ಷೇರು ಮಾರುಕಟ್ಟೆ ಆರಂಭಿಕ ವಹಿವಾಟಿನಲ್ಲಿ ಡಾಲರ್ ಎದುರು ರೂಪಾಯಿ ಮೌಲ್ಯ ಏರಿಕೆ!

ಮುಂಬಯಿ: ಮುಂಬಯಿ ಷೇರು ಮಾರುಕಟ್ಟೆಯ ಆರಂಭಿಕ ವಹಿವಾಟಿನಲ್ಲಿ ಡಾಲರ್ ಎದುರು ಭಾರತದ ರೂಪಾಯಿ ಮೌಲ್ಯದಲ್ಲಿ ಕೊಂಚ ಏರಿಕೆ ಕಂಡುಬಂದಿದೆ. ರೂಪಾಯಿ ಮೌಲ್ಯದಲ್ಲಿ 26 ಪೈಸೆ ಏರಿಕ ಕಂಡುಬಂದಿದ್ದು, ಒಂದು ಡಾಲರ್‌ಗೆ ಭಾರತದ ರೂಪಾಯಿ ಮೌಲ್ಯ 75.9 ರೂ.ಗೆ ತಲುಪಿದೆ.ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕಚ್ಚಾತೈಲ ಬೆಲೆಯಲ್ಲಿ ಇಳಿಕೆ ಮತ್ತು ಅಮೆರಿಕನ್ ಕರೆನ್ಸಿ ಮೌಲ್ಯದಲ್ಲಿ ಕುಸಿತವಾಗಿರುವುದು, ರೂಪಾಯಿ ಮೌಲ್ಯದ ಬಲವರ್ಧನೆಗೆ ಕಾರಣ ಎನ್ನಲಾಗಿದೆ.

ಈ ಹಿಂದಿನ ಸೂಚ್ಯಂಕದಲ್ಲಿ ಡಾಲರ್ ಎದುರು ರೂಪಾಯಿ ಮೌಲ್ಯ 75.35ರಷ್ಟಿದ್ದು, ನಿನ್ನೆ(ಅ.19-ಮಂಗಳವಾರ)ಯ ವಹಿವಾಟು ಮುಕ್ತಾಯ ಸಮಯದಲ್ಲಿ ತುಸು ಇಳಿಕೆ ಕಂಡಿತು. ಆದರೆ ಇಂದಿನ(ಅ.20-ಬುಧವಾರ) ಆರಂಭಿಕ ವಹಿವಾಟಿನ ವೇಳೆ ಡಾಲರ್ ಎದುರು ರೂಪಾಯಿ ಮೌಲ್ಯದಲ್ಲಿ ತುಸು ಏರಿಕೆ ಕಂಡುಬಂದಿತು.

ಡಿಸೆಂಬರ್‌ ವೇಳೆಗೆ ರೂಪಾಯಿ ಪ್ರಬಲಗೊಳ್ಳುವ ಸಾಧ್ಯತೆ, ಡಾಲರ್‌ ಎದುರು 74 ರೂ.ಗೆ ಏರಿಕೆ ಸಂಭವ
ಆದಾಗ್ಯೂ ದೇಶೀಯ ಇಕ್ವಿಟಿ ಮಾರುಕಟ್ಟೆ ಮತ್ತು ವಿದೇಶಿ ನಿಧಿ ಹೊರಹರಿವು ಸ್ಥಳೀಯ ಘಟಕದ ಲಾಭವನ್ನು ಮಿತಿಗೊಳಿಸಿದೆ ಎಂದು ಷೇರು ಮಾರುಕಟ್ಟೆ ಮೂಲಗಳು ತಿಳಿಸಿವೆ.

ಜಾಗತಿಕ ತೈಲ ಬೆಂಚ್‌ಮಾರ್ಕ್‌ ಪಟ್ಟಿಯಲ್ಲಿ ಬ್ರೆಂಟ್ ಕಚ್ಚತೈಲದ ದರ ಶೇ. 0.48ರಷ್ಟು ಕುಸಿತ ಕಂಡಿದೆ. ಸದ್ಯ ಕಚ್ಚಾತೈಲದ ಬೆಲೆ ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಪ್ರತಿ ಬ್ಯಾರೆಲ್‌ಗೆ 84.67 ಡಾಲರ್‌ ಆಗಿದೆ.

ದೇಶೀಯ ಷೇರು ಮಾರುಕಟ್ಟೆಯಲ್ಲಿ ಬುಧವಾರದ ಆರಂಭಿಕ ವಹಿವಾಟಿನಲ್ಲಿ , ಬಿಎಸ್‌ಇ ಸೆನ್ಸೆಕ್ಸ್ 34.52 ಪಾಯಿಂಟ್‌ಗಳು ಅಥವಾ ಶೇ.0.06 ರಷ್ಟು ಕಡಿಮೆ ವಹಿವಾಟು ನಡೆಸುತ್ತಿದೆ. ಇದೇ ವೇಳೆ ನಿಫ್ಟಿ 8.90 ಅಥವಾ ಶೇ.0.05ರಷ್ಟು ಕಡಿಮೆ ವಹಿವಾಟು ನಡೆಸುತ್ತಿದೆ.

ಏಷ್ಯಾದಲ್ಲಿ ಮಾರ್ಚ್‌ನಲ್ಲಿ ಚೇತರಿಸಿದ ಏಕೈಕ ಕರೆನ್ಸಿ ರೂಪಾಯಿ!
ವಿದೇಶಿ ಸಾಂಸ್ಥಿಕ ಹೂಡಿಕೆದಾರರು ಬಂಡವಾಳ ಮಾರುಕಟ್ಟೆಯಲ್ಲಿ ಸದ್ಯ ನಿವ್ವಳ ಮಾರಾಟಗಾರರಾಗಿದ್ದು, 505.79 ಕೋಟಿ ಮೌಲ್ಯದ ಷೇರುಗಳನ್ನು ಆಫ್‌ಲೋಡ್ ಮಾಡಿದ್ದಾರೆ ಎಂದು ಷೇರು ಮಾರುಕಟ್ಟೆ ಮೂಲಗಳು ತಿಳಿಸಿವೆ.