ವರ್ಕ್ ಆಯ್ತು ನಿರ್ಮಲಾ ಟಾನಿಕ್!: ಗಣನೀಯ ಏರಿಕೆ ಕಂಡ ಷೇರು ಮಾರುಕಟ್ಟೆ

ಮುಂಬೈ: ಭಾರತೀಯ ಷೇರು ಮಾರುಕಟ್ಟೆ ಮತ್ತೆ ಪುಟಿದೆದ್ದಿದೆ. ಕೇಂದ್ರ ಹಣಕಾಸು ಇಲಾಖೆ ದೇಶದ ಆರ್ಥಿಕಾಭಿವೃದ್ಧಿಗೆ ಟಾನಿಕ್ ಕೊಟ್ಟ ಬೆನ್ನಲ್ಲೇ, ಷೇರು ಮಾರುಕಟ್ಟೆಯಲ್ಲಿ 700ಕ್ಕೂ ಹೆಚ್ಚು ಅಂಕಗಳ ಏರಿಕೆ ದಾಖಲಾಗಿದೆ. ಒಟ್ಟಾರೆ 37,496 ಅಂಕಗಳಿಗೆ ಬಂದು ನಿಂತಿದೆ. ನಿಫ್ಟಿ ಕೂಡಾ 2.10 ಅಂಕಗಳ ಏರಿಕೆ ಕಂಡಿದ್ದು, ದಾಖಲೆಯ 11,052 ಅಂಕಗಳಿಗೆ ವೃದ್ದಿ ಕಂಡಿದೆ. ಬ್ಯಾಂಕಿಂಗ್, ಹಣಕಾಸು ಸೇವಾ ವಲಯಗಳಲ್ಲಿ ಪ್ರಗತಿ ಕಂಡಿದ್ದೇ ಈ ಏರಿಕೆಗೆ ಕಾರಣ ಎಂದು ವಿಶ್ಲೇಷಿಸಲಾಗಿದೆ.

ದೇಶದ ಆರ್ಥಿಕತೆ ಪುನಶ್ಚೇತನಕ್ಕೆ ನಿರ್ಮಲಾ ಸೀತಾರಾಮನ್‌ ಟಾನಿಕ್

ಇನ್ನೊಂದೆಡೆ, ಲೋಹ ಉತ್ಪನ್ನಗಳ ಉತ್ಪಾದನಾ ವಲಯದಲ್ಲಿ ಕುಸಿತ ಕಂಡಿದೆ. ಚೀನಾ ಹಾಗೂ ಅಮೆರಿಕ ನಡುವಣ ವ್ಯಾಪಾರ-ವಹಿವಾಟಿನ ಸಮರದ ನೇರ ದುಷ್ಪರಿಣಾಮ ಭಾರತದ ಮಾರುಕಟ್ಟೆ ಮೇಲೆ ಆಗುತ್ತಿದೆ. ಚೀನಾದ ಉತ್ಪನ್ನಗಳ ಮೇಲೆ ಅಮೆರಿಕ ಹೆಚ್ಚುವರಿ ತೆರಿಗೆ ವಿಧಿಸಿರುವ ಪರಿಣಾಮ, ಭಾರತಕ್ಕೂ ಬಿಸಿ ತಟ್ಟಿದೆ.

ನಿಫ್ಟಿಯಲ್ಲಿ ಅದಾನಿ ಪೋರ್ಟ್ ಗಣನೀಯ ಏರಿಕೆ ಕಂಡ ಮೊದಲ ಸಂಸ್ಥೆಯಾಗಿ ಗುರ್ತಿಸಿಕೊಂಡಿದೆ. ಯೆಸ್ ಬ್ಯಾಂಕ್, ಹೆಚ್‌ಡಿಎಫ್‌ಸಿ, ಇಂಡಿಯಾ ಬುಲ್ಸ್, ಎಲ್ ಅಂಡ್ ಟಿ, ಬಜಾಜ್ ಫೈನಾನ್ಸ್, ಐಸಿಐಸಿಐ ಬ್ಯಾಂಕ್ ಗಳ ಸಾಧನೆ ಸುಧಾರಿಸಿದೆ. ಆದ್ರೆ, ಟಾಟಾ, ಜೆಎಸ್ ಡಬ್ಲ್ಯೂ ಸ್ಟೀಲ್ಸ್, ವೇದಾಂತ, ಹೀರೋ ಮೋಟಾರ್ ಕಾರ್ಪ್ ಸೇರಿದಂತೆ ಹಲವು ಸಂಸ್ಥೆಗಳು ಕುಸಿತ ಕಂಡಿವೆ.