ಮೊಬೈಲ್‌ ಸೇವೆ ದರ ಏರಿಕೆಯಿಂದ ರಿಲಯನ್ಸ್‌ ಜಿಯೋ ಗಳಿಸಿದ ಆದಾಯ ಎಷ್ಟು ಗೊತ್ತೆ?

ಹೊಸದಿಲ್ಲಿ: ರಿಲಯನ್ಸ್‌ ಜಿಯೊದ ಹೊಸ ದರಗಳು ಶುಕ್ರವಾರದಿಂದ ಜಾರಿಗೆ ಬಂದಿವೆ. ಗ್ರಾಹಕರಿಗೆ ದರ ಹೆಚ್ಚಳದ ಬಿಸಿ ಅನುಭವಕ್ಕೆ ಬಂದಿದೆ. ಜಿಯೊ ಇತ್ತೀಚೆಗೆ ದರ ಏರಿಕೆ ಮಾಡಿರುವ ಹಿನ್ನೆಲೆಯಲ್ಲಿ 2020-21ರಲ್ಲಿಕಂಪನಿಯ ಆದಾಯ 33 ಪರ್ಸೆಂಟ್‌ ಹೆಚ್ಚಳವಾಗಬಹುದು (10,500 ಕೋಟಿ ರೂ. ಅಂದಾಜು) ಎಂದು ಉದ್ಯಮ ತಜ್ಞರು ಅಂದಾಜು ಮಾಡಿದ್ದಾರೆ.

ಹೆಚ್ಚಿನ ರಿಯಾಯಿತಿ ದರಗಳನ್ನು ವಾಪಸ್‌ ಪಡೆದಿರುವ ಮುಕೇಶ್‌ ಅಂಬಾನಿ ನೇತೃತ್ವದ ರಿಲಯನ್ಸ್‌ ಜಿಯೊ, ಇತ್ತೀಚೆಗಷ್ಟೇ ತನ್ನ ಕರೆ ಮತ್ತು ಡೇಟಾ ಶುಲ್ಕಗಳನ್ನು ಶೇ.40ರ ತನಕ ಏರಿಕೆ ಮಾಡಿದೆ. ಇದರ ಪರಿಣಾಮ ಜಿಯೊದ ಆದಾಯ ಏರಿಕೆಯಾಗಲಿದೆ ಎಂದು ತಜ್ಞರು ಹೇಳಿದ್ದಾರೆ.

ಕರೆ ಮತ್ತು ಡೇಟಾ ಶುಲ್ಕಗಳ ಏರಿಕೆ ಪರಿಣಾಮ ಜಿಯೊದ ಒಬ್ಬ ಗ್ರಾಹಕನ ಮೊಬೈಲ್‌ ಬಿಲ್‌ ವಾರ್ಷಿಕ ಶೇ.28-29ರಷ್ಟು ಏರಿಕೆಯಾಗಲಿದೆ. ಅಂದರೆ ಸರಾಸರಿ ಒಬ್ಬ ಗ್ರಾಹಕನಿಂದ 157 ರೂ. ಹೆಚ್ಚುವರಿ ಶುಲ್ಕವು ಕಂಪನಿಗೆ ಸಂದಾಯವಾಗಲಿದೆ.

ಲೋಕಾಯುಕ್ತದಿಂದ ಈರುಳ್ಳಿ ಅಕ್ರಮ ದಾಸ್ತಾನು ಪರಿಶೀಲನೆ :ಎಪಿಎಂಸಿ ಯಾರ್ಡ್‌ ವರ್ತಕರಿಗೆ ಎಚ್ಚರಿಕೆ

''ಜಿಯೋ ಹೊಸದಾಗಿ 56 ದಿನಗಳ ಪ್ಲಾನ್‌ ಅನ್ನು ಪ್ರಕಟಿಸಿದೆ. ಹೆಚ್ಚಿನ ವಾಯ್‌್ಸ ಕಾಲಿಂಗ್‌ ಸೌಲಭ್ಯವನ್ನು(ಐಯುಸಿ ಮಿನಿಟ್ಸ್‌) ಇಲ್ಲಿಪಡೆಯಬಹುದು. ಹಿಂದಿನ 28 ದಿನಗಳ ಪ್ಲಾನ್‌ಗೆ ಹೋಲಿಸಿದರೆ ಜಿಬಿ ದರವು ಗ್ರಾಹಕನಿಗೆ ಏರಿಕೆಯಾಗಿದೆ. ಅಗ್ಗದ ಸೇವೆಯನ್ನು ಕಡಿತಗೊಳಿಸಲು ಕಂಪನಿ ಮುಂದಾಗಿದೆ,'' ಎಂದು ಎಸ್‌ಬಿಐಕ್ಯಾಪ್‌ ಸೆಕ್ಯೂರಿಟೀಸ್‌ ಹೇಳಿದೆ.

ಈರುಳ್ಳಿಗಾಗಿ ಬೆಳಗಾವಿಯ ಹೋಟೆಲ್‌ನಲ್ಲಿ ಹೊಡೆದಾಟ, ಯುವಕರಿಬ್ಬರಿಗೆ ಗಾಯ!

''ಹೊಸ ಗ್ರಾಹಕರ ಸೇರ್ಪಡೆಯಿಂದಾಗಿ ಜಿಯೊದ 90 ಲಕ್ಷ ಗ್ರಾಹಕರು 2020ರ ಮಾರ್ಚ್ ತನಕ ಮಂದುವರಿಯಲಿದ್ದಾರೆ,'' ಎಂದೂ ಸಂಸ್ಥೆ ಅಂದಾಜು ಮಾಡಿದೆ.

ಟೆಲಿಕಾಂ ವಲಯದಲ್ಲಿನ ದರ ಸಮರ ಮುಕ್ತಾಯವಾಗಿದ್ದು ವೊಡಾಫೋನ್‌ ಐಡಿಯಾ ಮತ್ತು ಏರ್‌ಟೆಲ್‌ ಈಗಾಗಲೇ ಕರೆ ಮತ್ತು ಡೇಟಾ ಶುಲ್ಕಗಳನ್ನು ಏರಿಕೆ ಮಾಡಿವೆ. ಈಗ ಜಿಯೊ ಸಹ ಈ ಸಾಲಿಗೆ ಸೇರಿಕೊಂಡಿದೆ. ಆದಾಗ್ಯೂ, ಪ್ರತಿಸ್ಪರ್ಧಿ ಕಂಪನಿಗಳಿಗೆ ಹೋಲಿಸಿದರೆ ಜಿಯೊ ದರಗಳು ಶೇ.25ರಷ್ಟು ಅಗ್ಗವಾಗಿವೆ ಎಂದು ಕಂಪನಿ ಹೇಳಿಕೊಂಡಿದೆ.