ಅಡವಿಟ್ಟ ಲಂಡನ್ ಮನೆಯಿಂದ ಮಲ್ಯ ಕುಟುಂಬ ಹೊರಹಾಕಿ: ಕೋರ್ಟ್ ಮೆಟ್ಟಿಲೇರಿದ ಸ್ವಿಸ್ ಬ್ಯಾಂಕ್

ಹೊಸದಿಲ್ಲಿ: ದೇಶದ ಸರಕಾರಿ ಸೌಮ್ಯದ ಬ್ಯಾಂಕ್‌ಗಳಿಗೆ ಸಾಲ ಮರುಪಾವತಿ ಮಾಡದೇ ವಿದೇಶಕ್ಕೆ ಪಲಾಯನ ಮಾಡಿ ಮೋಜು-ಮಸ್ತಿ ಮಾಡುತ್ತಿರುವ ಮದ್ಯದ ದೊರೆ ವಿಜಯ್ ಮಲ್ಯಗೆ ಮತ್ತೊಂದು ಸಂಕಷ್ಟ ಎದುರಾಗಿದೆ.

ಲಂಡನ್‌ನ ರೀಜೆಂಟ್ ಪಾರ್ಕ್‌ನಲ್ಲಿರುವ ಐಷಾರಾಮಿ ಬಂಗಲೆಯಿಂದ ವಿಜಯ್ ಮಲ್ಯ, ಅವರ ಪುತ್ರ ಹಾಗೂ ತಾಯಿಯನ್ನು ಹೊರಹಾಕಬೇಕೆಂದು ಕೋರಿ ಸ್ವೀಸ್ ಬ್ಯಾಂಕ್ ಬ್ರಿಟನ್ ಹೈಕೋರ್ಟ್ ಮೆಟ್ಟಿಲೇರಿದೆ.

ಈ ಐಷಾರಾಮಿ ಬಂಗಲೆಯನ್ನು ಅಡ ಇಟ್ಟು ವಿಜಯ್ ಮಲ್ಯ ಸಾಲ ಪಡೆದಿದ್ದರು. ಆದರೆ, ಅವಧಿ ಮುಗಿದ ಬಳಿಕವೂ ಸಾಲ ಮರುಪಾವತಿ ಮಾಡದ ಹಿನ್ನೆಲೆಯಲ್ಲಿ ಮಲ್ಯ ಕುಟುಂಬವನ್ನು ಬಂಗಲೆಯಿಂದ ಹೊರಹಾಕಲು ಅನುಮತಿ ನೀಡಬೇಕೆಂದು ಸ್ವೀಸ್ ಬ್ಯಾಕ್ ಕೋರಿದೆ.

ರೋಸ್ ಕ್ಯಾಪಿಟಲ್ ವೆಂಚರ್ಸ್ ಲಿಮಿಟೆಟ್, ವಿಜಯ್ ಮಲ್ಯ ಅವರ ತಾಯಿ ಲಲಿತಾ ಮಲ್ಯ ಮತ್ತು ಪುತ್ರ ಸಿದ್ದಾರ್ಥ್ ಮಲ್ಯ ಅವರ ವಿರುದ್ಧ ಪ್ರಕರಣವೊಂದರ ವಿಚಾರಣೆ ಅಕ್ಟೋಬರ್‌ 24ರಂದು ನಡೆಯಲಿದೆ. ರೋಸ್ ಕ್ಯಾಪಿಟಲ್ ವೆಂಚರ್ಸ್ ಲಿಮಿಟೆಡ್ 2012ರ ಮಾರ್ಚ್‍ನಲ್ಲಿ 195 ಕೋಟಿ ರೂ.ಗಳಿಗೆ ಯುಬಿಎಸ್ಈ ಬಂಗಲೆಯನ್ನು ಅಡವಿಟ್ಟು 195 ಕೋಟಿ ಸಾಲ ಪಡೆದಿತ್ತು