ಮೊದಲ ಸಲ 37,000 ಅಂಕ ಜಿಗಿದ ಸೆನ್ಸೆಕ್ಸ್

ಹೊಸದಿಲ್ಲಿ: ಭಾರತೀಯ ಷೇರು ಮಾರ್ಕೆಟ್‍‍ ಹೊಸ ದಾಖಲೆ ಸೃಷ್ಟಿಸಿದೆ. ಷೇರು ಮಾರುಕಟ್ಟೆ ಇತಿಹಾಸದಲ್ಲೇ ಮೊದಲಬಾರಿಗೆ 37,000 ಅಂಕಗಳನ್ನು ತಲುಪಿ ಮತ್ತೆ ಸ್ವಲ್ಪ ಮಟ್ಟಿಗೆ ಕುಸಿತ ಕಂಡಿದೆ. ನಿಫ್ಟಿ ಸಹ ದಿನದ ಗರಿಷ್ಠ 11,172 ಅಂಕಗಳನ್ನು ತಲುಪಿತು.

ಗುರುವಾರ (ಜು.26) 10.33ರ ಸಮಯದಲ್ಲಿ ಬಿಎಸ್‍ಇ ಸೆನ್ಸೆಕ್ಸ್ 110 ಅಂಕಗಳ ಲಾಭದೊಂದಿಗೆ ಸೂಚ್ಯಂಕ 36,939 ಪಾಯಿಂಟ್ಸ್‌ನಲ್ಲಿ ಮುಂದುವೆರೆಯುತ್ತಿದ್ದರೆ, ಇನ್ನೊಂದು ಸೂಚ್ಯಂಕ ನಿಫ್ಟಿ 33 ಪಾಯಿಂಟ್ಸ್ ಏರಿಕೆಯಾಗಿ 11,165 ರಲ್ಲಿ ಟ್ರೆಡ್ ಆಗುತ್ತಿದೆ.

ಇಂದು ಮಾರುಕಟ್ಟೆ ಪ್ರಾರಂಭವಾದ ಸ್ವಲ್ಪ ಸಮಯಕ್ಕೆ 118 ಪಾಯಿಂಟ್ಸ್ ಏರಿಕೆ ಕಂಡು 36,977 ಅಂಕಗಳವರೆಗೂ ತಲುಪಿತು. ಇದೇ ಸಮಯದಲ್ಲಿ ಪ್ರಾರಂಭದ ಟ್ರೇಡಿಂಗ್‌ನಲ್ಲಿ ನಿಫ್ಟಿ 11,132.95 ಬಳಿ ಪ್ರಾರಂಭವಾಗಿ ಒಂದು ಹಂತದಲ್ಲಿ 11,172 ಗರಿಷ್ಠಕ್ಕೆ ತಲುಪಿತು. ನಿಫ್ಟಿ 50 ಕಂಪೆನಿಗಳಲ್ಲಿ 30 ಕಂಪೆನಿ ಷೇರುಗಳು ಲಾಭದಲ್ಲಿ ಮುನ್ನುಗ್ಗುತ್ತಿವೆ.

ಎನ್‍ಎಸ್‍ಇಯಲ್ಲಿ ಪಿಎಸ್‍ಯೂ ಬ್ಯಾಂಕ್ಸ್, ಎಫ್‌ಎಂಸಿಜಿ, ಸ್ಥಿರಾಸ್ತಿ, ವಾಹನ, ಫಾರ್ಮಾ ಕ್ಷೇತ್ರಗಳು ಶೇ.0.4 ರಿಂದ ಶೇ.1.2ರ ನಡುವೆ ಲಾಭದಲ್ಲಿ ಮುನ್ನಡೆಯುತ್ತಿವೆ. ಡಾಲರ್‌‌ಗೆ ಹೋಲಿಸಿದರೆ ರೂಪಾಯಿ ಮೌಲ್ಯ 69.37 ರೂ.ಗಳಲ್ಲಿ ಮುಂದುವೆರೆಯುತ್ತಿದೆ.