ಟಾಟಾ ಗ್ರೂಪ್‌ ದಿನ ದಿನವೂ ಹೊಸ ಸುದ್ದಿಗಳೊಂದಿಗೆ ಅಬ್ಬರಿಸುತ್ತಿದ್ದು, ಇದೀಗ ಸಮೂಹದ ಅಧ್ಯಕ್ಷ ನಟರಾಜನ್‌ (ಎನ್‌) ಚಂದ್ರಶೇಖರನ್ ದುಬಾರಿ ಮನೆ ಖರೀದಿಸಿ ಸುದ್ದಿಯಾಗಿದ್ದಾರೆ.
11ನೇ ಮತ್ತು 12ನೇ ಮಹಡಿಯಲ್ಲಿರುವ ಡ್ಯೂಪ್ಲೆಕ್ಸ್ ಮನೆ ಸುಮಾರು 6,000 ಚದರ ಅಡಿ ವಿಸ್ತೀರ್ಣದ ಕಾರ್ಪೆಟ್ ಪ್ರದೇಶ ಹೊಂದಿದೆ. "ಚಂದ್ರಶೇಖರ್‌ ಈಗಾಗಲೇ ಕೆಲವು ವರ್ಷಗಳಿಂದ 20 ಲಕ್ಷ ರೂ.ಗಳ ಮಾಸಿಕ ಬಾಡಿಗೆಗೆ ಇಲ್ಲಿ ವಾಸಿಸುತ್ತಿದ್ದರು,” ಎಂದು ಒಪ್ಪಂದದ ಬಗ್ಗೆ ತಿಳಿದಿರುವ ಮೂಲಗಳು ತಿಳಿಸಿವೆ. "2017 ಫೆಬ್ರವರಿ 21 ರಂದು ಟಾಟಾ ಸನ್ಸ್‌ನ ಅಧ್ಯಕ್ಷರಾಗಿ ಅಧಿಕಾರ ವಹಿಸಿಕೊಂಡ ನಂತರ ಚಂದ್ರಶೇಖರನ್ ಅವರು ಈ 33 ಸೌತ್ ಕಾಂಡೋಮಿನಿಯಂಗೆ ಬಂದಿದ್ದರು,” ಎಂದು ಕಂಪನಿಯ ಮೂಲಗಳು ‘ಟಿಒಐ’ಗೆ ತಿಳಿಸಿವೆ.
ಚಂದ್ರಶೇಖರನ್ (58), ಅವರ ಪತ್ನಿ ಲಲಿತಾ ಮತ್ತು ಮಗ ಪ್ರಣವ್ ಹೆಸರಿನಲ್ಲಿ ಮೂರು ದಿನಗಳ ಹಿಂದೆ ಒಪ್ಪಂದವನ್ನು ನೋಂದಾಯಿಸಲಾಗಿದೆ. ಪ್ರತಿ ಚದರ ಅಡಿಗೆ 1.6 ಲಕ್ಷ ರೂ.ಗಳಂತೆ ವಹಿವಾಟು ನಡೆದಿದೆ. ಬಿಲ್ಡರ್ ಸಮೀರ್ ಭೋಜ್ವಾನಿ ಮಾಲಿಕತ್ವದ ಜೀವೇಶ್ ಡೆವಲಪರ್ಸ್ ಪ್ರೈವೇಟ್ ಲಿಮಿಟೆಡ್ ಈ ಮನೆಯನ್ನು ಮಾರಾಟ ಮಾಡಿದೆ. 2008ರಲ್ಲಿ ಭೊಜ್ವಾನಿ ಮತ್ತು ವಿನೋದ್‌ ಮಿತ್ತಲ್‌ ಈ ಮನೆಯನ್ನು ನಿರ್ಮಿಸಿದ್ದರು.
ಫೆಬ್ರವರಿ 20, 2027ರವರೆಗೆ ಮತ್ತೊಂದು ಐದು ವರ್ಷಗಳ ಅವಧಿಗೆ ಟಾಟಾ ಸನ್ಸ್ ಅಧ್ಯಕ್ಷರಾಗಿ ಚಂದ್ರಶೇಖರನ್ ಇತ್ತೀಚೆಗೆ ಮರು ನೇಮಕವಾಗಿದ್ದರು. ಇದಾದ ಬೆನ್ನಿಗೆ ಅವರೀಗ ಈ ಡ್ಯುಪ್ಲೆಕ್ಸ್ ಮನೆಯನ್ನು ಖರೀದಿಸಿದ್ದಾರೆ. ಚಂದ್ರಶೇಖರನ್ ಅವರು 2021ರ ಹಣಕಾಸು ವರ್ಷದಲ್ಲಿ ಸುಮಾರು 91 ಕೋಟಿ ರೂ. ವಾರ್ಷಿಕ ಸಂಭಾವನೆ ಪಡೆದುಕೊಂಡಿದ್ದು, ದೇಶದಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ ಕಾರ್ಪೊರೇಟ್‌ ಕಂಪನಿಗಳ ಮುಖ್ಯಸ್ಥರಲ್ಲಿ ಒಬ್ಬರಾಗಿದ್ದಾರೆ.
