ವಾರದ ಆರಂಭ; ಷೇರು ಮಾರುಕಟ್ಟೆ ಶುಭಾರಂಭ, 12 ಸಾವಿರ ಗಡಿಯತ್ತ ನಿಫ್ಟಿ

ಮುಂಬಯಿ: ಕಳೆದ ಕೆಲವು ದಿನಗಳಿಂದ ಡಲ್‌ ಹೊಡೆದಿದ್ದ ಷೇರು ಮಾರುಕಟ್ಟೆ, ವಾರದ ಆರಂಭದ ದಿನವಾದ ಸೋಮವಾರ ಚೇತರಿಕೆ ಕಂಡಿದೆ. ರಾಷ್ಟ್ರೀಯ ಷೇರು ವಿನಿಮಯ ಮಾರುಕಟ್ಟೆ ಏರಿಕೆ ಕಂಡಿದ್ದು, ನಿಫ್ಟಿ 12 ಸಾವಿರ ಗಡಿ ದಾಟಿದೆ.

ಸೋಮವಾರ ಆರಂಭಿಕ ವಹಿವಾಟಿನಲ್ಲಿ ಮುಂಬಯಿ ಷೇರು ವಿನಿಮಯ ಪೇಟೆಯಲ್ಲಿ 255 ಅಂಕಗಳ ಜಂಪ್‌ ಕಂಡುಬಂದಿದೆ. ವಾರದ ಆರಂಭ ದಿನ ಸೆನ್ಸೆಕ್ಸ್‌ 40,764 ಅಂಕಗಳೊಂದಿಗೆ ವಹಿವಾಟು ಆರಂಭಿಸಿದೆ.

ರಾಷ್ಟ್ರೀಯ ಷೇರು ವಿನಿಮಯ ಪೇಟೆಯಲ್ಲೂ ಸೋಮವಾರದ ಆರಂಭ ಉತ್ತಮವಾಗಿ ನಿಫ್ಟಿ 56 ಅಂಕಗಳ ಏರಿಕೆ ಕಂಡು 11,971 ಅಂಕಗಳೊಂದಿಗೆ ಪ್ರಗತಿಯ ಹಾದಿಯತ್ತ ಮುಖ ಮಾಡಿದೆ.

ಸೆನ್ಸೆಕ್ಸ್‌ 350 ಅಂಕ ಏರಲು ಕೆಲವು ಕಂಪನಿಗಳ ಚೇತರಿಕೆಯೂ ಕಾರಣವಾಗಿದೆ. ಪ್ರಮುಖವಾಗಿ ಬ್ಯಾಂಕಿಂಗ್‌ ಷೇರು ಮೌಲ್ಯ ಹೆಚ್ಚಾಗಿದ್ದು ಚೇತರಿಕೆಗೆ ಇದು ನಾಂದಿ ಹಾಡಿದೆ.

ಕಳೆದ ವಾರದಲ್ಲಿ ಭಾರಿ ಏರಿಳಿತ ಕಂಡಿದ್ದ ಷೇರು ಮಾರುಕಟ್ಟೆ ಈ ವಾರದಲ್ಲಿ ಇನ್ನಷ್ಟು ಏರಿಕೆಯ ನಿರೀಕ್ಷೆಯನ್ನು ಹೊಂದಿದೆ.

ಬ್ಯಾಂಕಿಂಗ್‌ ಮತ್ತು ರಿಯಲ್‌ ಎಸ್ಟೇಟ್‌ ಕ್ಷೇತ್ರದ ಕಂಪನಿಗಳ ಷೇರು ವಾರದ ಸ್ವಲ್ಪ ಗೇನ್‌ ಮಾಡಿಕೊಂಡಿದೆ. ಇದು ಒಟ್ಟಾರೆ ಮಾರುಕಟ್ಟೆಯ ವಹಿವಾಟಿನ ಮೇಲೆ ಪ್ರಭಾವ ಬೀರಿದೆ.