ಗೋಲ್ಡ್ ಬಾಂಡ್ ಯೋಜನೆಗೆ ನೋಂದಣಿ ಶುರು
ಸರಕಾರದ ಮಹತ್ವಾಕಾಂಕ್ಷೆಯ ಚಿನ್ನದ ಬಾಂಡ್ ಯೋಜನೆಗೆ ಅ.23ರಿಂದ 25ರ ತನಕ ನೋಂದಣಿ ಮಾಡಿಕೊಳ್ಳಬಹುದು. ಗ್ರಾಂ ಚಿನ್ನದ ದರವನ್ನು 2,971 ರೂ. ಗೆ ನಿಗದಿ ಮಾಡಲಾಗಿದೆ.
PTI 23 Oct 2017, 10:19 am
ಹೊಸದಿಲ್ಲಿ: ಸರಕಾರದ ಮಹತ್ವಾಕಾಂಕ್ಷೆಯ ಚಿನ್ನದ ಬಾಂಡ್ ಯೋಜನೆಗೆ ಅ.23ರಿಂದ 25ರ ತನಕ ನೋಂದಣಿ ಮಾಡಿಕೊಳ್ಳಬಹುದು. ಗ್ರಾಂ ಚಿನ್ನದ ದರವನ್ನು 2,971 ರೂ. ಗೆ ನಿಗದಿ ಮಾಡಲಾಗಿದೆ.
2017-18ನೇ ಸಾಲಿನ ಮೂರನೇ ಸರಣಿಯ ಚಿನ್ನದ ಬಾಂಡ್ ಯೋಜನೆಗಿದ್ದು, ಅ.9ರಿಂದ ಡಿ.27ರ ತನಕ ನೋಂದಣಿಗೆ ಲಭ್ಯ. ಈ ನಡುವಿನ ಪ್ರತಿವಾರದ ಸೋಮವಾರದಿಂದ ಬುಧವಾರದ ಅವಧಿಯಲ್ಲಿ ಬಾಂಡ್ಗೆ ನೋಂದಣಿ ಮಾಡಿಕೊಳ್ಳಬಹುದಾಗಿದೆ.
ಹೂಡಿಕೆಯಾಗಿ ಚಿನ್ನವನ್ನು ಖರೀದಿಸುವ ಮಂದಿಗೆ ಇದು ಸೂಕ್ತ. ಆನ್ಲೈನ್ ಮತ್ತು ಡಿಜಿಟಲ್ ಮೂಲಕ ಹಣ ಪಾವತಿಸುವ ಮಂದಿಗೆ ಗ್ರಾಂ ಚಿನ್ನದ ದರದಲ್ಲಿ 50 ರೂ. ರಿಯಾಯಿತಿ ನೀಡುವುದಾಗಿ ಸರಕಾರ ಹೇಳಿದೆ.
ಕೇವಲ 1 ಗ್ರಾಂನಿಂದ ಹಿಡಿದು, ಗರಿಷ್ಠ 4 ಕೆ.ಜಿ ತನಕ ಚಿನ್ನದ ಬಾಂಡ್ ಖರೀದಿಗೆ ಅವಕಾಶವಿದೆ. ಟ್ರಸ್ಟ್ ಮತ್ತು ಇತರೆ ಸಂಘ ಸಂಸ್ಥೆಗಳು 20 ಕೆ.ಜಿ ತನಕ ಖರೀದಿಸಬಹುದು.