ಫ್ಲಿಪ್‌ಕಾರ್ಟ್‌ ಷೇರು ಮಾರಾಟಕ್ಕೆ ಸಾಫ್ಟ್‌ಬ್ಯಾಂಕ್‌ ಒಪ್ಪಿಗೆ

ಬೆಂಗಳೂರು: ಫ್ಲಿಪ್‌ಕಾರ್ಟ್‌ನಲ್ಲಿರುವ ತನ್ನ ಶೇ.21ರಷ್ಟು ಷೇರುಗಳನ್ನು ಅಮೆರಿಕ ಮೂಲದ ವಾಲ್‌ಮಾರ್ಟ್‌ಗೆ ಮಾರಾಟ ಮಾಡಲು ಹೂಡಿಕೆದಾರ ಸಾಫ್ಟ್‌ ಬ್ಯಾಂಕ್‌ ಸಮ್ಮತಿಸಿದೆ. ಇದರೊಂದಿಗೆ ಜಪಾನ್‌ ಮೂಲದ ಸಾಫ್ಟ್‌ ಬ್ಯಾಂಕ್‌ ಹೂಡಿಕೆಯನ್ನು ಮುಂದುವರಿಸಲಿದೆಯೇ ಇಲ್ಲವೇ ಎಂಬ ಗೊಂದಲಗಳಿಗೆ ತೆರೆ ಬಿದ್ದಿದೆ.

ಸಾಫ್ಟ್‌ ಬ್ಯಾಂಕ್‌, ಫ್ಲಿಪ್‌ಕಾರ್ಟ್‌ನಲ್ಲಿ ಸುಮಾರು 205 ಕೋಟಿ ಡಾಲರ್‌ (16250 ಕೋಟಿ ರೂ.) ಮೊತ್ತವನ್ನು ಹೂಡಿಕೆ ಮಾಡಿತ್ತು. ಕಂಪನಿಯು ಷೇರು ಮಾರಾಟದ ಮೂಲಕ 26,000 ಕೋಟಿ ರೂ. ಹಣ ಗಳಿಸುವ ನಿರೀಕ್ಷೆ ಇದೆ. ತೆರಿಗೆ ಸಂಬಂಧಿತ ವಿಚಾರಗಳು ಇತ್ಯರ್ಥವಾಗದಿದ್ದ ಪರಿಣಾಮ, ನಿರ್ಧಾರ ತೆಗೆದುಕೊಳ್ಳಲು ಸಾಫ್ಟ್‌ ಬ್ಯಾಂಕ್‌ ಕಾಲಾವಕಾಶ ತೆಗೆದುಕೊಂಡಿತ್ತು.