ರಿಯಲ್ ಎಸ್ಟೇಟ್ ಮಾರುಕಟ್ಟೆಯ ಮೂಲಗಳ ಪ್ರಕಾರ ಮುಂಬೈನಲ್ಲಿ ಇಂತಹ ಹೆಚ್ಚಿನ ಮೌಲ್ಯದ ವಹಿವಾಟುಗಳು ತೀರಾ ಕಡಿಮೆ. ಮುಂಬೈನ ಐಷಾರಾಮಿ ವಸತಿ ಮಾರುಕಟ್ಟೆಯ ಕುರಿತು ಪ್ರತಿಕ್ರಿಯಿಸಿರುವ ಲಿಯಾಸೆಸ್ ಫೋರಸ್‌ನ ಎಂಡಿ ಪಂಕಜ್ ಕಪೂರ್, “ವರ್ಷದಲ್ಲಿ ಈ ರೀತಿಯ ಕೇವಲ 25 ಮನೆಗಳು ಮಾರಾಟವಾಗುತ್ತವೆ. ಈ ವೇಗದಲ್ಲಿ ಈಗಿರುವ ಮನೆಗಳು ಮಾರಾಟವಾಗಲು ಇನ್ನೂ 15 ವರ್ಷಗಳು ಬೇಕು ಎಂದಿದ್ದಾರೆ. ಇಂತಹ ಮನೆಗಳನ್ನು ತೆಗೆದುಕೊಳ್ಳುವವರ ಸಂಖ್ಯೆ ತೀರಾ ಕಡಿಮೆ ಇರುವುದರಿಂದ, ಉದ್ಯಮ ವರ್ಷ ವರ್ಷವೂ ಸೊರಗುತ್ತಿದೆ,” ಎಂದಿದ್ದಾರೆ. ನೈಟ್ ಫ್ರಾಂಕ್ ಇಂಡಿಯಾ ಸಂಗ್ರಹಿಸಿದ ಮಾಹಿತಿ ಪ್ರಕಾರ, ಮುಂಬೈನಲ್ಲಿ ಜನವರಿ 2022 ರಿಂದ ಕೇವಲ 13 ಹೆಚ್ಚಿನ ಮೌಲ್ಯದ ವಹಿವಾಟುಗಳು ನಡೆದಿವೆ.
11ನೇ ಮತ್ತು 12ನೇ ಮಹಡಿಯಲ್ಲಿರುವ ಡ್ಯೂಪ್ಲೆಕ್ಸ್ ಮನೆ ಸುಮಾರು 6,000 ಚದರ ಅಡಿ ವಿಸ್ತೀರ್ಣದ ಕಾರ್ಪೆಟ್ ಪ್ರದೇಶ ಹೊಂದಿದೆ. "ಚಂದ್ರಶೇಖರ್‌ ಈಗಾಗಲೇ ಕೆಲವು ವರ್ಷಗಳಿಂದ 20 ಲಕ್ಷ ರೂ.ಗಳ ಮಾಸಿಕ ಬಾಡಿಗೆಗೆ ಇಲ್ಲಿ ವಾಸಿಸುತ್ತಿದ್ದರು,” ಎಂದು ಒಪ್ಪಂದದ ಬಗ್ಗೆ ತಿಳಿದಿರುವ ಮೂಲಗಳು ತಿಳಿಸಿವೆ. "2017 ಫೆಬ್ರವರಿ 21 ರಂದು ಟಾಟಾ ಸನ್ಸ್‌ನ ಅಧ್ಯಕ್ಷರಾಗಿ ಅಧಿಕಾರ ವಹಿಸಿಕೊಂಡ ನಂತರ ಚಂದ್ರಶೇಖರನ್ ಅವರು ಈ 33 ಸೌತ್ ಕಾಂಡೋಮಿನಿಯಂಗೆ ಬಂದಿದ್ದರು,” ಎಂದು ಕಂಪನಿಯ ಮೂಲಗಳು ‘ಟಿಒಐ’ಗೆ ತಿಳಿಸಿವೆ.
