ಏರಿಳಿತ ಕಂಡ ಸೆನ್ಸೆಕ್ಸ್‌: ಐಟಿ, ಫಾರ್ಮಾ ವಲಯಕ್ಕೆ ನಷ್ಟ

ಮುಂಬಯಿ: ಬುಧವಾರದಂದು 550 ಅಂಕಗಳಷ್ಟು ಏರಿಕೆ ಕಾಣುವ ಮೂಲಕ ಆಶಾವಾದ ಹುಟ್ಟಿಸಿದ್ದ ಮುಂಬಯಿ ಷೇರು ಮಾರುಕಟ್ಟೆಯ ಸೆನ್ಸೆಕ್ಸ್‌ ಗುರುವಾರ ಹಲವು ಏರಿಳಿತಗಳನ್ನು ಕಂಡು ಅಂತಿಮವಾಗಿ 10 ಅಂಕ ಕುಸಿತದೊಂದಿಗೆ ದಿನದಂತ್ಯ ಕಂಡಿತು.

34,442 ಅಂಕದೊಂದಿಗೆ ದಿನ ಆರಂಭಗೊಂಡಿದ್ದು, ಒಂದು ಹಂತದಲ್ಲಿ ಅದು 376 ಹೆಚ್ಚುವರಿ ಅಂಕಗಳನ್ನು ಗಳಿಸಿತು. ಆದರೆ, ಬಳಿಕ ತೀರಾ ಕುಸಿತವನ್ನು ಕಂಡು ಒಂದು ಹಂತದಲ್ಲಿ 34,303.38ಕ್ಕೆ ಇಳಿಯಿತು. ಬಳಿಕ ಅಂತಿಮವಾಗಿ ಚೇತರಿಕೆ ಪಡೆದು 34,431.97ಕ್ಕೆ ಸ್ಥಿರಗೊಂಡಿತು.

ಈ ನಡುವೆ, ಸಾಫ್ಟ್‌ವೇರ್‌, ಫಾರ್ಮಾಸ್ಯೂಟಿಕಲ್‌ ಕಂಪನಿಗಳು ನಷ್ಟವನ್ನು ಅನುಭವಿಸಿದರೆ, ಬ್ಯಾಂಕಿಂಗ್‌ ಮತ್ತು ಆಟೋ ವಿಭಾಗಗಳಿಗೆ ಲಾಭವಾಯಿತು. ವಿದೇಶಿ ಹಣದ ಹರಿವು ಮಾತ್ರ ಎಂದಿನಂತೆಯೇ ಇತ್ತು.

ಎನ್‌ಎಸ್‌ಇ ನಿಫ್ಟಿ ಕೂಡಾ 10,441.90 ಮತ್ತು 10341.90ರ ನಡುವೆ ಉಯ್ಯಾಲೆಯಾಡಿ ಅಂತಿಮವಾಗಿ 10,380.45ಕ್ಕೆ ಸ್ಥಿರವಾಯಿತು.