ತೇಜಸ್‌ನಿಂದ ಏರ್‌-ಟು-ಏರ್‌ ಸಾಹಸ

ಬೆಂಗಳೂರು: ಬೆಂಗಳೂರಿನ ಎಚ್‌ಎಎಲ್‌ ನಿರ್ಮಿಸಿರುವ, ಭಾರತೀಯ ವಾಯುಪಡೆಯಲ್ಲಿರುವ ಲಘು ಯುದ್ಧ ವಿಮಾನ ತೇಜಸ್‌ ಎಲ್‌ಎಸ್‌ಪಿ8, ಆಕಾಶದಲ್ಲಿಯೇ ಮತ್ತೊಂದು ವಿಮಾನದಿಂದ ಇಂಧನವನ್ನು ತುಂಬಿಕೊಂಡು ಹಾರಾಟ ಮುಂದುವರಿಸುವ ಪ್ರಯೋಗವನ್ನು ಯಶಸ್ವಿಯಾಗಿ ನಿರ್ವಹಿಸಿದೆ. ಒಟ್ಟು 1900 ಕೆ.ಜಿ ಇಂಧನವನ್ನು 20,000 ಅಡಿಗಳಷ್ಟು ಎತ್ತರದಲ್ಲಿ ತೇಜಸ್‌ಗೆ ವರ್ಗಾಯಿಸಲಾಯಿತು. ಇದರೊಂದಿಗೆ ಭಾರತ ವಾಯುಪಡೆಯಲ್ಲಿ ಏರ್‌-ಟು-ಏರ್‌ ಸಿಸ್ಟಮ್‌ ಹೊಂದಿರುವ ಮಿಲಿಟರಿ ವ್ಯವಸ್ಥೆಯಾಗಿ ಹೊರಹೊಮ್ಮಿದೆ ಎಂದು ಎಚ್‌ಎಎಲ್‌ನ ಸಿಎಂಡಿ ಆರ್‌ ಮಾಧವನ್‌ ತಿಳಿಸಿದ್ದಾರೆ. ವಿಂಗ್‌ ಕಮಾಂಡರ್‌ ಸಿದ್ಧಾರ್ಥ್‌ ಸಿಂಗ್‌ ಈ ತೇಜಸ್‌ನ ಪ್ರಯೋಗವನ್ನು ಯಶಸ್ವಿಯಾಗಿ ನಿರ್ವಹಿಸಿದರು.