ಕೊರೊನಾ ನಡುವೆಯೇ ಎಸ್‌ಬಿಐ ಆದಾಯದಲ್ಲಿ ಶೇ.81 ಹೆಚ್ಚಳ!

ಹೊಸದಿಲ್ಲಿ: ದೇಶದ ಅತಿ ದೊಡ್ಡ ಬ್ಯಾಂಕ್‌ ಎನಿಸಿರುವ ಸ್ಟೇಟ್‌ ಬ್ಯಾಂಕ್‌ ಆಫ್‌ ಇಂಡಿಯಾ (ಎಸ್‌ಬಿಐ)ಗೆ 2020-21ರ ಆರ್ಥಿಕ ವರ್ಷದ ಮೊದಲ ತ್ರೈಮಾಸಿಕದಲ್ಲಿ ಬರೋಬ್ಬರಿ ಶೇ.81ರಷ್ಟು ಆದಾಯ ಹೆಚ್ಚಳವಾಗಿದೆ.

ವರ್ಷದಿಂದ ವರ್ಷಕ್ಕೆ ಆಗುವ ಆದಾಯದ ಪ್ರಮಾಣದಲ್ಲಿ ಮೊದಲ ತ್ರೈಮಾಸಿಕದಲ್ಲಿ ಲಾಭದಲ್ಲಿ ಶೇ.81ರಷ್ಟು ಏರಿಕೆಯಾಗಿದೆ ಎಂದು ಎಸ್‌ಬಿಐ ಶುಕ್ರವಾರ ಪ್ರಕಟಣೆಯಲ್ಲಿ ತಿಳಿಸಿದೆ. 2020ರ ಏಪ್ರಿಲ್‌, ಮೇ, ಜೂನ್‌ ಈ ಮೂರು ತಿಂಗಳಲ್ಲೇ 4,189.34 ಕೋಟಿ ರೂಪಾಯಿ ಲಾಭವಾಗಿದೆ. ಕಳೆದ ವರ್ಷ ಇದೇ ತ್ರೈಮಾಸಿಕದಲ್ಲಿ ಎಸ್‌ಬಿಐ 2,312.20 ಕೋಟಿ ರೂಪಾಯಿಯಷ್ಟು ನಿವ್ವಳ ಲಾಭ ಗಳಿಸಿತ್ತು.

ಎಸ್‌ಬಿಐ ಲೈಫ್ ಇನ್ಶೂರೆನ್ಸ್‌ನ ಷೇರುಗಳ ಮಾರಾಟದಿಂದಲೇ ಎಸ್‌ಬಿಐಗೆ 1,540 ಕೋಟಿ ರೂ. ಗಳಿಕೆಯಾಗಿದೆ. ಇದರಿಂದಾಗಿ ಎಸ್‌ಬಿಐನ ನಿವ್ವಳ ಲಾಭ ಹೆಚ್ಚಲು ಸಹಕಾರಿಯಾಗಿದೆ. ಈ ಹಿಂದೆ ಎಸ್‌ಬಿಐ ಲೈಫ್ ಇನ್ಶೂರೆನ್ಸ್‌ನ ಶೇ.57.6ರಷ್ಟು ಷೇರುಗಳನ್ನು ಹೊಂದಿತ್ತು. ಆದರೆ ಈಗ ಶೇ.55.5ರಷ್ಟು ಷೇರುಗಳನ್ನಷ್ಟೇ ಹೊಂದಿದೆ.

ಕೊರೊನಾ ನಡುವೆ ಬೇಡಿಕೆ ಹೆಚ್ಚಿಸಿಕೊಂಡ ಜೀವವಿಮೆ: ಎಲ್‌ಐಸಿ ಪಾಲಿಸಿ ಮಾರಾಟ ಶೇ.17 ಹೆಚ್ಚಳ!

2020ರ ಜೂನ್‌ ತ್ರೈಮಾಸಿಕದಲ್ಲಿ ಎಸ್‌ಬಿಐನ ನಿವ್ವಳ ಬಡ್ಡಿ ಆದಾಯದಲ್ಲೂ ಶೇ.16ರಷ್ಟು ಏರಿಕೆಯಾಗಿದೆ. ಏರಿಕೆ ಕಂಡು 26,641.56 ಕೋಟಿ ರೂಪಾಯಿಯಾಗಿದೆ.

ಆಗಸ್ಟ್‌ 1ರಿಂದ ಶೇ.12 ಇಪಿಎಫ್‌ ದೇಣಿಗೆ ಕಡಿತ: ಮತ್ತೆ ಹಳೇ ನಿಯಮಗಳ ಜಾರಿ!

ತ್ರೈಮಾಸಿಕ ವರದಿ ಪ್ರಕಟವಾದ ಬೆನ್ನಲ್ಲೇ ಮುಂಬಯಿ ಷೇರು ಪೇಟೆ (ಬಿಎಸ್‌ಇ)ನಲ್ಲಿ ಎಸ್‌ಬಿಐ ಷೇರು ಮೌಲ್ಯ ಶೇ 4.2 ರಷ್ಟು ಏರಿಕೆ ಕಂಡು ಪ್ರತಿ ಷೇರಿನ ಬೆಲೆ 194.90 ರೂ.ಗೆ ತಲುಪಿದೆ.