ಭಾರತದ ಆಮದು ತೆರಿಗೆ ನೀತಿಗೆ ತಜ್ಞರ ಬೆಂಬಲ

ಹೊಸದಿಲ್ಲಿ: ಕೃಷಿ ಕ್ಷೇತ್ರದ ಅಂತಾರಾಷ್ಟ್ರೀಯ ವ್ಯಾಪಾರಕ್ಕೆ ಸಂಬಂಧಿಸಿ ಭಾರತ ತನ್ನ ಹಿತಾಸಕ್ತಿಗೆ ಪೂರಕವಾದ ಆಮದು ತೆರಿಗೆಯನ್ನು ವಿಧಿಸಬಹುದು. ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಆರೋಪಿಸುವಂತೆ ಭಾರತ ವಿಶ್ವದಲ್ಲಿಯೇ ಭಾರಿ ಪ್ರಮಾಣದಲ್ಲಿ ಆಮದು ತೆರಿಗೆಗಳನ್ನು ವಿಧಿಸುವುದಿಲ್ಲ. ಅದು ತೆರಿಗೆಗಳ ಕಿಂಗ್‌ ಅಲ್ಲ ಎಂದು ತಜ್ಞರು ಹೇಳಿದ್ದಾರೆ.

ಜಪಾನ್‌, ದಕ್ಷಿಣ ಕೊರಿಯಾ, ಐರೋಪ್ಯ ಒಕ್ಕೂಟ, ಅಮೆರಿಕ ಕೂಡ ಕೃಷಿ ಉತ್ಪನ್ನಗಳ ತೆರಿಗೆ ದರಗಳನ್ನು ಉನ್ನತ ಮಟ್ಟದಲ್ಲಿಡುತ್ತವೆ ಎಮದು ತಜ್ಞರು ಹೇಳಿದ್ದಾರೆ.

ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಇತ್ತೀಚೆಗೆ ಭಾರತವನ್ನು 'ತೆರಿಗೆಗಳ ರಾಜ' ಎಂದು ಟೀಕಿಸಿದ್ದರು. ಅಮೆರಿಕದ ಉತ್ಪನ್ನಗಳಿಗೆ ಭಾರಿ ಆಮದು ತೆರಿಗೆ ವಿಧಿಸುತ್ತಿದೆ ಎಂದು ಆರೋಪಿಸಿದ್ದರು. ಇದೀಗ ರಫ್ತು ಸಂಘಟನೆ ಎಫ್‌ಐಇಒ ನಿರ್ದೇಶಕ ಅಜಯ್‌ ಸಹಾಯ್‌, ಐಐಎಫ್‌ಟಿಯ ಪ್ರೊಫೆಸರ್‌ ರಾಕೇಶ್‌ ಮೋಹನ್‌ ಮೊದಲಾದ ತಜ್ಞರು ಭಾರತದ ಆಮದು ತೆರಿಗೆ ನೀತಿಯನ್ನು ಬೆಂಬಲಿಸಿದ್ದಾರೆ.