ಷೇರು ಮಾರುಕಟ್ಟೆ ಇಳಿಮುಖ, ಹೂಡಿಕೆದಾರರಿಗೆ ಭಾರಿ ನಿರಾಸೆ

ಮುಂಬಯಿ: ಕಳೆದ ಕೆಲವು ದಿನಗಳಿಂದ ಷೇರು ಮಾರುಕಟ್ಟೆಯಲ್ಲಿ ಹಾವು ಏಣಿಯಾಟ ಜೋರಾಗಿ ಸಾಗಿದೆ. ಗುರುವಾರ ಬೆಳಗಿನ ಆರಂಭದ ವಹಿವಾಟಿನಲ್ಲೂ ಮೋಡಕವಿದ ವಾತಾವರಣ ಕಂಡುಬಂದಿದ್ದು, ಇದರಿಂದ ದಲಾಲ್‌ ಸ್ಟ್ರೀಟ್‌ನಲ್ಲಿ ಹೂಡಿಕೆದಾರರಿಗೆ ಭಾರಿ ನಿರಾಸೆ ಮೂಡಿಸಿದೆ.

ಮುಂಬಯಿ ಷೇರು ವಿನಿಮಯ ಮಾರುಕಟ್ಟೆಯಲ್ಲಿ ಗುರುವಾರದ ಆರಂಭಿಕ ವಹಿವಾಟಿನಲ್ಲಿ ಸೆನ್ಸೆಕ್ಸ್‌ 37 ಅಂಕ ಏರಿಕೆ ಕಂಡರೂ ನಂತರ 80 ಅಂಕ ಇಳಿಕೆಯಾಗಿದೆ. ಸೆನ್ಸೆಕ್ಸ್‌ 40,783 ತಲುಪಿದೆ.

ಆದರೆ ಸತತ ಮೂರನೇ ದಿನವೂ ಸಾಫ್ಟ್‌ವೇರ್‌ ದಿಗ್ಗಜ ಕಂಪನಿಗಳಾದ ಇನ್ಫೋಸಿಸ್‌ ಮತ್ತು ವಿಪ್ರೊ ಮಾತ್ರ ಸ್ಥಿರತೆಯನ್ನು ಕಾಪಾಡಿಕೊಂಡಿದೆ.

ರಾಷ್ಟ್ರೀಯ ಷೇರು ವಿನಿಮಯ ಮಾರುಕಟ್ಟೆಯ ವಹಿವಾಟು ಆರಂಭದಲ್ಲಿ ಸ್ವಲ್ಪ ಇಳಿಕೆ ಕಂಡಿದ್ದರೂ ಚೇತರಿಕೆ ಕಂಡಿದೆ.

ರಾಷ್ಟ್ರೀಯ ಷೇರು ಪೇಟೆಯಲ್ಲಿ ಗುರುವಾರ ಚೇತರಿಕೆಯನ್ನು ಕಂಡಿದ್ದು, ಏರಿಳಿತಗಳ ನಡುವೆಯೂ ನಿಫ್ಟಿ 11,967 ಅಂಕದಲ್ಲಿ ಆರಂಭಿಕ ವಹಿವಾಟು ನಡೆಸುತ್ತಿದೆ.

ಗುರುವಾರದ ಆರಂಭಿಕ ವಹಿವಾಟಿನಲ್ಲಿ ಜತೆಗೆ ಕೆಲವು ಸಣ್ಣಪುಟ್ಟ ಷೇರುಗಳು ಏರುಮುಖದಲ್ಲಿ ಸಾಗುತ್ತಿರುವುದು ಸಣ್ಣಮಟ್ಟದ ಹೂಡಿಕೆದಾರರ ಖಾತೆ ತುಂಬಿಸಿದೆ.