ಎನ್‌ ಚಂದ್ರಶೇಖರನ್ ಖರೀದಿಸಿರುವ ಮನೆ ಇರುವ 33 ಸೌತ್ ಕಟ್ಟಡ
ಚಂದ್ರಶೇಖರನ್ (58), ಅವರ ಪತ್ನಿ ಲಲಿತಾ ಮತ್ತು ಮಗ ಪ್ರಣವ್ ಹೆಸರಿನಲ್ಲಿ ಮೂರು ದಿನಗಳ ಹಿಂದೆ ಒಪ್ಪಂದವನ್ನು ನೋಂದಾಯಿಸಲಾಗಿದೆ. ಪ್ರತಿ ಚದರ ಅಡಿಗೆ 1.6 ಲಕ್ಷ ರೂ.ಗಳಂತೆ ವಹಿವಾಟು ನಡೆದಿದೆ. ಬಿಲ್ಡರ್ ಸಮೀರ್ ಭೋಜ್ವಾನಿ ಮಾಲಿಕತ್ವದ ಜೀವೇಶ್ ಡೆವಲಪರ್ಸ್ ಪ್ರೈವೇಟ್ ಲಿಮಿಟೆಡ್ ಈ ಮನೆಯನ್ನು ಮಾರಾಟ ಮಾಡಿದೆ. 2008ರಲ್ಲಿ ಭೊಜ್ವಾನಿ ಮತ್ತು ವಿನೋದ್‌ ಮಿತ್ತಲ್‌ ಈ ಮನೆಯನ್ನು ನಿರ್ಮಿಸಿದ್ದರು.
ಫೆಬ್ರವರಿ 20, 2027ರವರೆಗೆ ಮತ್ತೊಂದು ಐದು ವರ್ಷಗಳ ಅವಧಿಗೆ ಟಾಟಾ ಸನ್ಸ್ ಅಧ್ಯಕ್ಷರಾಗಿ ಚಂದ್ರಶೇಖರನ್ ಇತ್ತೀಚೆಗೆ ಮರು ನೇಮಕವಾಗಿದ್ದರು. ಇದಾದ ಬೆನ್ನಿಗೆ ಅವರೀಗ ಈ ಡ್ಯುಪ್ಲೆಕ್ಸ್ ಮನೆಯನ್ನು ಖರೀದಿಸಿದ್ದಾರೆ. ಚಂದ್ರಶೇಖರನ್ ಅವರು 2021ರ ಹಣಕಾಸು ವರ್ಷದಲ್ಲಿ ಸುಮಾರು 91 ಕೋಟಿ ರೂ. ವಾರ್ಷಿಕ ಸಂಭಾವನೆ ಪಡೆದುಕೊಂಡಿದ್ದು, ದೇಶದಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ ಕಾರ್ಪೊರೇಟ್‌ ಕಂಪನಿಗಳ ಮುಖ್ಯಸ್ಥರಲ್ಲಿ ಒಬ್ಬರಾಗಿದ್ದಾರೆ.
ರಿಯಲ್ ಎಸ್ಟೇಟ್ ಮಾರುಕಟ್ಟೆಯ ಮೂಲಗಳ ಪ್ರಕಾರ ಮುಂಬೈನಲ್ಲಿ ಇಂತಹ ಹೆಚ್ಚಿನ ಮೌಲ್ಯದ ವಹಿವಾಟುಗಳು ತೀರಾ ಕಡಿಮೆ. ಮುಂಬೈನ ಐಷಾರಾಮಿ ವಸತಿ ಮಾರುಕಟ್ಟೆಯ ಕುರಿತು ಪ್ರತಿಕ್ರಿಯಿಸಿರುವ ಲಿಯಾಸೆಸ್ ಫೋರಸ್‌ನ ಎಂಡಿ ಪಂಕಜ್ ಕಪೂರ್, “ವರ್ಷದಲ್ಲಿ ಈ ರೀತಿಯ ಕೇವಲ 25 ಮನೆಗಳು ಮಾರಾಟವಾಗುತ್ತವೆ. ಈ ವೇಗದಲ್ಲಿ ಈಗಿರುವ ಮನೆಗಳು ಮಾರಾಟವಾಗಲು ಇನ್ನೂ 15 ವರ್ಷಗಳು ಬೇಕು ಎಂದಿದ್ದಾರೆ. ಇಂತಹ ಮನೆಗಳನ್ನು ತೆಗೆದುಕೊಳ್ಳುವವರ ಸಂಖ್ಯೆ ತೀರಾ ಕಡಿಮೆ ಇರುವುದರಿಂದ, ಉದ್ಯಮ ವರ್ಷ ವರ್ಷವೂ ಸೊರಗುತ್ತಿದೆ,” ಎಂದಿದ್ದಾರೆ. ನೈಟ್ ಫ್ರಾಂಕ್ ಇಂಡಿಯಾ ಸಂಗ್ರಹಿಸಿದ ಮಾಹಿತಿ ಪ್ರಕಾರ, ಮುಂಬೈನಲ್ಲಿ ಜನವರಿ 2022 ರಿಂದ ಕೇವಲ 13 ಹೆಚ್ಚಿನ ಮೌಲ್ಯದ ವಹಿವಾಟುಗಳು ನಡೆದಿವೆ.