೆ ಪರಿಚಯಿಸಿದ ಸಂದರ್ಭದಲ್ಲಿ ದೇಶದೆಲ್ಲೆಡೆ ನೋಟುಗಳ ಕಾಳ ದಂಧೆ ಹೇರಳವಾವಾಗಿ ಕಾಡಿತ್ತು. ಹೀಗಾಗಿ ಮುನ್ನೆಚ್ಚರಿಕೆ ಕ್ರಮವಾಗಿ 200 ರೂ. ನೋಟನ್ನು ಸೂಕ್ತ ಎಚ್ಚರಿಕೆ ಕ್ರಮದ ಮೂಲಕ ಪರಿಚಯಿಸಲಾಗುತ್ತದೆ.

Reserve bank of india to introduce rs 200 notes beginning september