ಷೇರು ಮಾರುಕಟ್ಟೆ ಶುಭಾರಂಭ, 12 ಸಾವಿರ ಗಡಿಯತ್ತ ನಿಫ್ಟಿ, ಏರುಮುಖ ಕಂಡ ಇನ್ಫಿ

ಮುಂಬಯಿ: ಷೇರು ಮಾರುಕಟ್ಟೆಯ ಮಂಗಳವಾರದ ವಹಿವಾಟು ಮಂಗಳಕರವಾಗಿದೆ. ರಾಷ್ಟ್ರೀಯ ಷೇರು ವಿನಿಮಯ ಮಾರುಕಟ್ಟೆಯ ವಹಿವಾಟು ಆರಂಭದಲ್ಲಿ ಸ್ವಲ್ಪ ಇಳಿಕೆ ಕಂಡಿದ್ದರೂ ಕ್ಷಿಪ್ರಗತಿಯಲ್ಲಿ ಚೇತರಿಕೆ ಕಂಡು ಹಿಡಿತ ಸಾಧಿಸಿದೆ.

ಐಟಿ ದಿಗ್ಗಜ ಹಾಗೂ ಸಂಸ್ಥೆಗಳು ಹಾಗೂ ಮೊಬೈಲ್‌ ಸೇವಾ ಪೂರೈಕೆದಾರ ಸಂಸ್ಥೆಗಳು ಏರುಮುಖ ಕಂಡಿದದ್ದರಿಂದ ಮಾರುಕಟ್ಟೆಯ ಮೇಲೆ ಭಾರಿ ಪರಿಣಾಮ ಬೀರಿದೆ.

ಮಂಗಳವಾರ ಆರಂಭಿಕ ವಹಿವಾಟಿನಲ್ಲಿ ಮುಂಬಯಿ ಷೇರು ವಿನಿಮಯ ಪೇಟೆ 44 ಅಂಕಗಳ ಜಂಪ್‌ ಕಂಡಿದೆ. ಸೆನ್ಸೆಕ್ಸ್‌ 40,638 ಅಂಕಗಳೊಂದಿಗೆ ವಹಿವಾಟು ಆರಂಭಿಸಿದೆ.

ರಾಷ್ಟ್ರೀಯ ಷೇರು ವಿನಿಮಯ ಪೇಟೆಯಲ್ಲೂ ಮಂಗಳವಾರ ಆರಂಭ ಉತ್ತಮವಾಗಿ ನಿಫ್ಟಿ 22 ಅಂಕಗಳ ಏರಿಕೆ ಕಂಡು 11,953 ಅಂಕಗಳೊಂದಿಗೆ ಪ್ರಗತಿಯ ಹಾದಿಯತ್ತ ಮುಖ ಮಾಡಿದೆ.

ಸೆನ್ಸೆಕ್ಸ್‌ 350 ಅಂಕ ಏರಲು ಕೆಲವು ಕಂಪನಿಗಳ ಚೇತರಿಕೆಯೂ ಕಾರಣವಾಗಿದೆ. ಪ್ರಮುಖವಾಗಿ ಐಟಿ ದಿಗ್ಗಜ ಕಂಪನಿಗಳ ಷೇರು ಮೌಲ್ಯ ಹೆಚ್ಚಾಗಿದ್ದು ಚೇತರಿಕೆಗೆ ನಾಂದಿ ಹಾಡಿದೆ. ಇನ್ಫೋಸಿಸ್‌ ಷೇರುಗಳ ಗ್ರಾಫ್‌ ಮೇಲ್ಮುಖವಾಗಿದೆ.

ಜತೆಗೆ ಭಾರ್ತಿ ಏರ್‌ಟೆಲ್‌, ವೇದಾಂತ ಕಂಪನಿಯ ಷೇರುಗಳ ಏರಿಕೆಯಿಂದಾಗಿ ಮಾರುಕಟ್ಟೆಯಲ್ಲಿ ಪ್ರಗತಿ ಕಂಡುಬಂದಿದೆ.

ಇದರ ಜತೆಗೆ ಕೆಲವು ಸಣ್ಣಪುಟ್ಟ ಷೇರುಗಳು ಏರುಮುಖದಲ್ಲಿ ಸಾಗುತ್ತಿರುವುದು ಸಣ್ಣಮಟ್ಟದ ಹೂಡಿಕೆದಾರರ ಜೇಬು ತುಂಬಿಸಿದೆ. ಬ್ಯಾಂಕಿಂಗ್‌, ಫಾರ್ಮಾ ಮತ್ತು ರಿಯಲ್‌ ಎಸ್ಟೇಟ್‌ ಕ್ಷೇತ್ರದ ಕಂಪನಿಗಳ ಷೇರು ಸ್ವಲ್ಪ ಗೇನ್‌ ಮಾಡಿಕೊಂಡಿದೆ.