ಚಿಲ್ಲರೆ ಹಣದುಬ್ಬರ ಶೇಕಡ 7.59ಕ್ಕೆ ಏರಿಕೆ

ಮುಂಬೈ: ಆಹಾರ ಪದಾರ್ಥಗಳ ಬೆಲೆ ನಿರಂತರ ಏರಿಕೆಯ ಪರಿಣಾಮ 2020ರ ಆರಂಭದ ತಿಂಗಳಿನಲ್ಲಿಯೇ ಹಣದುಬ್ಬರ ಪ್ರಮಾಣ ಶೇಕಡ 7.59ಕ್ಕೇರಿಕೆಯಾಗಿದೆ.

ಚಿಲ್ಲರೆ ಹಣದುಬ್ಬರವನ್ನು ಗ್ರಾಹಕ ದರ ಸೂಚ್ಯಂಕದ ಆಧಾರದ ಮೇಲೆ ಲೆಕ್ಕ ಹಾಕಲಾಗಿದೆ. ರಾಷ್ಟ್ರೀಯ ಅಂಕಿ ಅಂಶ ಕಚೇರಿ ಬುಧವಾರ ವರದಿ ಬಿಡುಗಡೆ ಮಾಡಿದ್ದು, ಚಿಲ್ಲರೆ ಹಣದುಬ್ಬರ ಪ್ರಮಾಣ ಶೇಕಡ 7.59ಕ್ಕೇರಿಕೆಯಾಗಿದೆ.

ಕಳೆದ ಸಾಲು ಅಂದರೆ 2019ರಲ್ಲಿ ಇದೇ ವೇಳೆಗೆ ಚಿಲ್ಲರೆ ಹಣದುಬ್ಬರ ಶೇ. 7.53ರಷ್ಟಿತ್ತು.

ಮಾಂಸ, ಮೊಟ್ಟೆ ಆಹಾರಗಳ ಬೆಲೆ ಏರಿಕೆಯಾಗಿರುವುದು ಹಣದುಬ್ಬರದ ಮೇಲೆ ಪರಿಣಾಮ ಬೀರಿದೆ.

ಚಿಲ್ಲರೆ ಹಣದುಬ್ಬರದ ಮೇಲೆ ಭಾರತೀಯ ರಿಸರ್ವ್‌ ಬ್ಯಾಂಕ್ ಸದಾ ನಿಗಾ ಇಟ್ಟಿರುತ್ತದೆ. ಒಟ್ಟಾರೆ ಆರ್ಥಿಕತೆಯ ಮೇಲೆ ಚಿಲ್ಲರೆ ಹಣದುಬ್ಬರ ಭಾರಿ ಪರಿಣಾಮ ಬೀರುತ್ತದೆ.

ಚಿಲ್ಲರೆ ಹಣದುಬ್ಬರವು ಆರ್ಥಿಕತೆ ಅಂಶಗಳಲ್ಲಿ ಪ್ರಮುಖವಾದುದು. ಇದರ ಮೇಲೆ ಆರ್‌ಬಿಐ ನಿಗಾ ಇಟ್ಟಿರುತ್ತದೆ.