ಸೆನ್ಸೆಕ್ಸ್‌ 50,000 ಅಂಕಗಳ ಮೈಲುಗಲ್ಲಿಗೆ ಮತ್ತಷ್ಟು ಸನಿಹ! ನಿಫ್ಟಿ 14,563ಕ್ಕೆ ಸ್ಥಿರ

ಮುಂಬಯಿ: ಮುಂಬಯಿ ಷೇರು ಮಾರುಕಟ್ಟೆ ಸಂವೇದಿ ಸೂಚ್ಯಂಕ ಸೆನ್ಸೆಕ್ಸ್‌ ಮಂಗಳವಾರ ಹೊಸ ಎತ್ತರಕ್ಕೇರಿದ್ದು, 50,000 ಅಂಕಗಳ ಮೈಲುಗಲ್ಲಿಗೆ ಮತ್ತಷ್ಟು ಸನಿಹದಲ್ಲಿದೆ. ಸತತ ಮೂರು ದಿನಗಳಿಂದ ಸೆನ್ಸೆಕ್ಸ್‌ ಜಿಗಿಯುತ್ತಿದ್ದು, 247 ಅಂಕ ಜಿಗಿದು 49,569ಕ್ಕೆ ದಿನದ ವಹಿವಾಟು ಮುಕ್ತಾಯಗೊಳಿಸಿತು. ನಿಫ್ಟಿ 78 ಅಂಕ ಜಿಗಿದು 14,563ಕ್ಕೆ ಸ್ಥಿರವಾಯಿತು.

ಎಸ್‌ಬಿಐ, ಎಚ್‌ಡಿಎಫ್‌ಸಿ ಬ್ಯಾಂಕ್‌, ಐಟಿಸಿ, ಎಕ್ಸಿಸ್‌ ಬ್ಯಾಂಕ್‌, ರಿಲಯನ್ಸ್‌ ಇಂಡಸ್ಟ್ರೀಸ್‌, ಎನ್‌ಟಿಪಿಸಿ ಷೇರುಗಳು ಲಾಭ ಗಳಿಸಿತು. ಏಷ್ಯನ್‌ ಪೇಂಟ್ಸ್‌, ಎಚ್‌ ಯುಎಲ್‌, ನೆಸ್ಲೆಇಂಡಿಯಾ, ಟೈಟಾನ್‌, ಕೋಟಕ್‌ ಬ್ಯಾಂಕ್‌, ಸನ್‌ ಫಾರ್ಮಾ ಷೇರುಗಳ ದರ ಇಳಿಯಿತು.

2021ರಲ್ಲಿ ಬ್ಯಾಂಕ್‌ ಗಳ ಎನ್‌ಪಿಎ ಮಟ್ಟ ಹೆಚ್ಚಬಹುದು ಎಂಬ ಆರ್‌ಬಿಐ ಗವರ್ನರ್‌ ಶಕ್ತಿಕಾಂತ ದಾಸ್‌ ಅವರ ಹೇಳಿಕೆಯ ಹೊರತಾಗಿಯೂ ಷೇರುಗಳ ಖರೀದಿ ಭರಾಟೆ ಮುಂದುವರಿಯಿತು. ಟೆಲಿಕಾಂ, ರಿಯಾಲ್ಟಿ, ಇಂಧನ, ಅನಿಲ, ಆಟೊಮೊಬೈಲ್‌, ಹಣಕಾಸು ವಲಯದ ಷೇರುಗಳ ಮೌಲ್ಯ ವೃದ್ಧಿಸಿತು. ಶಾಂಘೈ, ಹಾಂಕಾಂಗ್‌, ಟೋಕಿಯೊದಲ್ಲಿ ಸೂಚ್ಯಂಕಗಳು ಚೇತರಿಸಿತು.

ಸಾರ್ವಕಾಲಿಕ ಗರಿಷ್ಠ ಬೆಲೆಗಿಂತ ₹8000 ಕುಸಿತ ಕಂಡ ಚಿನ್ನ! ಆಭರಣಪ್ರಿಯರಿಗೆ ಫುಲ್‌ ಖುಷ್‌!

2021ರಲ್ಲಿ ಸೆನ್ಸೆಕ್ಸ್‌ ಮತ್ತು ನಿಫ್ಟಿ-50 ಎರಡೂ ಕೂಡ ಗರಿಷ್ಠ ಮಟ್ಟ ತಲುಪುವ ಸಾಧ್ಯತೆ ಇದೆ ಎಂದು ಮಾರುಕಟ್ಟೆ ತಜ್ಞರು ಭವಿಷ್ಯ ನುಡಿದಿದ್ದಾರೆ. 2021ರಲ್ಲಿ ನಿಫ್ಟಿ ಸೂಚ್ಯಂಕ 15,000 ದಾಟಲಿದೆ ಎಂದಿದ್ದಾರೆ. ಬಿಎಸ್‌ಇ ಸೆನ್ಸೆಕ್ಸ್‌ ಕೂಡ ಭರ್ಜರಿ 50,000 ಅಂಕ ದಾಟಲಿದೆ ಎಂದು ಅಭಿಪ್ರಾಯಪಟ್ಟಿದ್ದಾರೆ.

ಷೇರುಪೇಟೆಗೆ ಶುಭ ಶುಕ್ರವಾರ! ಸೆನ್ಸೆಕ್ಸ್‌ 689 ಅಂಕ ಏರಿಕೆ!