ಒಲಾದಲ್ಲಿ ಸಚಿನ್‌ ಬನ್ಸಾಲ್‌ 150 ಕೋಟಿ ರೂ. ಹೂಡಿಕೆ

ಹೊಸದಿಲ್ಲಿ : ಫ್ಲಿಪ್‌ಕಾರ್ಟ್‌ ಸಹ ಸಂಸ್ಥಾಪಕ ಸಚಿನ್‌ ಬನ್ಸಾಲ್‌ ಆ್ಯಪ್‌ ಆಧಾರಿತ ಟ್ಯಾಕ್ಸಿ ಸೇವೆ ಒದಗಿಸುವ ಒಲಾದಲ್ಲಿ 150 ಕೋಟಿ ರೂ. ಬಂಡವಾಳ ಹೂಡಿಕೆ ಮಾಡಲು ನಿರ್ಧರಿಸಿದ್ದಾರೆ.

ಅಮೆರಿಕದ ರಿಟೇಲ್‌ ದಿಗ್ಗಜ ವಾಲ್‌ಮಾರ್ಟ್‌, ಫ್ಲಿಪ್‌ಕಾರ್ಟ್‌ ಅನ್ನು ಸ್ವಾಧೀನಪಡಿಸಿದ ನಂತರ ಸಚಿನ್‌ ಬನ್ಸಾಲ್‌ ಕಂಪನಿಯಿಂದ ನಿರ್ಗಮಿಸಿದ್ದರು. ಮೂಲಗಳ ಪ್ರಕಾರ ಸಚಿನ್‌ ಬನ್ಸಾಲ್‌ ಅವರು ಒಲಾದಲ್ಲಿ 650 ಕೋಟಿ ರೂ. ಹೂಡಿಕೆ ಮಾಡುವ ನಿರೀಕ್ಷೆ ಇದ್ದು, ಮೊದಲ ಹಂತದಲ್ಲಿ 150 ಕೋಟಿ ರೂ. ಹೂಡಿಕೆ ಮಾಡುತ್ತಿದ್ದಾರೆ.

ಬೆಂಗಳೂರು ಮೂಲದ ಒಲಾವನ್ನು ಭವೀಶ್‌ ಅಗರವಾಲ್‌ ಮತ್ತು ಅಂಕಿತ್‌ ಭಾಟಿ ಅವರು 8 ವರ್ಷಗಳ ಹಿಂದೆ ಸ್ಥಾಪಿಸಿದ್ದರು. ಒಲಾ ಹೊಸ ಹೂಡಿಕೆದಾರರ ಅನ್ವೇಷಣೆಯಲ್ಲಿರುವ ಸಂದರ್ಭದಲ್ಲಿಯೇ ಬನ್ಸಾಲ್‌ ಹೂಡಿಕೆ ಮಾಡುತ್ತಿದ್ದಾರೆ.