ಸೆನ್ಸೆಕ್ಸ್ 364 ಅಂಕ ಜಿಗಿತ

ಮುಂಬಯಿ: ಬಜೆಟ್ ನಂತರ ಮುಂಬಯಿ ಷೇರು ಮಾರುಕಟ್ಟೆ ಸೂಚ್ಯಂಕದ ಏರುಗತಿಯ ಪ್ರವೃತ್ತಿ ಮೂರನೇ ದಿನಾದ ಗುರುವಾರ ಕೂಡ ಮುಂದುವರಿದಿದ್ದು, ಸೆನ್ಸೆಕ್ಸ್ 364 ಅಂಕಗಳ ಏರಿಕೆಯೊಂದಿಗೆ 24,607ಕ್ಕೆ ಸ್ಥಿರವಾಯಿತು.

ಏಷ್ಯಾದ ಬಹುತೇಕ ಷೇರು ಮಾರುಕಟ್ಟೆಗಳಲ್ಲಿ ಸೂಚ್ಯಂಕಗಳು ಜಿಗಿಯಿತು. ಆರ್‌ಬಿಐ ಬಡ್ಡಿ ದರ ಇಳಿಸುವ ನಿರೀಕ್ಷೆ, ಅಮೆರಿಕದಲ್ಲಿ ಉದ್ಯೋಗಾವಕಾಶಗಳು ಸುಧಾರಿಸಿರುವುದು, ಸರಕುಗಳ ಬೆಲೆ ಚೇತರಿಕೆ ಕಂಡಿರುವುದು ಸಕಾರಾತ್ಮಕ ಪ್ರಭಾವ ಬೀರಿತು. ಕಳೆದ ಎರಡು ದಿನಗಳಲ್ಲಿ ಸೂಚ್ಯಂಕ 1,241 ಅಂಕಗಳನ್ನು ಸಂಪಾದಿಸಿತ್ತು.

ವಿದೇಶಿ ಹೂಡಿಕೆದಾರರು 1,437.50 ಕೋಟಿ ರೂ. ಮೌಲ್ಯದ ಷೇರುಗಳನ್ನು ಬುಧವಾರ ಖರೀದಿಸಿದ್ದರು.