ಸರವಣ ಗ್ರೂಪ್‌ನ ಕಚೇರಿಗಳಿಗೆ ಐಟಿ ರೇಡ್‌

ಹೊಸದಿಲ್ಲಿ: ತೆರಿಗೆ ವಂಚನೆ ಪ್ರಕರಣಗಳ ತನಿಖೆ ನಡೆಸುತ್ತಿರುವ ಆದಾಯ ತೆರಿಗೆ ಇಲಾಖೆ ಮಂಗಳವಾರ ತಮಿಳುನಾಡಿನ 74 ಕಡೆಗಳಲ್ಲಿ ದಾಳಿ ನಡೆಸಿದೆ. ಎರಡು ರಿಯಲ್‌ ಎಸ್ಟೇಟ್‌ ಗ್ರೂಪ್‌ ಮತ್ತು ಸರವಣ ದಿನಸಿ ಸ್ಟೋರ್‌ ಚೈನ್‌ನ ಕಚೇರಿಗಳಿಗೆ ಈ ದಾಳಿ ನಡೆದಿದೆ.

ಪ್ರಮುಖವಾಗಿ ಚೆನ್ನೈ ಮತ್ತು ಕೊಯಮತ್ತೂರಿನಲ್ಲಿ ತಪಾಸಣೆ ನಡೆದಿದ್ದು, ಸರವಣ ಗ್ರೂಪ್‌ನ ಮಾಲೀಕ ಯೋಗಿರತ್ನಂ ಪೊಂಡುರೈ ಅವರ ಮನೆಗೂ ದಾಳಿ ನಡೆಸಲಾಗಿದೆ. 70 ಐಟಿ ಅಧಿಕಾರಿಗಳ ತಂಡ ಈ ಕಾರ್ಯಾಚರಣೆ ನಡೆಸಿದೆ. ಕಳೆದ ತಿಂಗಳು ಸರವಣ ಭವನ ಹೋಟೆಲ್‌ಗಳ ಮೇಲೆ ದಾಳಿ ನಡೆದಿತ್ತು.