ಹೊಸದಿಲ್ಲಿ: ಸ್ಟೇಟ್‌ ಬ್ಯಾಂಕ್‌ ಆಫ್‌ ಇಂಡಿಯಾ(ಎಸ್‌ಬಿಐ) ಮುಖ್ಯಸ್ಥೆ ಅರುಂಧತಿ ಭಟ್ಟಾಚಾರ್ಯ ಅವರ ಅಧಿಕಾರಾವಧಿ ಅಕ್ಟೋಬರ್‌ 6ಕ್ಕೆ ಅಂತ್ಯವಾಗಲಿದೆ. ಈ ಹಿನ್ನೆಲೆಯಲ್ಲಿ ಅವರ ಸ್ಥಾನಕ್ಕೆ ಶೋಧ ಕಾರ್ಯವನ್ನು ಹಣಕಾಸು ಸಚಿವಾಲಯ ಈಗಾಗಲೇ ಆರಂಭಿಸಿದೆ.
''ಹಣಕಾಸು ಸೇವೆಗಳ ಇಲಾಖೆ ಈಗಾಗಲೇ ಬ್ಯಾಂಕ್‌ ಮಂಡಳಿ ಸಂಸ್ಥೆ ಜತೆ ಮಾತುಕತೆ ನಡೆಸಿದ್ದು, ಸೂಕ್ತರ ಆಯ್ಕೆಗೆ ಪರಾಮರ್ಶೆ ನಡೆಸಿದೆ,'' ಎಂದು ಹಿರಿಯ ಅಧಿಕಾರಿಗಳು ತಿಳಿಸಿದ್ದಾರೆ. ಅಧೀನ ಬ್ಯಾಂಕ್‌ಗಳನ್ನು ಎಸ್‌ಬಿಐನಲ್ಲಿ ವಿಲೀನಗೊಳಿಸುವ ಸಲುವಾಗಿ ಅರುಂಧತಿ ಅಧಿಕಾರಾವಧಿಯನ್ನು ಸರಕಾರ ಒಂದು ವರ್ಷ ಮುಂದೂಡಿತ್ತು.