- ಹೈದರ್‌ಸಾಬ್‌ ಕುಂದಾಣ
ಸಮನ್ವಯತೆ ಕೊರತೆ ಅಭಿವೃದ್ಧಿಗೆ ಹಿನ್ನಡೆ
ಖನಿಜ ನಿಧಿಯಡಿ ಸುಮಾರು 8 ಸರಕಾರಿ ಇಲಾಖೆಗಳಿಗೆ ಕಾಮಗಾರಿಗಳ ಕ್ರಿಯಾ ಯೋಜನೆ ತಯಾರಿಸಿ, ಕಾಮಗಾರಿಗಳನ್ನು ಪೂರ್ಣಗೊಳಿಸುವ ಅವಕಾಶವಿದ್ದು, ಇಲಾಖೆಗಳ ನಡುವಿನ ಸಮನ್ವಯತೆ ಕೊರತೆಯಿಂದಾಗಿ ಖನಿಜ ನಿಧಿ ಹಣ ನಿಗದಿತ ಅವಧಿಯಲ್ಲಿ ಬಳಕೆಯಾಗದೆ ಕಾಮಗಾರಿಗಳು ತೆವಳುತ್ತಾ ಸಾಗುತ್ತಿವೆ. ಅಭಿವೃದ್ಧಿಗೆ ಹಿನ್ನಡೆಯಾಗುತ್ತಿರುವ ಗ್ರಾಮಗಳಲ್ಲಿ ಇಲಾಖಾಧಿಕಾರಿಗಳು ಮತ್ತಷ್ಟು ಗಮನಹರಿಸಬೇಕೆಂಬುದು ಗಣಿಗಾರಿಕೆ ಪ್ರದೇಶಗಳ ಆಸುಪಾಸಿನ ಜನರ ಒತ್ತಾಸೆಯಾಗಿದೆ.
ಖನಿಜ ನಿಧಿ ಮೇಲೆ ಸರಕಾರದ ಕಣ್ಣುಖನಿಜನಿಧಿ ಬಳಕೆ ಯಾವುದಕ್ಕೆ?
ಖನಿಜ ನಿಧಿಯನ್ನು ಶೇ. 60ರಷ್ಟು ಕುಡಿಯುವ ನೀರು, ಪರಿಸರ ಸಂರಕ್ಷಣೆ, ಆರೋಗ್ಯ, ಶಿಕ್ಷಣ, ಮಹಿಳಾ ಮತ್ತು ಮಕ್ಕಳ ಕಲ್ಯಾಣ, ಕೌಶಲಾಭಿವೃದ್ಧಿಗೆ, ಶೇ. 40ರಷ್ಟು ಮೂಲಸೌಕರ‍್ಯಗಳಾದ ರಸ್ತೆ, ಚರಂಡಿ, ಶೌಚಾಲಯ, ಶಾಲಾ ಕಾಲೇಜು ಅಭಿವೃದ್ಧಿ, ಸ್ಮಶಾನ, ಬೀದಿ ದೀಪ, ಸಮುದಾಯ ಭವನ ಮತ್ತು ನೀರಾವರಿ, ಪರಿಸರ ಗುಣಮಟ್ಟ ಹೆಚ್ಚಳ ಹೀಗೆ ಹಲವಾರು ರೀತಿಯಲ್ಲಿ ಬಳಸಲು ಅವಕಾಶ ಇರುತ್ತದೆ.
ತಾಲೂಕುವಾರು ಗಣಿಗಾರಿಕೆ ನಡೆಯುವ ಗ್ರಾಮಗಳು
ದೇವನಹಳ್ಳಿ: ತೈಲಗೆರೆ, ಮೀಸಗಾನಹಳ್ಳಿ, ಮುದ್ದನಾಯಕನಹಳ್ಳಿ, ಕೊಯಿರ,
ದೊಡ್ಡಬಳ್ಳಾಪುರ: ಮೆಲೆಕೋಟೆ, ಹಾಡೋಹಳ್ಳಿ
ನೆಲಮಂಗಲ: ಮಾಚೇನಹಳ್ಳೀ, ಕೆ.ಜೆ. ಜಾಜೂರು, ಕೆಂಗಲ್‌, ಚಿಕ್ಕನಹಳ್ಳಿ, ಕಲ್ಲನಾಯಕನಹಳ್ಳಿ
ಹೊಸಕೋಟೆ: ಗೂಗುಟ್ಟಹಳ್ಳಿ, ಉಲುವೇನಹಳ್ಳಿ, ಬಂಡ್ರಹಳ್ಳಿ, ಮೊತಕದಹಳ್ಳಿ, ತಿಮ್ಮಸಂದ್ರ, ಚೊಕ್ಕಸಂದ್ರ, ಬೈಲನರಸಪುರ
39 ಕೋಟಿ ರೂ. ರಾಯಲ್ಟಿ ಸಂಗ್ರಹ
ಖನಿಜ ನಿಧಿಯಲ್ಲಿ ಕೋಟ್ಯಂತರ ರೂ. ಹಣ ಬಳಕೆಯಾಗದೇ ಬ್ಯಾಂಕ್‌ ಖಾತೆಗಳಲ್ಲಿ ಉಳಿದುಕೊಂಡಿದೆ. ಗಣಿ ಹಾಗೂ ಭೂ ವಿಜ್ಞಾನ ಇಲಾಖೆ ನೀಡಿದ ಅಂಕಿ-ಅಂಶದ ಪ್ರಕಾರ, 2015-16 ರಿಂದ 2022-23ರವರೆಗೆ 39 ಕೋಟಿ ರೂ. ಡಿಎಂಎಫ್‌ ಹಣ ಸಂಗ್ರಹಿಸಲಾಗಿದೆ. ಈ ಪೈಕಿ ಅಭಿವೃದ್ಧಿ ಕಾರ್ಯಗಳಿಗೆ ಬಳಕೆಯಾಗಿದ್ದು ಶೇ. 75ರಷ್ಟು ಮಾತ್ರ. ಈಗಾಗಲೇ ಇಲಾಖೆಯಿಂದ ಸುಮಾರು 36 ಕೋಟಿ ರೂ. ಮೊತ್ತದ ಕ್ರಿಯಾಯೋಜನೆಗೆ ಅನುಮೋದನೆ ನೀಡಲಾಗಿದೆ. ಆದರೆ, ಈವರೆಗೆ 20 ಕೋಟಿ ರೂ. ಖನಿಜ ನಿಧಿ ಮಾತ್ರ ಖರ್ಚಾಗಿದೆ. ಕೋವಿಡ್‌ ವೇಳೆ ಸುಮಾರು 2-3 ಕೋಟಿ ರೂ. ಖನಿಜ ನಿಧಿ ಬಳಸಲಾಗಿದೆ ಎಂಬುದು ಗಣಿ ಮತ್ತು ಭೂ ವಿಜ್ಞಾನ ಇಲಾಖೆ ಅಧಿಕಾರಿಗಳ ಮಾಹಿತಿಯಾಗಿದೆ.
